ISAIAS 66
66
Dagiti panangocom ni Jehova, ken idadackel ti Sion.
1Castoy ti cuna ni Jehova, #2 Cron. 6:18. D. Ara. 7:49, 50.Ti langit isu ti tronoc, ket ti daga isu ti pagbatayan dagiti sacsacac: ania a kita ti balay ti bangonenyonto a maipaay caniac? ken anianto a disso ti paginanaac?
2Ta amin dagitoy a banbanag inaramid ti imac, ket iti casta addada amin dagitoy a banbanag, cuna ni Jehova: ngem #Isa. 57:15; 61:1.itoy a tao imatangacto, daydiay met laeng nga #Sal. 34:18.isu napanglaw ken napagbabawi nga espiritu, ken daydiay nga agkintayeg iti saoc.
3Daydiay a mangpatay iti maysa a vaca isu ti #Isa. 1:11.cas la iti mangpatay iti maysa a tao; daydiay a mangidaton iti maysa a cordero, cas la iti mangbungtol iti tengnged ti aso; daydiay nga agidaton iti daton, cas la iti agidaton ti dara ti babuy; daydiay nga #Lev. 2:2.agpuur iti incienso, cas la iti mangbendicion iti maysa a diosen a ladawan. Wen, isuda pinilida dagiti daldalanda met laeng, ket ti cararuada agragsac cadagiti kinarimonda:
4Siac met piliecto ti pacaallilawanda ken yegconto ti pagbutnganda; #Isa. 65:12.agsipud ta idi immayabac, awan ti simmungbat; idi nagsaoac, dida impangag; no di ket inaramidda daydiay a dakes cadagiti matac ken pinilida ti saan a macaparagsac caniac.
5Denggenyo ti sao ni Jehova, dacayo nga agkintayeg iti saona: Dagiti cacabsatyo a gumura cadacayo, dagidiay mangipuruac #Luc. 6:22.cadacayo gapu iti naganco, kinunada, #Juan 16:2.Madaydayaw coma ni Jehova, tapno makitami coma #2 Tes. 1:9, 10. Tit. 2:13.iti rag-oyo: ngem isuda mabainandanto.
6 Adda timec ti gulogulo nga aggapu iti ili, timec nga aggapu iti templo, timec ni Jehova a mangted ti supapac cadagiti cabusorna.
7Iti sacbay ti panagpasicalna, nagpasngay; iti sacbay ti yaay ti tuocna, nangipasngay iti anac a lalaki.
8Asino ti nacangngeg iti casta a banag? asino ti nacakita cadagiti cacasta a banbanag? Maipasngayto aya ti maysa a daga iti maymaysa nga aldaw? maipasngayto aya ti maysa a nacion iti apagdaricmat? ta apaman a ti Sion nagpasical, isu impasngayna dagiti annacna?
9Idatengconto aya iti panagpasngay, ket diacto pagpasngayen? cuna ni Jehova: siac a mangpapasngay punitacto aya ti aanacan? cuna ti Diosmo.
10 #
Isa. 65:19. Makipagrag-ocayo iti Jerusalem, ket agragsaccayo iti maipaay kencuana, dacayo amin nga agayat kencuana: Makipagrag-ocayo kencuana a gapu iti ragsac, dacayo amin nga agdung-aw iti maipapan kencuana;
11 #
Isa. 60:16. Tapno susuoenyo coma ken mapneccayo cadagiti barucong ti panangliwliwana: tapno magatasyo coma, ken agrag-ocayo iti kinawadwad ti dayagna.
12Ta castoy ti cuna ni Jehova, Adtoy, isacnapconto ti talna kencuana a #Isa. 48:18; 60:5.cas iti carayan, ken #Apoc. 21:24.ti dayag dagiti nasnacion a cas iti aglablabiang nga ayus: ket dacayo sumusopcayto kencuana; maubbacayto iti rabaw ti bacrang, ken #Isa. 49:22.marayawcayto iti rabaw dagiti tumeng.
13Cas iti maysa a liwliwaen ni inana, castanto ti panangliwliwac cadacayo; ket maliwliwacayto idiay Jerusalem.
14Ket dacayo makitayonto, ket ta pusoyo agragsacto, ken #Eze. 27:1-10.dagita tultulangyo rumusingdanto a cas iti root a naganus: ket ti ima ni Jehova maammoanto a maipaay cadagiti adipenna; ket isu addaanto iti pungtot a maibusor cadagiti cabusorna.
15Ta, adtoy, #Isa. 9:5; 34:14.ni Jehova umayto a siaapuy, ket #Sal. 68:17. Hab. 3:8.dagiti luganna casdanto la alawig; tapno ipaayna ti pungtotna a sirurungsot, ken ti panangtubngarna a buyogen dagiti darang ti apuy.
16Ta babaen ti apuy ni Jehova tungpalennanto ti panangocom, ken babaen #Isa. 27:1.ti campilanna, agpaay iti amin a lasag; #Jer. 25:33.ket ti papatayen ni Jehova adudanto.
17Dagiti agsantificar ken aggugor iti bagida met laeng a mapan #Isa. 65:3, 5.cadagiti minuyongan, iti licudan ti maysa iti tengnga, a mangan iti lasag ti babuy, ken ti kinarimon, ken ti #Lev. 11:29.marabutit, isuda mapucawdanto a sangsangcatonos, cuna ni Jehova.
18Ta ammoc dagiti ar-aramidda ken dagiti pampanunotda: umayen ti panawen a panangornongco iti amin a nacion ken pagsasao; ket #Sal. 86:9.umaydanto, ken makitadanto ti dayagco.
19 #
Luc. 2:34. Ket mangisaadacto iti pagilasinan iti tengngada, ket ibaonconto dagidiay a macatalaw cadacuada cadagiti nasnacion, agingga iti Tarsis, iti Pul, ken iti Lud, nga agibiat iti ba-i agingga iti Tubal ken iti Javan, cadagiti purpuro nga adayu, a di nacangngeg iti damagco, dida met nakita ti dayagco; #Mal. 1:11.ket ipacdaardanto ti dayagco cadagiti nasnacion.
20Isuda yegdanto amin dagiti cacabsatyo nga igapu cadagiti amin a nasnacion cas sagut #Rom. 15:16.ken ni Jehova, nga ipasacayda cadagiti cabcabayo, ken cadagiti luglugan, ken cadagiti duyduyan, ken cadagiti mulo ken cadagiti dromedarios, agingga iti bantayco a nasantoan a Jerusalem, cuna ni Jehova, a cas iti panangyeg dagiti annac ti Israel iti sagutda iti nasin-aw nga alicamen iti uneg ti balay ni Jehova.
21Ket cadagidiay met mangalaacto #Isa. 61:6.ti agpaay a padi ken ti agpaay a Levitas, cuna ni Jehova.
22Ta #Isa. 65:17.cas cadagiti babbaro a langlangit ken baro a daga, nga aramidecto, agtalinaeddanto iti saclangco, cuna ni Jehova, #Isa. 53:10.castanto ti panagtalinaed dagiti putotyo ken naganyo.
23Ket maaramidto, a manipud iti maysa a lutuad agingga iti sabali, ket manipud iti maysa nga aldaw a panaginana agingga iti sabali, amin a lasag #Sal. 65:2.umayto agcararag iti sangoanac, cuna ni Jehova.
24Ket isuda rumuardanto, ket cumitadanto cadagiti bangcay dagiti tattao a naglabsing a maicaniwas caniac; ta ti #Mar. 9:41, 46, 49.iggesda dinto matay, uray ti apuyda dinto maiddep; ket isudanto ti maysa a macarurud cadagiti amin a lasag.
Currently Selected:
ISAIAS 66: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
