JEREMIAS 1
1
Pacaawisan ken dagiti immuna a sirmata daytoy mammadto.
1Dagiti sasao ni Jeremias, nga anac ni Helcias, cadagiti papadi nga addada idi #Eze. 1:3.idiay Anatot iti daga ti Benjamin:
2A kencuana dimteng ti sao ni Jehova cadagidi al-aldaw ni #2 Ar. 22:1.Josias, nga anac ni Amon, ari ti Juda, #Jer. 25:3; 36:2.idi tawen a maicasangapulo ket tallo a panagturayna.
3Casta met a dimteng cadagidi al-aldaw ni #2 Ar. 23:36.Joakim, anac ni Josias, nga ari ti Juda, agingga iti camaudianan ti tawen a maicasangapulo ket maysa ni #2 Ar. 24:18.Sedekias, anac ni Josias, nga ari ti Juda, #Jer. 52:2, 15.agtungpal idi pannacacayaw ti Jerusalem idi bulan a maicalima.
4Dimteng ngarud ti sao ni Jehova caniac, a kinunana,
5Casacbayan #Luc. 1:15. Gal. 1:15.ti panangbukelco kenca iti tian nabigbigancan, ket idi casangoanan ti pannacaipasngaymo sinantificarca; tinudinganca a mammadto #Jer. 25:15-29. Jer. 46–51.cadagiti nasnacion.
6Iti casta kinunac, #Ex. 4:10. Isa. 6:5.O, Apo Jehova! Adtoy, saanco nga ammo ti agsao; ta ubingac.
7Ngem ni Jehova kinunana caniac, Saanmo a saoen, Siac ubingac; ta amin cadagiti pangibaonacto kenca incanto, ket #Mat. 28:20.saritaemto amin nga ibilinconto kenca.
8Saanca nga agbuteng iti saclang dagidiay; ta addaac kenca tapno isalacanca, cuna ni Jehova.
9 #
Eze. 2:9; 8:3. Idin ni Jehova inyunnatna ti imana ket #Isa. 6:7.sinagidna ti ngiwatco; ket ni Jehova sinaona caniac: Adtoy, incabilco dagiti sasaoc dita ngiwatmo:
10Kitaem, ta insaadca iti daytoy nga aldaw cadagiti nasnacion ken cadagiti pagpagarian, a mangparut ken mangrebba a mangdadael ken mangparmec, a mangbangon ken mangimula.
11Ket dimteng manen caniac, ti sao ni Jehova, a kinunana, Ania ti makitam, Jeremias? Ket kinunac, Makitac ti maysa a sanga ti almendro.
12Idin sinao caniac ni Jehova, Nakitam a nalaing: ta siac salucagac toy saoc tapno aramidec.
13Ket ti sao ni Jehova dimteng caniac ti maicadua a daras, a kinunana, Ania ti makitam? Ket kinunac, Makitac ti #Job 41:20.maysa a caldero a bumurburec; ket iti ngiwatna aggapu iti amianan.
14Idin kinuna caniac ni Jehova, #Jer. 4:6; 6:1; 10:22.Manipud iti amianan ti dakes agsacnapto cadagiti isu-amin nga agnaed iti daga.
15Ta adtoy, mangayabacto cadagiti isu-amin a familia dagiti pagpagarian ti amianan, cuna ni Jehova; ket umaydanto, ket tunggal maysa #Jer. 39:3; 43:10.icabilnanto ti tronona iti pagsercan cadagiti ruangan ti Jerusalem, ket maibusor cadagiti bacudna nga aglicmut, ken maibusorto cadagiti isu-amin nga il-ili ti Juda.
16Ket ibatadconto ti panangocomco cadacuada #Jer. 4:12.maipapan iti amin a kinadakesda agsipud ta naglicudandac, ken nagpuurda iti incienso cadagiti didios a sabali, ken nagcararagda cadagiti ar-aramid dagiti imada met laeng.
17Sica ngarud #1 Ar. 18:46. Job 38:3. 1 Ped. 1:13.baricsam dagita lomom, ket tumacderca, ket isaom cadacuada dagiti isu-amin nga ibilinco kenca: #bil. 8. Eze. 3:9.saanca nga agcullayaw cadacuada, di la ket ta upayenca iti saclangda.
18Ta adtoy, impasdecca iti daytoy nga aldaw a cas la ciudad a nasarikedkedan, ken cas la adigi a landoc, ken cas la bacud a gambang a maibusor iti isu-amin a daga, a maibusor cadagiti ar-ari ti Juda, a maibusor cadagiti principena, a maibusor cadagiti papadina, ken maibusor cadagiti tattao ti daga.
19Ket makibacaldanto kenca; ngem saandacanto nga atiwen; ta siac addaac kenca, tapno isalacanca, cuna ni Jehova.
Currently Selected:
JEREMIAS 1: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
