Luke 15
15
Ȣisk-aton iaȣenre teioteriȣasonterakȣen Oriȣatokenti tsini hoiaton Roiatatokenti Luc.
1Akȣekon ne ratikarotasions oni nionkȣetaksenskȣeokonha ronȣateranentaktennihakȣe ne Iesos tsini honatahonsate tsi nahoten raton.
2Nok tanon ne Pharisian oni ne ratiiatons oia nontahonatierase, nok ȣahonniron: nisakonoronkȣa nionkȣetaksenskȣeokonha akȣa tehontonsts.
3Nok ne Iesos tontasakoriȣakentonkȣen, ȣahenron.
4Onka kiok tsinitsion enskat teȣenniaȣe ahonaskȣaientake teiotinakarontonha, skaiatat aontiataton, iah ontekenh ok eh tasakotsiakȣarisi karhakonkoȣa ne tioton niȣasen tanon tioton nok neh ahaiatisakha ne iotiatatonhon tsiniiore iaonsahaiatastsenri.
5Nok nonon enshaiatastsenri, enhanitsionkȣaketate tsini shostsennonnihatie.
6Nok nonen ensraȣe tsi rononsote iah ontekenh tiiasakohnonkhon ne rontenroson oni ne tehonnonsanekhanion, nok enhenron: teȣatonnharonnion tanon nonȣa aseken skiatastsenrion ne ȣakatenaskȣatonnine teiotinakarontonha?
7Etho kati niiot tsi kȣarori tsi senha entiontsennonnianion ne karonhiake ne saiatat roriȣaneraakskon enshatatreȣate tsiniiot ne tioton niȣasen tanon tioton rotiianere iah oni othenon tehotinnhitseraien.
8Ok ne ens ne tsiothonȣisen oieri niioȣistaien, enskat aioti, iah ontekenh oksaok takahaseroten nok aontonteȣeienton aionheȣe tsiniiore iaonsakatsenri.
9Nok nonen enshatsenri, ienhiakononkhon konstsihokon oni ne tekonnonsanekhanion, enȣatonne: teȣatonnharen tanisa aseken seȣaketsenrion ne ȣakȣistontionne?
10Eh kati niiot kȣarori tsi senha eniontonnharonnion nʼEronhiakerononokon, nenskat iakoriȣane raakskon onhiakonikonranonȣake nok entsiontatreȣate.
11Ratonhakȣe oni: Saiatat ne ronkȣe tekeni tehonekenterontseraien.
12Kkare onen ȣahenron ne kenhniraa: Rakeni, takon onen tsinikon nii akaȣenk. Nok ȣateshakok hasiase tsinikon roien.
13Iah tokariȣes onen akȣekon roienahatie ne kenh niraha tsinikon raoȣenk, nok ȣahatenti, ihnon tienakere eh niiahare, eh nonȣe iahatekkȣisa kenteserakon ne raoȣistakenha.
14Onen akȣekon sihotekkȣison ne raoȣista, ȣahontonkariakhon neh nonȣe niienakere, onen oni neraonha tontasaȣen ȣahotentane.
15Onenki ȣahannhatserisakha, nok ne ȣahonnhane iahotori asakonikonraratieseke tsini haonȣentsia raotsenenokon kȣiskȣis.
16Ethononȣe nihaskanekskȣe ahotsennonnihon oni neh arakseke ne kȣiskȣis ionatatenrase, sekon ki ens nehne iah tehonȣaȣiskȣe.
17Eh oni nonȣe onen tonsahosȣathene oni sareiarane ne raonhake, ȣahenron: toh are onte nonȣa nithonatekhonni ne rakoniha raonnhatsera, kenh nii nonȣe atonkariakon ȣakeriios.
18Tonsektane kati nok rakenineha ienske, enkiron. Rakeni, risentenni ne Niio, oni nise.
19Iah kati teseȣakerionte ne takienha aonsakaton, eh kati natakierasts tsiniiot ne sannhatsera.
20Tonsahatane, sahatenti ronineha niionsare. Sekon ok ihnon satontare; ok naha tahoken ne Roniha, ȣathoniatasiharane tsi nahotenre; iathoterate nok iahoniasa oni ȣathonoronkȣanionton.
21Nok ne ranekenteron ȣahenron: Rakeni, ȣakennhikon kentho ehtake nakaronhiati oni sahenton, iah kati teseȣakien naonsaionkenatonkȣake Hetsienha.
22Nok ne rokstenha ȣasakonnhane ne kannhatsera: ahontahatihaȣe nok ahonȣaseronniate nakȣa niateseȣakȣenniios, nok ahonȣasnonsaȣite oni tahonȣata.
23Ietsinonksa tionnhonskȣaron oȣira ionaressens, iestsirio; teteȣastskaon nok teȣatonnharonnion.
24Aseken kehiken riienha raȣenheionne, onen shotonnhetonhatie, rotiatatonhonne nok onen saraȣe. Nok tahontasaȣen ȣahontonnharen nok ȣahontekhonni.
25Kenh kaien ne thakoȣanen ne roienha kahetakon natontare; sekon ok kati ihsi niiore tare ok naha ȣaharonke tetiotonhare, karennote, oni teiakononniakȣen.
26Kannhatsera kati iahononke, ȣahoriȣanontonse oh niiotieren?
27Nok ne kannhatsera ȣahenron: Estse kenha ȣahi onen isro ne kati ȣaonni rotenniote ne Ianiha ne iahken tsi skennenkoȣa tironnhe saraȣe.
28Nok tsi nahonakkȣen iah teshothontaton niahonsahotaȣeiaton; Onen ki ne roniha iahaiakenne nok ȣathorhotonnion oh naiaȣennekenha aonsahataȣeiate.
29Tontahoȣennaȣeron ne roniha ȣahenron: onen eso ioserake shikonhiotense iah oni nonȣenton teskonhiatennikonrateȣaton, nok sane iah nonȣenton teskenaskȣaȣi arahona kaiatakeras oȣira akenhake naiakȣatonȣeshonkȣe nakatenro okon.
30Akȣa nehne ionerakȣat ne kehiken etsienha, akȣekon tsionatakȣakareni ȣakontekkȣisa tsinikon ehtsiaȣine, tanon tsi saraȣe ȣasheiaȣentho nionaresens.
31Nok ne roniha tahenron, kien, tiotkon nise tenikȣekonhatie, nok tsinikon ȣakien ise saȣenk.
32Teiotonȣentsiohonne ki aiontennioten oni aiontonnharen, neh kehiken ehtsekenha raȣenheionne, nok shotonnhetonhatie; rotiatatonhonne, nok onen saraȣe.
Currently Selected:
Luke 15: MHK
Highlight
Share
Copy
Want to have your highlights saved across all your devices? Sign up or sign in
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
