JEREMIAS 4
4
Ti pannacaserrec ti Juda maipadto, ken ti un-unnoy kencuana.
1No agsublicanto, O Israel, cuna ni Jehova, no #Jer. 3:1.agsublicanto caniac, ken iccatem dagiti kinarimonmo iti imatangco; #1 Ar. 14:15.saancanto a mapaalis.
2Ket isapatamto, Cas sibibiag ni Jehova, iti kinapudno, iti kinajusticia, ken iti kinalinteg; ken dagiti nasnacion #Sal. 72:17. Isa. 65:16.mabendicionanda kencuana, ket kencuana agragrag-odanto.
3Ta castoy ti cuna ni Apo Jehova cadagiti lallaki ti Juda ken ti Jerusalem, #Os. 10:12.Rebbaenyo ti talon a binaybay-anyo, ket dicayo #Mat. 13:7, 22.agmula iti nagbaetan dagiti sisiit.
4Agcugitcayo ken Jehova, #Deut. 10:16; 30:5. Jer. 9:26. Rom. 2:28, 29.ket iccatenyo ti makinrabaw a cudil ti pusoyo, dacayo lallaki ti Juda ken agnaed ti Jerusalem; di la ket ta ti pungtotco rumuar a cas apuy, ket aguram nga awan ti macaiddep kencuana, gapu iti cadakes dagiti gapuananyo.
5Ipacdaaryo idiay Juda, ken iwarragawagyo idiay Jerusalem; ket cunaenyo, Puyotenyo ti tangguyob iti daga: ipuccawyo, ket cunayo, #Jer. 8:14.Aguornongcayo, ket intayon #Jer. 1:18.cadagiti nasarikedkedan nga il-ili.
6Mangipasdeccayo iti maysa a wagayway iti agturong idiay Sion: agtalawcayo tapno mailisicayo, dicayo agtactac; #Jer. 1:1.ta iyegconto ti dakes manipud iti amianan, ken maysa a dackel a pannacadadael.
7Maysa a leon #Jer. 5:6. Dan. 7:4.simmang-at manipud iti casamecanna, ken maysa a mangdadael cadagiti nasnacion; isu adda iti dalanna, rimmuar iti dissona, tapno aramidenna ti dagam a langalang, tapno dagiti il-ilim maracracda, nga #Isa. 5:9; 6:11. Jer. 26:9; 33:10.awan ti agnaed.
8Gapu itoy agbarikescayo iti nakersang a lupot, agunnoycayo ken agdung-awcayo; ta ti narungsot a pungtot ni Jehova saan a simmina cadatayo.
9Ket maaramidto iti dayta nga aldaw, cuna ni Jehova, a ti puso ti ari marunawto, ken ti puso dagiti piprincipe; ken dagiti papadi masdaawdanto, ket dagiti mammadto aglagawdanto.
10Sa kinunac, Ay, Apo Jehova! #1 Ar. 22:12.pudno nga inallilawmo daytoy nga umili ken ti Jerusalem, a kinunam, Addanto talnayo; idinto a ti campilan abutenna ti biag.
11Iti dayta a pannawen maisaonto iti daytoy nga umili ken iti Jerusalem, #Jer. 51:1. Ex. 17:10.Maysa a napudot nga angin manipud cadagiti nalucasan a panpantoc iti let-ang nga agturong iti anac a babai ti ilic, saan nga mangsariwagwag, wenno mangdalus;
12Maysa a napigpigsa nga angin nga aggapu cadagitoy umayto caniac: ita iyebcasconto met ti panangocom a maibusor cadacuada.
13Adtoy, isu sumang-atto a cas cadagiti ulep, ket dagiti luganna casdanto la alipugpug; dagiti cabayona naparpartacda ngem dagiti aguila. Asitayo pay! ta narbectayo,
14O Jerusalem, dalusam ti pusom iti kinadakes, tapno maisalacanca. Casano ti cabayag ti panagtalinaedda kenca, dagiti dakes a pampanunotmo?
15Ta maysa a #Jer. 8:16.timec ipalawagna #Jer. 1:13.manipud iti Dan, ket iwarragawagna ti dakes manipud cadagiti turturod ti Efraim.
16Saritaenyo cadagiti nasnacion; adtoy, iwarragawagyo a maicaniwas iti Jerusalem, a dagiti agbanbantay umayda manipud iti adayu a daga, ket agtimecda a maicaniwas cadagiti il-ili ti Juda.
17Cas cadagiti agbanbantay #2 Ar. 25:1-4. Jer. 6:3.iti talon casta ti pannacailicmut dagiti maibusor kencuana, agsipud ta isu nagsukir a maicaniwas caniac, cuna ni Jehova.
18Ti dalanmo ken dagiti gapuanam nagun-odda dagitoy a banbanag #Sal. 107:17. Isa. 50:1.kenca; daytoy ti kinadakesmo; pudno a napait, ta dumanon dita pusom.
19 Anian ti tuocco? Anian #Isa. 16:11. Hab. 3:16.ti tuocco! agsakit ti caungan #Isa. 15:5.itoy pusoc; ti pusoc saan nga agtalna; diac macaulimec; agsipud ta nangngegmo, O cararuac, ti uni ti tangguyob, ti buac ti gubat.
20Pannacarbec #Sal. 42:7. Eze. 7:26.ken pannacarbec ti maiririaw; ta sui-amin a daga nalangalang: #Jer. 10:20; 49:29.pettat a nadadael dagiti toltoldac, ken dagiti bengbengco iti maysa a canito.
21Casano ti cabayag ti pannacakitac ti wagayway ken panangdengngeg ti uni ti tangguyob?
22Ta ti ilic maag, saandac nga amammo; isuda nacunengda nga annac, ket awan ti pannacaawatda; #Rom. 16:19.masiribda nga agaramid ti dakes, ngem ti panagaramid iti naimbag awan ti pannacaammoda.
23Kinitac ti daga, ket adtoy, #Gen. 1:2.isu langalang ken ongaong; ken dagiti langlangit, ket #Isa. 5:30.awan ti silaw cadacuada.
24Kinitac dagiti banbantay, #Isa. 5:25. Eze. 28:20.ket adtoy, nagkintayegda, ket amin dagiti turturod naggarawda nga agsublisubli.
25Kimmitaac, ket, adtoy, awan ti tao, ket dagiti amin a #Sof. 1:3.tumatayab ti tangatang nagtalawda.
26Kimmitaac, ket, adtoy, ti nabunga a talon let-angen, ket amin dagiti il-ilina narbada iti imatang ni Jehova, ken iti sangoanan ti narungsot a pungtotna.
27Ta castoy ti cuna ni Jehova, Ti amin a daga aglangalangto; #Jer. 5:10, 18; 30:11.nupay casta diacto talipupusen.
28Gapu iti daytoy ti daga #Os. 4:3.agladingitto, ken #Isa. 5:30; 50:3.dagiti langlangit iti ngato agngisitdanto; agsipud ta sinaoc, ken pinanggepco, ket #Num. 23:19. Jer. 7:16.diac imbabawi, ket diacto met agsunod.
29Tunggal ili agtalaw gapu iti daranudor dagiti lallaki a nagcabayo ken lallaki a panaan; mapanda cadagiti casamecan, ken umulida iti rabaw dagiti batbato: tunggal ili mabaybay-an, ket awan ti tao nga agnaed idiay.
30Ket sica, no mapaglangalangca, ania ti aramidemto? Uray, no agcawesca iti escarlata, #Isa. 61:10.uray pay agarcosca cadagiti binalitocan, #2 Ar. 9:30. Eze. 23:40.uray pay padackelem dagiti matam iti pinta, awan capapayan ti panangpapintasmo ita bagim met laeng; dagiti caayanayatmo #Eze. 23:5.uyawendaca, isuda camatenda ti biagmo.
31Ta nangngegco ti maysa a timec a cas maysa a babai nga agpasical, cas ti tuoc ti #Jer. 6:24.mangipasngay ti anacna nga inauna, ti timec ti anac a babai ti Sion, nga agngoyngoy-a, nga iyucradna dagiti im-imana, a cunana, Asiac pay ita! ta ti cararuac matalimudaw iti sangoanan dagiti mangpapatay.
Currently Selected:
JEREMIAS 4: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
