Luke 14
14
Kaieri-aton iaȣenre Teioteriȣasonterakȣen Oriȣatokenti tsini hoiaton Roiatatokenti Luc.
1ENSKAT oni naha Iesos ȣatastskaonna tsi rononsote ne ronȣakoȣanen ne Pharisian, akȣekon ok raonha tehonȣakanere.
2Saiatat rotiato etho oni nehne raiatarakȣe raohenton ne Iesos.
3Nok ne Iesos ȣasakoriȣanontonse ne Tohatiriȣakennhas oni ne Pharisian, Raton: aonton kenh naonsaiontatetsiente ne iakohnonȣaktani nʼAȣentatokentike?
4Iah othenon tethonatati. Ethone onen ne Iesos tahonentsa nok sahotsiente oni sahotori.
5Ethone are ionsasakoȣennarane nok ȣahenron: Onkakiok tsinitsion iahatkatho tsi ionaȣerote iakaiatenne ne raotsenen tionnhonskȣaron iah ontekenh oksaok taonsahaiatatako sahetosane aȣentatokentike?
6Iah othenon tehotikȣenion nothenon ahontahonatatike.
7Akȣa oni ȣatesakokaraientane tsi akȣekon ok neh ronaskennhen tsinonȣe tkanaktiio iahontien, ȣahenron tsi ȣatesakoriȣakentonkȣen.
8Katke kiok enhiesaonkaron tiakotenniote, tosa tsi tkanaktiio iahsatien, aseken tokat enhaiatarake ne senha raiatanoron tsiniiot nise.
9Nok ahienhase ne hetsisonihonkaraȣi: kenh kaien satsenakton: Onen nise atehensera tentisatiatonti tsi ohnaken iensesanistskȣaren.
10Kenh tanon nasiere nʼonen enhiesaonkaron, ohnaken tasatien, naontonseke nonen entre ne iahonkaraȣi naiarori ahenron: Ohenton niiahase Orie, nok akȣekon ok teniesarensaron tsini iakon enhieterontake.
11Aseken ehtake niienhentsien ne iontharatasts, nok enhiontharatate ne iontatkenronni.
12Ȣahaȣenhase oni ne roonkaraȣine: Katke nensa tennioten, tosa seonkaron ne seȣatenroson, iah oni ne tesatennontere, ok ne ens ne saȣatsire, tosa oni ne teseȣanon-sanekhanion rotikȣastses; onȣas ens naha oni nehne tentiesaonkaron ne rononha nok akȣekon entsisatkariakse.
13Neh tanon sheonkaron ne iakotentenion, teiontsarites oni ne teieronȣekon.
14Ensataskastston tsi iah teiakoien naonsaiesaieristse; entsiesaieritse tsi nentsiontonnhete ne tiakoriȣaieri.
15Saiatat tsini kentiokȣa tahatati, ȣahenron: Rotaskat onka ienhanatarake Niio raonakeraserakon.
16Tontahenron ne Iesos: Saiatat ȣahatennioten, nok kentiokoȣanen ȣasakohonkaron.
17Nok nonen siiakaheȣe taionstskaon, iahotori ne rahonnhatsera asakohnonksa tsiniiakon Sakohonkaraȣi aseken onen akȣekon kaȣeiennentaon.
18Akȣa enskat tsi nontahatiiere, taonteraiatakȣe; ȣahenron ne tahatierente: Skennen sanontonnionhek akȣa ok onȣa enkatkensera ne ȣakonȣentsianinon.
19Nok ne saiatat ȣahenron, ȣisk niioianeke toiotinakares ȣakenaskȣaninon iatekakonte kati tsi enkheiatenienten, skennen katisanontonnionhek iah oh takiere netho iahke.
20Sekon ne saiatat ȣahenron nehne: Akȣa onȣar ok ȣakeniakonhonhatie, iah kati takiere netho iake.
21Onenkati saraȣe ne kannhatsera, sahorori ne raiatakȣeniio. Tsi nahosense ne raiatakȣeniio, ȣahenron! ȣas, kanatakonsson oni tsi tekanatokenhaton, sheiatarorokha ne iakotentenion, teionstsarites, teieronȣekon oni, akȣekon kenh nontasheiatenhaf.
22Tontahenron ne rannhatsera: onen ki ȣakeriȣaieritonhatie, nok ki tanon sekon ionaktote.
23Tontahenron, ne Raiatakȣeniio! ȣas ohahakesson, atehonraktontie oni, nok tsiniiakon ensheken akȣa ok tasheiatenhaf, akanonsinn tsi ȣakenonsote.
24Aseken oriȣiio tsi iah onka tiiaontennhonta nakatennatsera tsinihati kheonkaraȣine.
25Kentiokoȣanen are ronȣanonteratie: tontahatkarhateni, nok ȣasakaȣenhase.
26Onkakiok raskaneks naiakenikȣekhene; tanon iah tesakotakȣasȣens, roniha, ronistenha, rone, Sakoienhokonha, rontennosenhokon oni rontatekenhokon iehiohe nakȣa raonha tsi ronnhe, iah onkiatenro teȣatonsere.
27Nok oni ne iah teiontketasts nakoiasa, iah onkiatenro teȣatonsere nʼiah iihne tentientane.
28Onka oni tsinitsion ahatenonsonniane, ne iah neh taontahatierentane, ahakaenhion roien onteken tsinikon kariȣanontons iaonstsahate nakȣa iahaȣeiennentane.
29Tosa neok naontahatasaȣen aontahenstskȣaren nok iah tiiahasa, onen nehne nonkȣeokon enhonȣatentoriatakȣake tsi enhiontkatoseke.
30Enhiontonheke: Akȣa nehne iehokȣenion naontahatasaȣen nok iah tiiehoson?
31Ok ne ens ne rakora ȣahateriiosere, iah onte kenh neh taontahatierente, ahariȣisake iatekaieri kenh noieri niȣenniaȣehetserasen niionkȣetake iatahoterate ne teȣasen niȣenniaȣehetserasen tahotiokȣine?
32Tokat iah taonton, ienhoteriȣanietase ki sekonok ihnon hentre, skennen tikenhak.
33Eh kati niiot tsinitsion ne iah tenseȣateȣentetane tsini seȣaien; iah ki onkȣatenro teȣatonsere.
34Iaȣekon ne teioiotsis; nok tanon nenhiotaksenne, oh nahoten entsienenhisatake?
35Iah othenon teskasta, akȣekon iah teioianere naiakonȣentsiaresenstakȣe; astste tanon ienȣation. Onka teionhontakarontakȣen naionronke, ionronk.
Currently Selected:
Luke 14: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
