JEREMIAS 3
3
Dagiti panaganus ni Jehova iti ili. Ti cababalin ti Juda dacdakes ngem ti Israel. Ti Israel mapagbabawi.
1Cuncunada, No ti maysa a lalaki pagtalawenna ni asawana, ket isu sumina kencuana, ket agbalin nga asawa ti sabali a lalaki, isu pasubliennanto aya manen kencuana? saan aya a dayta a #Deut. 24:3, 4.daga matulawanto ti dackel? Ngem #Jer. 2:7.sica nagbalangcantisca iti adu a caayanayat; nupay casta agsublica manen caniac, cuna ni Jehova.
2Itangadmo dagita matam #Jer. 4:11; 7:29.cadagiti nalucasan a panpantoc, ket kitaem; sadino ti saanmo a nakicaiddaan? #Gen. 38:14. Eze. 16:25.Iti arpad dagiti daldalan nagururayca cadacuada, cas maysa a taga Arabia iti let-ang, #bil. 9. Jer. 2:7.ket tinulawam ti daga iti pannakicamalalam ken iti kinadangkesmo.
3Gapuna a dagiti #Jer. 14; 22.arbis naipaidamda, #Job 29:23.ket awan ti maud-udi a tudo; nupay casta adda idi kenca ti muging ti balangcantis, sica dica mabainan.
4Manipud ita a pannawen saancanto aya nga umawag caniac, Amac, sica ti mangidalan iti kinaubingco?
5Itaginayonnanto aya ti pungtotna iti awan inggana? #Sal. 103:9.isu idulinna aya agingga iti panungpalan? Adtoy, nagsaoca ken nagaramidca cadagiti dakes a banbanag, ket inaramidmo ti pagayatam.
6Ni Jehova kinunana manen caniac cadagiti al-aldaw ni Josias nga ari, Nakitam dayta inaramid ti managlicud nga Israel? #Jer. 2:20.isu simmang-at iti rabaw ti tunggal nangato a bantay ken iti siroc ti tunggal narucbos a cayo, ket idiay nagbalangcantis.
7Ket kinunac calpasan ti panangaramidna cadagitoy amin a banbanag, Isu agsublinto caniac; ngem isu saan a nagsubli: ket nakita ni nagulib a #Eze. 16:46; 23:4.cabsatna a babai a Juda.
8Ket siac nakitac, a gapu iti daytoy met laeng a panggep ni managlicud nga Israel nagaramid ti pannakicamalala, isu insinac, ket iniccac iti #Deut. 24:1-3. Isa. 50:1.surat ti panagsina ti agasawa, nupay casta ni nagulib a Juda a cabsatna a babai saan a nagbuteng; no di ket napan met ket nagbalangcantis.
9Ket naaramid gapu iti nalaca a pannakicamalalana, ti daga natulawan, ket isu nakicamalala #Jer. 2:37.cadagiti batbato ken cadagiti puon ti cayo.
10Ket nupay casta gapu amin daytoy ni nagulib a cabsatna a babai a Juda saan a nagsubli caniac iti amin a pusona, no di ket naginsusubli, cuna ni Jehova.
11Ket ni Jehova kinunana caniac, Ni managlicud nga Israel nagparang a nalinlinteg ngem ni nagulib a Juda.
12Inca, ket iwarragawagmo dagitoy a sasao nga #Jer. 1:13.isangom iti amianan, ket cunam, Agsublica, sica managlicud nga Israel, cuna ni Jehova; saanacto a cumita a sipupungtot kenca; ta siac manangngaasiac, cuna ni Jehova, diacto ituloy ti pungtotco iti agnanayon.
13Bigbigem laeng ti kinadakesmo, #Lev. 26:40. Deut. 30:1, 2.a simmalungasingca a maibusor ken Jehova a Diosmo, ken pinaadum dagiti daldalanmo #Jer. 2:25.cadagiti gangannaet iti siroc ti tunggal narucbos a cayo, ket dica tinungpal ti timecco, cuna ni Jehova.
14Agsublicayo, O managlicud nga annac, cuna ni Jehova; #Isa. 54:5. Jer. 31:32. Os. 2:19, 20.ta siac ti asawayo a lalaki; ket mangalaac cadacayo ti maysa #Rom. 11:5.iti tunggal ili, dua iti tunggal familia, ket ipancayto idiay Sion.
15Ket iccancayto cadagiti paspastor cas mainugot iti pusoc, isuda a mangtaraonto cadacayo iti pannacaammo ken pannacaawat.
16Ket maaramidto, intono umaducayo ken manayonancayo iti daga, cadagita nga al-aldaw, cuna ni Apo Jehova, saandanton a cunaen, Ti lacasa ti tulag ni Jehova; ket dinto met mapanunot; ket isu didanto met malagip; ket isu didanto ricnaen ti caawanna; ket isu sannto metten a maaramid.
17Iti dayta a pannawen managananto ti Jerusalem ti trono ni Jehova; ket #Isa. 2:2, 3.amin dagiti nasnacion maurnongdanto kencuana iti nagan ni Jehova, iti Jerusalem: ket saandanto metten a magna iti mainugot ti kinabangad ti dakes a pusoda.
18Cadagita nga al-aldaw ti balay ti Juda #Isa. 11:13. Jer. 50:4.makicuyogto iti balay ti Israel, ket rumuardanto nga agcuyog iti daga #Jer. 31:8.ti amianan a mapan #Amos 9:15.iti daga nga intedco a tawid cadagiti ammayo.
19Ngem kinunac, Casano ti panangisaadco kenca iti nagtengngaan dagiti annac, ken iccanca ti maysa a macaay-ayo a daga, maysa a naimnas a tawid dagiti buybuyot dagiti nasnacion! ket kinunac, Dacayo awagandacto, #Isa. 63:16.Amac, ket saancayto a sumina iti isusurotyo caniac.
20Pudno a cas ti maysa nga asawa a babai sumina a sigugulib iti asawana, casta ti panagaramidyo a sigugulib caniac, O balay ti Israel, cuna ni Jehova.
21Maysa a timec #Isa. 15:2.mangngegan iti rabaw dagiti nalucasan a panpantoc, ti sangsangit ken panagdawdawat dagiti annac ti Israel; agsipud ta pinakilloda ti dalanda, linipatanda ni Jehova a Diosda.
22 # bil. 1:14. Agsublicayo, dacayo managlicud nga annac, agasacto ti kinamaglicudyo. Adtoy, umaycami kenca; ta sica ni Jehova a Diosmi.
23Pudno a #Sal. 121:1, 2.kinaubbaw ti badang nga ururayentayo nga aggapu cadagiti turturod, ti daranudor cadagiti banbantay: pudno nga adda ken Jehova a Diostayo ti pacaisalacanan ti Israel.
24Ngem ti nacababain a banag, linamutna ti aramid dagidi ammatayo manipud iti kinaubingtayo, dagiti pangpangenda ken dagiti ar-arbanda, dagiti annacda a lallaki ken babbai.
25Agiddatayo coma iti baintayo, ket ti pannacariribuctayo abbongandatayo coma; ta nagbasoltayo a maicaniwas ken Jehova a Diostayo, datayo ken dagiti ammatayo, manipud iti kinaubingtayo agingga met laeng iti daytoy nga aldaw; ket saantayo a tinungpal ti timec ni Jehova a Diostayo.
Currently Selected:
JEREMIAS 3: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
