Popular Bible Verses from JEREMIAS 3

Share

Ket iccancayto cadagiti paspastor cas mainugot iti pusoc, isuda a mangtaraonto cadacayo iti pannacaammo ken pannacaawat.

Agsublicayo, dacayo managlicud nga annac, agasacto ti kinamaglicudyo. Adtoy, umaycami kenca; ta sica ni Jehova a Diosmi.

Inca, ket iwarragawagmo dagitoy a sasao nga isangom iti amianan, ket cunam, Agsublica, sica managlicud nga Israel, cuna ni Jehova; saanacto a cumita a sipupungtot kenca; ta siac manangngaasiac, cuna ni Jehova, diacto ituloy ti pungtotco iti agnanayon.

Bigbigem laeng ti kinadakesmo, a simmalungasingca a maibusor ken Jehova a Diosmo, ken pinaadum dagiti daldalanmo cadagiti gangannaet iti siroc ti tunggal narucbos a cayo, ket dica tinungpal ti timecco, cuna ni Jehova. Agsublicayo, O managlicud nga annac, cuna ni Jehova; ta siac ti asawayo a lalaki; ket mangalaac cadacayo ti maysa iti tunggal ili, dua iti tunggal familia, ket ipancayto idiay Sion.