DANIEL 1
1
Ni Daniel ken tallo cadagiti gagayyemna iti palacio ni ari Nabucodonosor.
1Idi maicatlo a tawen ti panagturay ni Joakim, ari ti Juda, #2 Ar. 24:1, 2. 2 Cron. 36:6.immay ni Nabucodonosor, ari ti Babilonia, idiay Jerusalem ket linacubna.
2Ket ti Apo inyawatna cadagiti im-imana ni Joakim, ari ti Juda, #2 Ar. 24:13; 25:15.agraman dadduma nga al-alicamen ti balay ti Dios; ket #Zac. 5:11.impanna ida, iti daga a Sinar iti balay ti diosna, ket #2 Cron. 36:8. Esd. 1:7.inserrecna dagiti alicamen iti balay a paggamengan ti diosna.
3Ket ti ari nagsao ken Aspenaz, apo dagiti eunucona, nga ipastrecna coma ti dadduma cadagiti annac ti Israel, iti putot a naarian ken cadagiti natan-oc,
4Babbaro nga cadacuada awan ti pacapilawan, no di ket nataraki, ket naisuroda iti amin a kita ti sirib, nga adda cadacuada ti pannacaammo ken kinalaing iti ciencia, ken naaddaan pannacabalinda a pimmarang iti palacio ti ari; ket isurona coma cadacuada ti sursuro ken ti pagsasao dagiti Caldeos.
5Ket ti ari inkeddengna a maipaay cadacuada iti #2 Cron. 31:16.inaldaw a paset ti taraon ti ari ken ti arac nga ininumenna, ken isuda mataraonanda coma bayat ti tallo a tawen; ta tapno iti calpasan dagitoy, #1 Ar. 10:8.agtaengda coma iti sangoanan ti ari.
6Ket cadagiti annac ni Juda adda, da Daniel, #bil. 11, 19. Dan. 2:17.Ananias, Misael ken Azarias.
7Ket ti pangulo dagiti eunuco #2 Ar. 23:34.pinanagananna ida; ni Daniel pinanagananna ti #Dan. 4:8.Baltasar; ni #Dan. 2:49; 3:12.Ananias, Sidrac; ni Misael, Misac; ket ni Azarias, Abdenago.
8Ngem ni Daniel pinanggepna iti pusona ti saanna a pannacatulaw #Deut. 32:38. Eze. 4:13.cadagiti taraon ti ari ken ti arac nga in-inumenna; iti casta dinawatna iti pangulo dagiti eunuco iti saanna coma a pannacatulaw.
9Ket ti Dios inaramidna a ni Daniel nasaracanna ti kinaimbag ken asi iti imatang ti pangulo dagiti eunuco.
10Ket kinuna ti pangulo dagiti eunuco ken Daniel, Agbutengac ken apoc nga ari a nangeddeng cadagiti canenyo ken inumenyo; ta ania ti gapuna a makitananto dagiti rupayo a nabesbessagda ngem cadagiti rupa dagiti babbaro a capatadanyo? iti casta ipeggadyo coma toy oloc iti ari.
11Idin ni Daniel kinunana iti mayordomo a tinudingan ti pangulo dagiti eunuco a mangaywan cada Daniel, Ananias, Misael, ken ni Azarias;
12Dawatec kenca, padasem cadi dagiti adipenmo bayat ti sangapulo nga aldaw, ket iccandacami coma cadagiti bucbukel a canen ken danum nga inumen.
13Calpasanna maiparang coma iti sangoanam dagiti rupami ken dagiti rupa dagiti babbaro a mangan iti taraon ti ari, ket cas ti maimatangam, aramidem coma cadagiti adipenmo.
14Impangagna ngarud ida iti daytoy, ket pinadasna ida bayat ti sangapulo nga aldaw.
15Ket iti calpasan dagiti sangapulo nga aldaw, nagparang dagiti rupada a nasaysayaat ken naluclucmeg ngem cadagiti amin a babbaro a nangan iti taraon ti ari.
16Iti casta ti mayordomo iniccatna ti naarian a taraonda ken arac nga inumenda coma, ket iniccanna ida cadagiti bucbukel.
17Ket no maipapan cadagitoy uppat a babbaro #Dan. 2:20-22, 28.iniccan ida ti Dios iti pannacaammo ken kinalaing iti isu-amin a sursuro ken sirib, ket ni Daniel adda #Dan. 8:16; 9:23; 10:1, 14.pannacaawatna cadagiti isu-amin a sirmata ken #Dan. 5:12; 7:1.tagtagainep.
18Calpasan ngarud dagiti al-aldaw nga inkeddeng ti ari a pannacaiparangda ti pangulo dagiti eunuco imparangna ida iti saclang ni Nabucodonosor.
19Ket ti ari nagsao cadacuada, ket cadacuada amin awan nasarac a sabali a cas ken Daniel, Ananias, Misael, ken Azarias; iti casta nagtaengda iti saclang ti ari.
20Ket amin a panggep a maipapan iti sirib ken pannacaawat a sinaludsud ti ari cadacuada nasaracna a nalalaingda iti maminpulo ngem amin cadagiti #Dan. 2:2.magos ken baglan nga adda idi iti sacup ti pagarianna.
21Ket ni Daniel nagtaeng inggana iti umuna a tawen ni ari Ciro.
Currently Selected:
DANIEL 1: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
