ISAIAS 65
65
Ti pannacadusa mailayat cadagiti nasukir. Dagiti baro a langlangit ken baro a daga.
1 #
Rom. 10:20. Mabirucac cadagiti saan a nagsaludsod caniac; nasaracannac cadagidiay a saan a nagsapul caniac: Adtoyac, adtoyac, kinunac iti maysa a #Isa. 63:19.nacion a saan a nanagan iti naganco.
2 #
Rom. 16:21. Inyunnatco dagiti im-imac iti nagmalmalem iti immalsa nga ili, a magna iti dalan a saan a naimbag, a mayannurot cadagiti pampanunotda met laeng;
3Maysa nga ili #Job 1:11.a siaagnanayon a manggargari caniac iti imparupa, #Isa. 1:29; 66:17.nga agidaton iti uneg dagiti minuyongan, ken agpuur ti incienso #Ex. 20:24, 25.iti rabaw dagiti ladrillo;
4Nga agtugawda #Deut. 18:11.iti tengnga dagiti tantanem, ken agdagusda cadagiti nalimed a disdisso; #Isa. 66:17.a canenda ti lasag ti babuy, ket ti digu dagiti nacarimrimon a banbanag adda cadagiti longlonganda;
5A cunada, #Mat. 9:11. Luc. 18:11.Agtukengca, dica duminna caniac, ta siac nasansantoac ngem sica. Dagitoy isuda ti maysa nga asuc iti agongco, maysa nga apuy a sumged iti agmalmalem.
6Adtoy, #Mat. 3:16.naisurat iti sangoanac: diacto agulimec, #Jer. 16:18.no di ket manggungunaacto, wen, gungunaacto #Sal. 79:12.iti saclotda,
7Dagiti met laeng kinadangkesyo, #Ex. 20:5. Mat. 23:35.mairaman dagiti kinadangkes dagiti ammayo, cuna ni Jehova, #Eze. 18:1, 11; 22:9.a nagpuurda iti incienso iti rabaw dagiti banbantay, ket tinabbaawandac iti tapaw dagiti turturod: gapuna umuna rucodecto ti aramidda iti saclotda.
8Castoy ti cuna ni Jehova, Cas iti baro nga arac masaracan iti raay ti uvas, ket ti maysa cunana, dicayo dadaelen, #Joel 2:14.ta maysa a bendicion ti adda kencuana: casta ti aramidecto gapu cadagiti adipenco, tapno diac coma dadaelen ida amin.
9Ket paruarecto ti maysa a putot nga aggapu ken ni Jacob, ken rumuar ken ni Juda maysa nga agtawid cadagiti banbantayco; ket ti #Mat. 24:22. Rom. 11:5, 7.pinilic isu tawidennanto, ket dagiti adipenco agtaengdanto idiay.
10Ket ti Saron #Isa. 33:9; 35:2.isunto ti maysa a pagaponan dagiti carcarnero, ket #Jos. 7:26.ti lobong ti Acor maysa a disso a maipaay a pagiddaan dagiti pangen, a maipaay iti ilic a nangbiruc caniac.
11Ngem dacayo a nangidian ken ni Jehova, a nanglipat iti #Isa. 57:13.nasantoan a bantayco, a nangsagana iti maysa a lamesaan a #Eze. 23:41. 1 Cor. 10:21.maipaay ken Gasat, ken mangpunno #Jer. 7:18.iti nagampor nga arac ken Signo;
12Isignocayto iti campilan, ket dacayo agrucnoycayto iti pannacapapatay; #Isa. 66:4.agsipud ta idi immayabac, dicayo simmungbat; idi nagsaoac, dicayo impangag; no di ket inaramidyo daydiay dakes cadagiti matac, ket piniliyo daydiay diac pagragsacan.
13Gapuna a castoy ti cuna ni Apo Jehova, Adtoy, dagiti adipenco mangandanto, ngem dacayo mabisinancayto; adtoy, dagiti adipenco uminumdanto, ngem dacayo mawawancayto; adtoy, dagiti adipenco agrag-odanto, ngem dacayo mabainancayto;
14Adtoy, dagiti adipenco agcantadanto a gapu iti rag-o ti puso, ngem dacayo agpuccawcayto a gapu iti ladingit ti puso, ken agdung-awcayto a #Mat. 8:12.gapu iti tuoc ti espiritu.
15Ket ibatiyonto ti naganyo a maysa a #Deut. 28:37. Jer. 29:22. Zac. 8:13.lunod iti pinilic; ket ni Apo Jehova papatayennacanto; ken naganennanto dagiti ad-adipenna iti sabali a nagan:
16Iti casta daydiay mangbendicion kencuana met laeng iti daga bendicionanto ti bagina met laeng iti Dios ti pudno; ket daydiay agsapata iti daga agsapatanto iti Dios ti pudno; agsipud ta dagiti immununa a riribuc malipatandan, ken agsipud ta isuda nailemmengda cadagiti matac.
17Ta, adtoy, #Isa. 66:2. 2 Ped. 3:13. Apoc. 21:1.mamarsuaac cadagiti baro a langlangit ken baro a daga; ket dagiti immun-una a banbanag didanto malagipen, didanto mapanunuten.
18Ngem agragsaccayo ken agrag-ocayo iti agnanayon iti daydiay a parsuaec; ta adtoy, a #Jer. 31:7.parsuaec ti Jerusalem a maysa a pagrag-oan, ken ti umili kencuana a maysa a ragsac.
19 #
Isa. 62:5. Ket agrag-oacto iti Jerusalem, ken agragsacacto iti ilic; ket #Isa. 35:10.dinto mangngegen kencuana ti timec ti sangit ken ti timec ti aganug-og.
20Awanton manipud iti daydiay a pannawen ti maysa nga ubing nga ababa ti biagna, uray lacay a tao a di napnoan cadagiti al-aldawna; #Jer. 31:17.ta ti ubing matayto inton agsangagasut ti tawenna, #Ecle. 8:12.ket ti managbasol inton agsangagasut ti tawenna mailunodto.
21Ket isuda bangonendanto dagiti balbalay, ken agtaengdanto cadacuada; ket agmuladanto cadagiti cauvasan, ket canendanto ti bungada.
22Isuda didanto mangbangon, ket sabali ti agnaed; didanto agmula ket sabali ti mangan; ta #Sal. 92:12, 13.cas cadagiti al-aldaw ti maysa a cayo castadanto dagiti al-aldaw ti ilic, ket dagiti pinilic agragsacdanto iti mabayag iti aramid dagiti im-imada.
23Isuda didanto agtrabajo iti ubbaw, #Deut. 28:41.didanto agpasngay a maipaay iti didigra: ta #Isa. 61:9.isuda ti capuonan ti binendicionan ni Jehova, ken ti putotda makiadda cadacuada.
24Ket maaramidto #Sal. 32:5.nga, iti sacbay ti iyaawagda, sumungbatacto; #Dan. 9:21.ken iti bayat ti panagsasaoda, denggecto.
25Ti lobo ken ti cordero #Isa. 11:6.aglanglangdanto nga agarab, ket ti leon manganto iti garami a cas iti vaca; ket ti #Gen. 3:14.tapoc isunto ti canen ti uleg. #Isa. 11:9.Didanto mangranggas, didanto met mangdadael iti #bil. 11.amin a nasantoan a bantayco, cuna ni Jehova.
Currently Selected:
ISAIAS 65: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
