DANIEL 3

Ti ladawan a balitoc nga impatacder ni ari Nabucodonosor.

1Ni ari Nabucodonosor nangaramid ti maysa a #Dan. 2:32, 38.ladawan a balitoc, nga iti cangatona innem a pulo a sico, ti caacabana innem a sico: isu impatacderna iti #Gen. 11:12.tanap a Dura iti provincia ti Babilonia.

2Idin imbilin ni ari Nabucodonosor a matipon dagiti panguloen, diputados ken gobernadores, oc-ocom, tesoreros, consejeros, serifes, ken amin pay met nga agturturay cadagiti provincias, tapno umayda iti pannacaisibbo ti ladawan nga impatacder ni ari Nabucodonosor.

3Iti casta dagiti panguloen, diputados ken gobernadores, oc-ocom, tesoreros, consejeros, serifes, ken amin dagiti agturturay cadagiti provincias, natiptiponda iti pannacaisibbo ti ladawan nga impatacder ni ari Nabucodonosor; ket nagtacderda iti sangoanan ti ladawan nga impatacder ni ari Nabucodonosor.

4Idin ti agipacpacdaar inriawna a natbag, Maibilin cadacayo, #bil. 7, 29. Dan. 4:1; 5:19; 6:25; 7:14.O il-ili, nasnacion ken pagsasao,

5Nga iti uray ania a pannawen a pannacangngegyo iti timec ti tangguyob, flauta, arpa, sacabuche, salterio, sinfonia, ken amin a kita ti musica, agpaclebcayo, ket agdaydayawcayo iti ladawan a balitoc nga impatacder ni ari Nabucodonosor;

6Ket siasinoman a di agpacleb ken agdaydayaw iti dayta met la nga horas #Apoc. 13:14, 15.maitappuacto iti tengnga ti sumsumged ken dumardarang nga horno.

7Gapuna iti daydi a pannawen a pannacangngeg dagiti amin nga inilinili iti timec ti tangguyob, flauta, arpa, sacabuche, salterio, sinfonia, ken amin a kita ti musica, isu-amin nga, inilin-ili nasnacion ken pagsasao, nagpaclebda, ket nagdaydayawda iti ladawan a balitoc a binangon ni ari Nabucodonosor.

8Gapu itoy iti daydi met la a pannawen dadduma cadagiti #Dan. 1:4.Caldeos immasidegda ket #Dan. 6:24.indarumda dagiti Judios.

9Simmungbatda ket kinunada ken ari Nabucodonosor, #Dan. 2:4.O ari, agbiagca coma iti agnanayon.

10Sica, O ari, nangaramidca ti bilin nga amin a tao a macangngeg iti timec ti tangguyob, flauta, arpa, sacabuche, salterio, sinfonia, ken amin a kita ti musica, agpaclebto ken agdaydayaw iti ladawan a balitoc;

11Ket ti saan nga agpacleb ken agdayaw, maitappuacto iti tengnga ti sumsumged ken dumardarang nga horno.

12Adda dadduma a Judios #Dan. 2:49.isuda a dinutocmo nga agpangulo cadagiti ar-aramid ti provincia ti Babilonia: da Sidrac, Misac ken Abdenago; dagitoy a lallaki, O ari, saandaca nga incancano: dida pagservian dagiti didiosmo, ket dida met agdaydayaw iti ladawan a balitoc a binangonmo.

13Iti casta ni Nabucodonosor iti rungsot ken pungtotna imbilinna a mayeg da Sidrac, Misac ken Abdenago. Iti casta dagitoy a lallaki naipanda iti saclang ti ari.

14Simmungbat ni Nabucodonosor ket kinunana cadacuada, Pinanggepyo, aya O Sidrac, Misac ken Abdenago, a dicayo agservi iti diosco, ken dicayo met agdaydayaw iti ladawan a balitoc nga impatacderco?

15Ita ngarud no sisasaganacayo a no mangngegyo ti timec ti tangguyob, flauta, sacabuche, arpa, salterio, sinfonia, ken amin a kita ti musica, agpacleb ken agdaydayawcayo iti ladawan a balitoc a pinaaramidco naimbag: ngem no dicay pagdaydayawan, iti dayta met la nga horas maitappuaccayto iti tengnga ti maysa nga horno a sumsumged ken dumardarang; #Ex. 5:2. 2 Ar. 18:35. Dan. 6:20.ket siasinonto a dios ti mangisalacan cadacayo cadagitoy im-imac?

16Ni Sidrac, Misac ken Abdenago simmungbatda ket kinunada iti ari. O Nabucodnosor, saan a masapul a sumungbatcami kenca itoy a banag.

17No casta, ti Diosmi isu a pagservianmi mabalinnacami nga isalcan iti horno a sumsumged ken dumardarang; ket ita imam, O ari, ilapsutnacamto.

18Ket no saan, maipacaammo coma kenca, O ari, a dayta diosmo dicamto pagservian, ken castamet dicamto pagdaydayawan ti ladawan a balitoc nga impatacdermo.

19Iti casta ni Nabucodonosor napno iti pungtot, ket nagbaliw ti langa ti rupana a maibusor cada Sidrac, Misac ken Abdenago: gopuna nagsao, ket imbilinna a papudotenda coma ti horno a maminpito a nacarcaro ngem iti cadawyan a pannacapapudotna.

20Ket imbilinna cadagiti dadduma a lallaki a nabileg nga adda idi iti buyotna a reppetenda da Sidrac, Misac ken Abdenago, ket itappuacda ida iti horno a sumsumged ken dumardarang.

21Iti casta dagitoy a tattao naparautanda agraman sapinda, bado, ken dagiti cagayda, ken dadduma pay a pagpagan-anayda, ket intappuacda ida iti horno a sumsumged ken dumardarang.

22Iti casta gapu ta ti bilin ti ari naganat, ket ti horno napudot unay, ti gilayab ti apuy pinatayna dagidi lallaki a nangbagcat cada Sidrac, Misac ken Abdenago.

23Ket dagitoy tallo a lallaki a da Sidrac, Misac ken Agdenago, natnagda a sipaparaut idi uneg ti horno a sumsumged ken dumardarang.

24Idin ni ari Nabucodonosor nasdaaw, ket timmacder #Dan. 2:25.a nagdardaras: isu nagsao ket kinunana cadagiti #bil. 27. Dan. 4:36; 6:7.consejerosna, Saantayo nga intappuac aya dagiti tallo a tattao a sirereppet iti tengnga ti apuy? Isuda simmungbatda ket kinunada iti ari, Pudno unay, O ari.

25Isu simmungbat ket kinunana, Adtoy, makitac dagiti uppat a lallaki a bulos a magmagna iti tengnga ti apuy, ket awan ti dunorda; ket ti langa ti maicapat cas maysa nga #bil. 28. Job 1:6.anac a lallaki dagiti didios.

26Iti casta ni Nabucodonosor immasideg iti ruangan ti horno a dumardarang: nagsao ket kinunana, Sidrac, Misac ken Abdenago, dacayo nga ad-adipen ti Cangatoan a Dios, rumuar ket umaycayo ditoy. Idin da Sidrac, Misac ken Abdenago rimmuarda iti tengnga ti apuy.

27Ket dagiti panguloen, diputados, gobernadores, ken dagiti consejeros ti ari, idinto a natiptiponda, nakitada #Heb. 11:34.dagitoy a lallaki nga ti apuy awan pannacabalinna cadagiti bagida, ti booc dagiti oloda saan met a nasiraman, ket ti sapinda saan met a nabaliwan, ket awan met ti angot ti apuy nga immay cadacuada.

28Ni Nabucodonosor nagsao ket kinunana, Bendito ti Dios da Sidrac, Misac ken Abdenago #Sal. 34:7. Dan. 6:22. Mat. 18:10.isu a nangibaon ti angelna, ket insalacanna dagiti adipenna a nagcammatalec kencuana, isuda a nangbaliw iti sao ti ari, ken inyawatda dagiti bagida, tapno saanda nga agservi wenno agdaydayaw iti aniaman a dios, no di laeng ti Diosda met laeng.

29Gapuna ibilinco, nga #bil. 4.tunggal ili, nacion, ken pagsasao, nga agsao iti aniaman a maibusor iti Dios da Sidrac, Misac ken Abdenago #Dan. 2:5.mapisangpisangdanto, ket dagiti balbalayda maaramiddanto a gabsuon ti rugit; #Dan. 6:27.gapu ta awan ti sabali a dios a macabalin a mangispal iti castoy.

30Iti casta ti ari intan-ocna da Sidrac, Misac ken Abdenago iti provincia ti Babilonia.

Currently Selected:

DANIEL 3: TB1973

Highlight

Copy