DANIEL 2

Ti parparmata ni Nabucodonosor nga impatarus ni Daniel.

1Ket #2 Ar. 23:36; 24:12. Jer. 52:28. Dan. 1:1.iti maicadua a tawen ti panagari ni Nabucodonosor, ni Nabucodonosor naaddaan cadagiti tagtagainep; ket ti espirituna nariribuc, ket ti turogna napucawna.

2Idin ti ari #Dan. 4:6; 5:7.nagpaayab cadagiti magos, baglan, managanito ken #Dan. 1:4.Caldeos, tapno ipatarusda coma iti ari dagiti tagtagainepna. Simrecda ngarud ket nagtacderda iti saclang ti ari.

3Ket ti ari kinunana cadacuada, Naaddaanac iti maysa a tagtagainep ket ti espirituc nariribuc a mangawat iti tagtagainep.

4Idin dagiti Caldeos nagsaoda iti ari iti pagsasao ti Siria, O ari, agbiagca coma iti agnanayon, ipacaammom ti tagtagainep cadagiti adipenmo, ket iparangminto ti catarusanna.

5Simmungbat ti ari ket kinunana cadagiti Caldeos, Nalipatacon daydi, no dicayo ipacaammo caniac ti tagtagainep ken iti catarusanna, #Dan. 3:29.mapispisangto dagiti bagbagiyo ket dagiti balbalayyo mapagbalindanto a gabsuon ti rugit.

6Ngem #Dan. 5:7, 16.no ipakitayo ti tagtagainep ken ti catarusanna, awatenyonto caniac dagiti sagut ken gungona ken dackel a dayaw; gapuna nga ipakitayo caniac ti tagtagainep ken ti catarusanna.

7Simmungbatda iti maicadua a daras, ket kinunada, Ibaga coma ti ari ti tagtagainep cadagiti adipenna ket iparangminto ti catarusanna.

8Ti ari simmungbat ket kinunana, Siac ammoc unay a dacayo palabasenyo ti pannawen, agsipud ta makitayo a ti banag nalipatac.

9Ngem no dicayo ipacaammo caniac ti tagtagainep adda maymaysa laeng a linteg a maipaay cadacayo; ta nangisaganacayo cadagiti natiri ken dakes a sasao nga isawang iti saclangco agingga iti mabaliwan ti pannawen; gapuna nga ibagayo caniac ti tagtagainep, ket maammoacto a mabalinyo nga iparang caniac ti catarusanna.

10Dagiti Caldeos simmungbatda iti saclang ti ari ket kinunada, Awan ti tao ditoy rabaw ti daga a macabalin a mangiparang iti banag ti ari, nangrona pay awan ti ari, apo, wenno agturay a nagsaludsud iti castoy iti siasinoman a mago, wenno baglan, wenno Caldeo.

11Ket nasulit unay a banag a ti ari kiddawenna, ket awan sabali a macabalin a mangiparang iti sangoanan ti ari #Dan. 5:11, 14.no di-laeng dagiti didios a saan nga agtaeng iti lasag.

12Gapu itoy ti ari nagpungtot ken nagrungsot unay, ket imbilinna a mapapatay amin #Dan. 4:6, 18; 5:7, 8.dagiti mamasirib idiay Babilonia.

13Gapuna a ti bilin naiwaras, ket dagiti mamasirib mapapatayda; ket binirucda ni Daniel ken dagiti caduana tapno mapapatayda.

14Idin ni Daniel nagsao a sinanacman ken siaannad ken Arioc a capitan dagiti guardia ti ari, isu a napan mamapatay cadagiti mamasirib idiay Babilonia.

15Simmungbat ket kinunana ken Arioc a capitan ti ari, Apay a sigaganat unay daytoy a bilin a naggapu iti ari? Iti casta ni Arioc impalawagna ken Daniel ti gapuna.

16Ket ni Daniel simrec ket dinawatna iti ari nga ikeddengna coma kencuana ti pannawen, ket isu ipakitananto iti ari ti catarussana.

17Idin ni Daniel nagawid iti balayna, ket impalawagna daytoy a banag cada #Dan. 1:6.Ananias, Misael ken Azarias, a cadduana:

18Tapno dawatenda coma dagiti caasi ti Dios sadi langit a maipanggep itoy a palimed; tapno ni Daniel ken dagiti caduana saanda coma a mairaman a mapucaw cadagiti dadduma a mamasirib idiay Babilonia.

19Idin ti palimed naipaltiing ken Daniel iti parparmata iti rabii; iti casta ni Daniel indaydayawna ti Dios ti langit.

20Ni Daniel simmungbat ket kinunana, #Sal. 113:2; 115:18.Bendito coma ti nagan ti Dios iti agnanayon nga awan inggana; ta ti sirib ken pannacabalin cucuana ida.

21Ket isu pagbalbaliwenna dagiti pannawen ken dagiti natudingan #D. Ara. 1:7.a pannawen; #Dan. 5:20; 7:12, 14.mangiccat ken mangisaad cadagiti ar-ari; mangted ti sirib cadagiti mamasirib ken #Dan. 1:17.pannacaammo cadagiti macaawat;

22Isu ipalgacna dagiti nauneg ken nalimed a banbanag; ammona ti adda iti sipnget, ket #Sant. 1:17.ti lawag agnaed kencuana.

23Agyamanac kenca ken dayawenca, O #Deut. 26:7.Dios dagiti ammac, sica a nangted caniac iti sirib ken pannacabalin, ket ita impacaammom caniac ti dinawatmi kenca, ta impacaammom cadacami ti banag ti ari.

24Gapuna a ni Daniel nagparang ken Arioc isu a tinudingan ti ari a mamapapatay cadagiti mamasirib idiay Babilonia, napan ket kinunana kencuana ti castoy: Dica coma papatayen dagiti mamasirib ti Babilonia; ipannac iti saclang ti ari, ket iparangconto iti ari ti catarusan.

25Iti casta ni Arioc impanna a dinagus ni Daniel iti saclang ti ari, ket kinunana kencuana ti castoy, Nasaracac ti maysa a lalaki cadagiti nacayawan nga annac ti Juda, isu a mangipacaammonto iti ari ti catarusan.

26Simmungbat ti ari, ket kinunana ken Daniel, #Dan. 1:7.a ninaganda ti Baltasar, Mabalinmo nga ipalawag caniac ti tagtagainep a nakitac ken iti catarusanna?

27Ni Daniel simmungbat iti saclang ti ari, ket kinunana: Ti palimed a kiniddaw ti ari, uray mamasirib, uray bagbaglan, uray magos ken agraman pay mammadles, saanda a mabalin nga ipalgac iti ari.

28Ngem adda #Gen. 40:8; 41:16.maysa a Dios sadi langit a mangipalgac cadagiti palimed, ket impacaammona ken ari Nabucodonosor ti maaramidto cadagiti maud-udi nga aldaw. Ti tagtagainepmo, ken parparmata ta olom idiay iddam isuda dagitoy:

29No maipapan kenca, O ari, dagiti panunotmo immay kenca idi agid-iddaca, no anianto ti maaramid iti casacbayan; ket ti mangipalgac cadagiti palimed impacaammona kenca no anianto ti maaramid.

30Ngem #Gen. 41:16.no maipapan caniac, daytoy a palimed saan a maipaltiing gapu iti sirib nga adda caniac a nangnangrona ngem cadagiti amin a sibibiag, no di ket tapno maipacaammo coma iti ari ti catarusan, ket tapno maammoam coma dagiti panpanunot ta pusom.

31Sica, O ari, nakitam, ket adtoy ti maysa a ladawan a dackel. Daytoy a ladawan a mannacabalin ket ti raniagna, nadaeg, nagtacder iti sangoanam; ket ti langana nacabutbuteng.

32No maipapan itoy a ladawan, ti olona pulos a balitoc, ti barucong ken dagiti takiagna pirac, ti tian ken dagiti luppona suer,

33Dagiti gurong ken butoyna landoc, dagiti sacana dadduma a paset landoc ket dadduma damili.

34Kitkitaem idi agingga a maysa a bato natagaan, #Zac. 4:6.saan a gapuanan ti ima, isu a nangcabil iti ladawan cadagiti sacana a landoc ken damili, ket binuracna ida.

35Idin daydi landoc, damili, suer, pirac, ken balitoc naburburacda a natiptipon, ket nagbalinda a cas la taep ti pagtaltagan iti pannawen ti pudot; ket intayab ida ti angin nga #Apoc. 20:11.awan ti disso a nacasaracan cadacuadan: ket ti bato a nangcabil iti ladawan nagbalin a maysa a dackel a bantay, ket pinunnona ti amin toy daga.

36Daytoy ti tagtagainep; ket ibagaminto ti catarusanna iti sangoanan ti ari.

37Sica, O ari, #Esd. 7:12.sica ti ari dagiti ar-ari; a #Esd. 1:2.nangtedan ti Dios ti langit iti pagarian, pannacabalin, ken bileg ken kinadayag;

38Ket sadinoman a pagnaedan dagiti annac dagiti tattao, dagiti an-animal ti tay-ac ken dagiti tumatayab iti langit inyawatna cadagiti imam, ket pinagbalinnaca nga agturay cadacuada amin: #bil. 32.sica ti olo a balitoc.

39Ket iti calpasam tumacderto ti #Dan. 5:28, 31; 7:5.sabali a pagarian a nababbaba ngem sica; ken #Dan. 7:6.sabali a maicatlo ti pagarian a suer, isu a mangiturayto iti amin toy daga.

40Ket ti pagarian a maicapat #Dan. 7:7, 23.napigsanto a cas la landoc, ta cas ti landoc burakenna ken parmekenna ti isu-amin; ket cas ti landoc rumekenna amin dagitoy, burakennanto ken rumekennanto ida.

41Ket cas nakitam cadagiti saca ken ramay dagiti saca a dadduma a paset damili ken dadduma landoc, isunto ti maysa a nabingay a pagarian; ngem addanto kencuana ti bileg ti landoc, cas nakitam iti landoc a nalaocan iti dadamilien.

42Ket cas cadagiti ramay dagiti saca, dadduma a paset landoc ken dadduma a paset damili, castanto met a ti pagarian dadduma 13 paset napigsanto, ket iti dadduma marbecto.

43Ket cas nakitam iti landoc a nalaocan iti dadamilien, castamet lumaocdanto cadagiti capuonan ti tao; ngem didanto agdedecket iti maysa ken maysa, cas met laeng ti saan a panaglaoc ti landoc ken damili.

44Ket cadagiti al-aldaw dagita nga ar-ari, ti Dios ti langit mamangonto iti #Isa. 60:12.maysa a pagarian nga caanoman dinto madadael ket ti panagturayna dinto met maited iti sabali nga ili; ngem burakennanto ken ibusennanto amin dagitoy a pagpagarian, ket isu agtalinaedto iti agnanayon.

45Ta cas iti #Isa. 28:16.nakitam a maysa a bato natagaan iti bantay a saan a gapuanan dagiti ima, ket binurburacna ti landoc, suer, damili, pirac ken balitoc; ti dackel a Dios impacaammona iti ari no ania ti maaramidto iti casacbayan. Ket ti tagtagainep apagisu, ket nalinteg ti catarusanna.

46Iti casta ni ari Nabucodonosor nagpacleb, ket #2 Sam. 14:22.nagrucbab ken Daniel, #D. Ara. 14:13.ket imbilinna a mangipaayda coma kencuana iti maysa a daton ken bangbanglo.

47Ti ari simmungbat ken Daniel, ket kinunana, Pudno unay a ti Diosyo isu ti #Deut. 10:17.Dios dagiti didios ken Apo dagiti ar-ari ken manangipalgac cadagiti palimed, idinto a nabalinmo nga impalgac daytoy a palimed.

48Idin ti ari intan-ocna ni Daniel, ket iniccanna cadagiti adu a dadackel a sagsagut, ket isu insaadna nga agturay iti amin a #Dan. 3:1, 12, 30.provincia ti Babilonia, #Dan. 4:9; 5:11.ken cangronaan a gobernador ti amin #bil. 12.a mamasirib idiay Babilonia.

49Ket ni Daniel nagdawat iti ari, #Dan. 3:12.ket isu dinutocanna da #Dan. 1:7.Sidrac, Misac ken Abdenago nga agpangulo cadagiti aramid ti provincia ti Babilonia: ngem ni Daniel nagtaeng #Est. 2:19.iti ruangan ti ari.

Currently Selected:

DANIEL 2: TB1973

Highlight

Copy