Popular Bible Verses from Luke 12

Share

Eh kati oni nise naseȣaier, seȣatateȣeionnentaonhak: aseken tsinonȣe ne iah tenseȣarhareke eh nonȣe nenraȣe nʼOnkȣe Roienha.

Neh tanon taseȣatierent seȣesak ne Niio raonakerasera, nok ne kenh iohaȣiton akȣekon nehne ok tatentetsiseȣaȣentastse.

Sekon sahenron: Seȣatkatto, tosa seȣaskennhasehak: aseken iah othenon taiakoiatakennhaste ne tohkiok oni naontaiakostsokoȣahake.

Aseken tsinonȣe nikaien ne seȣastsokoȣatsera, eh ki oni ienkaientake ne seȣeri.

Onka oni tsinitsion nehne niiateshatastsnie ahakȣeni skaiosa nahatatneniestste?

Ethone ȣasakaȣenhase ne raotiokȣa: Neh ȣaonni ȣakȣarori: ne tosa taeseȣatatenikonrharen ne tsionnhekȣen, nahoten aeseȣake, oni aeseȣatseronniate.

Ieiohe akȣekon ȣasheton tsinikon seȣanonkȣiserote, Tosa kati seȣateronn senhase ise seȣaiatanoron tsiniiot notsitenhokonha.

Tosa seȣateronn, seȣententsihon nitsion ok; thonikonriiohonse ne Etsiseȣaniha naetsitsion ne raonakerasera.

Teseȣaiatoret tsini kontiierha ne tsiokaȣe: iah tekontiienthos iah oni tekontiienthokȣas, iah oni teiotinonsoton, nok sane akȣekon sakohnontens ne Niio: toh onte senha isih nonȣe niseȣaiatanoron tsiniiot notsiten hokonha.

Tosa kati saseȣatonhek: nahoten enhiakȣake? nahoten oni enhiakȣanekira? tosa teseȣanikonranetak.

Tokat nonȣa eh niiore tsi tehasnie ne Niio nonhontessonha, nonȣa kenh iohniote, nok enhiorhenne enkaiakon ihsi ienȣation; ise kati onteken akȣa iataiseȣaiatanikonrhen, seȣanikonrasto.

Aseken iah tekaien neioteriȣaseton ne iah takatokensere; iah oni ȣene taontonsere ne kariȣaseton.