Popular Bible Verses from ISAIAS 65

Share

Ket maaramidto nga, iti sacbay ti iyaawagda, sumungbatacto; ken iti bayat ti panagsasaoda, denggecto.

Ta, adtoy, mamarsuaac cadagiti baro a langlangit ken baro a daga; ket dagiti immun-una a banbanag didanto malagipen, didanto mapanunuten.

Isuda didanto agtrabajo iti ubbaw, didanto agpasngay a maipaay iti didigra: ta isuda ti capuonan ti binendicionan ni Jehova, ken ti putotda makiadda cadacuada.

Isuda didanto mangbangon, ket sabali ti agnaed; didanto agmula ket sabali ti mangan; ta cas cadagiti al-aldaw ti maysa a cayo castadanto dagiti al-aldaw ti ilic, ket dagiti pinilic agragsacdanto iti mabayag iti aramid dagiti im-imada.

Awanton manipud iti daydiay a pannawen ti maysa nga ubing nga ababa ti biagna, uray lacay a tao a di napnoan cadagiti al-aldawna; ta ti ubing matayto inton agsangagasut ti tawenna, ket ti managbasol inton agsangagasut ti tawenna mailunodto.

Ti lobo ken ti cordero aglanglangdanto nga agarab, ket ti leon manganto iti garami a cas iti vaca; ket ti tapoc isunto ti canen ti uleg. Didanto mangranggas, didanto met mangdadael iti amin a nasantoan a bantayco, cuna ni Jehova.

Ket agrag-oacto iti Jerusalem, ken agragsacacto iti ilic; ket dinto mangngegen kencuana ti timec ti sangit ken ti timec ti aganug-og.