JEREMIAS 2
2
Ni Jeremias maibaon idiay Jerusalem a mamagbabawi kencuana gapu iti kinasukirna.
1Ket dimteng caniac ti sao ni Jehova, a kinunana.
2Inca, ket ipuccawmo cadagiti lapayag ti Jerusalem, a cunam, Castoy ti cunana ni Jehova, Malagipca gapu iti kinaimbag ti #Sal. 129:1.kinaubingmo, ken gapu #Eze. 16:8, 22, 43, 60.iti ayat dagiti pannakisinggalutmo; no casano ti isusurotmo iti licudac idiay #Deut. 8:2, 3.let-ang, iti daga a saan a namulaan.
3Ti Israel #Ex. 28:36.nasantoan idi ken Jehova, dagiti #Sant. 1:18.damo a bungbunga ti yaaduna: amin dagiti mangalun-un kencuana macabasoldanto; ti dakes dumtengto cadacuada, cuna ni Jehova.
4Denggenyo ti sao ni Jehova, O balay ni Jacob, ken isu-amin a familia iti balay ni Israel:
5Castoy ti cuna ni Jehova, #Isa. 5:4. Mik. 6:3.Ania a kinadakes ti nasaracanda caniac dagiti ammayo a simmiasida caniac, ket sinurotda ti kinaubbaw, ket nagbalinda nga ubbaw?
6Ket saanda met a kinuna, Sadino ti yan ni Jehova nga inaonnacami iti daga ti Egipto, a nangidalan cadacami itilet-ang iti maysa a daga dagiti langalang ken bitbito, iti maysa a daga a namaga ken ti aniniwan ni patay, iti daga a saan a nagnaan, ken awan tinagnaed a tao.
7Ket inserreccayo iti daga a nabacnang, tapno canenyo ti bungana ken imbagna; ngem idi simreccayo, tinulawanyo ti dagac, ket #Lev. 18:25. Jer. 3:1; 16:18.inaramidyo ti tawidco a kinarimon.
8Dagiti papadi saanda a kinuna, Sadino ti yan ni Jehova? Ket dagiti agaywan #Jer. 18:18.ti linteg saandac a binigbig: ket casta met dagiti #Jer. 3:15; 10:21.agturay simmalungasingda a maibusor caniac; ket dagiti #Jer. 23:13.mammadto nagpadtoda gapu ken Baal, ket sinurotda iti awan malac-am.
9Ngarud, #bil. 35. Eze. 17:20; 20:35, 36. Mik. 6:2.makisusicacto pay cadacayo, cuna ni Jehova, ken cadagiti annac dagiti annacyo makisusicacto.
10 #
Jer. 18:13. Ta incayo cadagiti purpuro idiay #Gen. 10:4.Kitim, ket kitaenyo; ket ibaonyo idiay #Isa. 60:7.Cedar, ket utobenyo a sireregta, ket imutectecanyo no adda idi ti castoy a banag.
11 #
Mik. 4:5. Adda maysa a nacion a binalbaliwanna dagiti didiosna, #Isa. 37:19. Jer. 16:20.idinto nga isuda saanda a didios? Ngem ti ilic insucatna ti dayagda iti awan magungunana.
12Masdaawcayo, O dacayo langlangit, iti daytoy, ket agamaccayo iti napalalo unay, agladingitcayo iti nasaem, cuna ni Jehova.
13Ta dua a kinadakes ti inaramid ti ilic: #Jer. 17:13.naglicudandac nga #Juan 4:10.ubbog dagiti dandanum a sibibiag, ket nagcalida cadagiti bubbubon nga agpaay cadacuada, bubbubon a narengngat a saan a mabatian iti danum.
14Ni Israel aya maysa nga adipen? maysa a nayanac a tagabu? apay a nagbalin a samsam?
15Dagiti urbon dagiti #Isa. 5:28.leon nagungorda kencuana ken nagugada; ket pinagbalinda ti dagana a langalang; nauram dagiti il-ilina, awan ti agnaed cadacuada.
16Castamet dagiti annac ti Memfis ken Tafnes binoongda ti toctoc ti olom.
17Saanmo aya a nagunodan daytoy kenca met laeng, idi naglicudam ni Jehova a Diosmo, idi iturturongnaca iti dalan?
18Ita ngarud, ania ti bibiangmo #Isa. 30:1, 2; 31:1; 36:6.iti dalan a mapan idiay Egipto, ta uminumca cadagiti danum ti Nilo? wenno ania ti bibiangmo iti dalan ti Asiria, tapno uminumca iti danum ti #Gen. 31:21.Carayan?
19Ta kinadakesmo met laeng bagbagaandacanto, ket dagiti panaglicudmo tubngarennacanto: ammoem ngarud ket kitaem nga isu dakes a banag ken napait ta naglicudca ken Jehova a Diosmo, ken awan kenca ti panagraem caniac, cuna ti Apo, ni Jehova dagiti buybuyot.
20Ta nanipud ugma dinadaelco ti sangolmo, ket binucaac dagiti reppetmo; ket kinunam, Saanacto nga agservi; ta iti rabaw ti #Oc. 10:9, 10. Sal. 78:34. Isa. 26:16.tumunggal bantay a nangato ken siroc ti tumunggal cayo a narucbus nagrucbabam a #Jer. 3:6. Eze. 6:13.nagbalangcantisca.
21Nupay casta #Isa. 5:2.immulac kenca ti natan-oc nga uvas, pulos a naimbag a bukel: casano ngarud ti panagbalinmo a dakes a sangsanga ti uvas a gangannaet caniac?
22Ta uray agbuggoca coma iti tinoro, ket aramatem ti adu a sabon, ti kinadakesmo adda pay laeng a naimaldit iti saclangco, cuna ni Apo Jehova.
23Casano ti panagcunam, Saanac a natulawan saanac a simmurot ken Baal? kitaem ti dalanmo #Jer. 7:31, 32; 19:2, 6.iti lobong; ammoem ti inaramidmo: camelloca a nasiglat a magmagna cadagiti daldalanna;
24Maysa nga asno a naatap a mairuam iti let-ang, nga agsaep iti angin iti calicagumna; iti gundawayna asino ti macatiped kencuana? amin dagiti agsapul kencuana saandanto a mabannog; ta masaracandanto iti pannawenna.
25Igagam ta sacam iti pannagnana nga awan zapatosna, ken dayta carabucobmo iti waw. Ngem kinunam, Awan capapayanna; saan, ta inayatco dagiti gangannaet ket surotecto ida.
26Cas iti pannacabain ti mannanacaw no masucalan, castamet ti pannacabain ti balay ti Israel; isuda, dagiti ar-arida, piprincipeda, papadida, ken dagiti mammadtoda;
27Nga agcuna #Jer. 3:9.itipuon ti cayo, Sica ti amac; ket iti bato, Sica ti nangputot caniac; ta tinallicudandac a dida insango, ti rupada caniac; ngem #Oc. 10:9, 10. Sal. 78:34. Isa. 26:16.iti panagtuocda cunaendanto, Bumangonca, ket isalacannacami.
28Ket sadino ti yanda dagiti didiosemo a binangonmo a maipaay kenca? Bumangonda coma, ta #Deut. 32:37.bareng maisalacandaca iti pacatutuocam: ta no #Jer. 11:13.casano ti bilang dagiti il-ilim, O Juda, castamet ti bilang dagiti didiosmo.
29Apay a makisuppiatcayo caniac? dacayo amin simmalungasingcayo caniac, cuna ni Jehova.
30Awan capapayan ti panangdusac #Isa. 1:5.cadagiti annacyo; saanda nga inawat ti panangtubngar, ti #2 Cron. 36:16. Neh. 9:26.igamyo met laeng inalun-unna dagiti mammadtoyo a cas maysa a leon a naranggas.
31O caputotan, kitaenyo ti sao ni Jehova. Caslaac aya maysa a let-ang iti Israel? wenno maysa a daga ti nacaro a sipnget? Apay a saoen ti ilic, Nawayaancami, saancamto nga umayen kenca?
32Malipatan aya ti maysa a virgen dagiti arcosna, wenno ti maysa a novia ti cawesna? Ngem ti ilic naglipat caniac cadagiti di mabilang nga al-aldaw.
33Anian ti panangpasayaatmo iti dalanmo tapno birukem ti ayat! Iti casta uray pay cadagiti babbai a dakes insurom dagiti dalanmo.
34Castamet cadagita cawesmo masaracan #Sal. 106:38. Jer. 19:4.ti dara dagiti nasingpet a napanglaw a cararua: Saanmo ida a nasucalan a mangaramid iti sercan; no di ket gapu amin cadagitoy basbasolmo.
35Ngem kinunam, Siac awan basolco; awan duadua a ti pungtotna nayadayu caniac. Adtoy, iserrecanto iti pangocoman agsipud, ta cunam, Saanac a nagbasol.
36Ania aya ti pagalla-allaam a mamalbaliw iti dalanmo? Maibaincanto met gapu iti Egipto a cas iti pannacabainmo idi iti Asiria.
37Manipud idiay rumuarcanto, a #2 Sam. 13:17.sibaballolong dagita im-imam iti olom: ta ni Jehova dina inawat dagiti pagtalcam, ket saancanto a rumang-ay a maicuyog cadacuada.
Currently Selected:
JEREMIAS 2: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
