EZEQUIEL 48

Dagiti bingay dagiti pito a caputotan, ken dagiti bingay dagiti papadi. Dagiti bingay dagiti Levitas, ti ili ken ti principe. Dagiti bingay dagiti sabali a lima a caputotan. Dagiti ruangan ti ili.

1Ngarud dagitoy dagiti nagan #bil. 23. Eze. 45:8.dagiti caputotan: Manipud iti makinamianan nga ungto, iti denna ti dalan a Hetlon agingga iti pagsercan ti Hamat, Haser-enon iti beddeng ti Damasco, nga agpaamianan iti denna ti Hamat (ket addanto dagiti sikiganda iti daya ken iti laud), ti #Num. 2:25-31.Dan, maysa a bingay.

2Ket iti denna ti beddeng ti Dan manipud iti makindaya a sikigan agingga iti makinlaud a sikigan, ti Aser, maysa a bingay.

3Ket iti denna ti beddeng ti Aser, manipud iti makindaya a sikigan, agingga met laeng iti makinlaud a sikigan, ti Neftali, maysa a bingay.

4Ket iti denna ti beddeng ti Neftali, manipud iti makindaya a sikigan agingga iti makinlaud a sikigan, #Eze. 47:13.ti Manases, maysa a bingay.

5Ket iti denna ti beddeng ti Manases, manipud iti makindaya a sikigan agingga iti makinlaud a sikigan, ti Efraim, maysa a bingay.

6Ket iti denna ti beddeng ti Efraim, manipud iti makindaya a sikigan, agingga met laeng iti makinlaud a sikigan, ti Ruben, maysa a bingay.

7Ket iti denna ti beddeng ti Ruben, manipud iti makindaya a sikigan agingga iti makinlaud, ti Juda, maysa a bingay.

8Ket iti denna ti beddeng ti Juda, manipud iti makindaya a sikigan agingga iti makinlaud a sikigan, #Eze. 45:1-6.isu ti daton nga idatagyonto, duapulo ket lima a ribu a runo ti caacaba, ket ti caatiddug cas maysa cadagiti bingay, manipud iti makindaya a sikigan agingga iti makinlaud a sikigan: ket ti santuario addanto iti tengngana.

9Ti daton nga idatagyonto ken Jehova duapulonto ket lima ribu a runo ti caatiddug, ken sangapulo a ribu ti caacaba.

10Ket maipaay cadagitoy, a maipaay met laeng cadagiti papadi, addanto ti nasantoan a daton; iti agpaamianan duapulo ket lima a ribu ti caatiddug, ket iti agpalaud sangapulo a ribu ti caacaba, ket iti agpadaya sangapulo ribu ti caacaba, ket iti agpaabagatan duapulo ket lima a ribu ti caatiddug: ket ti santuario ni Jehova addanto iti tengngana.

11Maipaayto cadagiti papadi a napagsanto #Eze. 40:46.cadagiti annac a lallaki ni Sadoc, a #Eze. 40:45.nangaywan iti impacumitco a saan a nayawawan idi a dagiti annac ti Israel nayawawanda, a cas ti pannacayawawan #Eze. 40:10, 15.dagiti Levitas.

12Ket isunto cadacuada ti maysa a daton nga aggapu iti daton ti daga, maysa a banag a casantoan unay, iti denna ti beddeng dagiti Levitas.

13 # Eze. 45:5. Ket cas mayannugot iti beddeng dagiti papadi, dagiti Levitas addanto duapulo ket lima a ribu ti caatiddug, ken sangapulo a ribu a caacaba; amin ti caatiddug duapulonto ket lima a ribu, ket ti caacaba sangapulo a ribu.

14Ket awanto ti ilacoda iti daydiay #Lev. 27:10, 28, 33.wenno isucatda, ken #Eze. 44:30.dinto met maipanaw dagiti umuna a bunga ti daga; ta isu nasantoan ken ni Jehova.

15Ket ti #Eze. 42:20; 45:6.lima ribu a mabati iti caacaba, iti batog ti duapulo ket lima a ribu, maaramatto iti sapasap a maipaay iti ili, maipaay iti pagtaengan ken cadagiti #bil. 17. Eze. 45:2.arubayan; ket ti ili addanto iti tengngana.

16Ket dagitoy isunto ti rucodna: #bil. 30, 32-34.ti makinamianan a sikigan uppat a ribu ket lima gasut, ket ti makinabagatan a sikigan uppat a ribu ket lima gasut, ket ti makindaya a sikigan uppat a ribu ket lima gasut, ket ti makinlaud a sikigan uppat a ribu ket lima gasut.

17Ket ti ili addanto ar-arubayanna: iti agpaamianan dua gasut ket limapulo, ket iti agpaabagatan dua gasut ket limapulo, ket iti agpadaya dua gasut ket limapulo, ket iti agpalaud dua gasut ket limapulo.

18Ket ti suroc iti caatiddug, a maisibay iti nasantoan a daton, isunto ti sangapulo a ribu nga agpadaya, ken sangapulo a ribu nga agpalaud; ket maisibayto iti nasantoan a daton; ket ti apitna maipaayto a taraon cadagidiay agtrabajo iti ili.

19Ket dagidiay agtrabajo iti ili, cadagiti amin a caputotan ti Israel, daydiay talonendanto.

20 # bil. 21. Amin ti daton duapulonto ket lima a ribu ken duapulo ket lima a ribu: yawatyonto a cuadrado ti nasantoan a daton agraman ti cucua ti ili.

21Ket ti suroc #Eze. 45:7.maipaayto iti principe, iti maysa a sikigan ken iti sabali iti nasantoan a daton ken iti panagtagicua ti ili; iti sangoanan ti duapulo ket lima a ribu iti daton nga agturong iti makindaya a beddeng, ken agpalaud iti sangoanan ti duapulo ket lima a ribu nga agturong iti makinlaud a beddeng, a cas mayannugot cadagiti bingay, maipaayto iti principe: ket ti nasantoan a daton ken ti santuario ti balay addanto iti tengngana.

22Castamet manipud iti cucua dagiti Levitas, ken manipud iti cucua ti ili, idinto nga adda iti tengnga ti bingay ti principe, iti nagbaetan ti beddeng ti Juda ken ti beddeng ti Benjamin, maipaayto iti principe.

23Ket no maipapan cadagiti dadduma a caputotan: manipud iti makindaya a sikigan agingga iti makinlaud a sikigan, ti Benjamin, maysa a bingay.

24Ket iti denna ti beddeng ti Benjamin, manipud iti makindaya a sikigan agingga iti makinlaud a sikigan, ti Simeon, maysa a bingay.

25Ket iti denna ti beddeng ti Simeon, manipud iti makindaya a sikigan agingga iti makinlaud a sikigan, ti Isacar, maysa a bingay.

26Ket iti denna ti beddeng ti Isacar, manipud iti makindaya a sikigan agingga iti makinlaud a sikigan, ti Zabulon, maysa a bingay.

27Ket iti denna ti beddeng ti Zabulon, manipud iti makindaya a sikigan agingga iti makinlaud a sikigan, ti Gad, maysa a bingay.

28Ket iti denna ti beddeng ti Gad, iti makinabagatan a sikigan nga agpaabagatan, ti beddeng manipudto iti Tamar agingga cadagiti danum ti Maribat-cades, agingga iti waig ti Egipto, agingga iti dackel a taaw.

29Daytoy ti daga #Eze. 47:22.a bingbingayenyonto iti ginnasat cadagiti caputotan ti Israel a cas tawidda, ket dagitoy dagiti nadumaduma a bingayda, cuna ni Apo Jehova.

30Ket dagitoy dagiti #Num. 34:4, 5, 8, 9, 12. Jos. 15:4, 7, 11.pagruaran ti ili: Iti makinamianan a sikigan uppat a ribu ket lima gasut a runo iti rucod;

31Ket dagiti ruruangan ti #Apoc. 21:12, 13.ili mainaganandanto cas cadagiti nagnagan dagiti caputotan ti Israel, tallo a ruangan iti agpaamianan #Deut. 33:6-8.ti ruangan ti Ruben, maysa; ti ruangan ti Juda, maysa; ti ruangan ti Levi, maysa.

32Ket iti makindaya a sikigan uppat a ribu ket lima gasut a runo, ket tallo a ruangan: ti met laeng ruangan ti Jose, maysa; ti ruangan ti Benjamin, maysa; ti ruangan ti Dan, maysa.

33Ket iti makinabagatan a sikigan uppat a ribu ket lima gasut a runo iti rucod, ken tallo a ruangan: ti ruangan ti Simeon, maysa; ti ruangan ti Isacar, maysa: ti ruangan ti Zabulon, maysa.

34Iti makinlaud a sikigan uppat a ribu ket lima gasut a runo agraman dagiti tallo a ruanganda: ti ruangan ti Gad, maysa; ti ruangan ti Aser, maysa; ti ruangan ti Neftali, maysa.

35Sangapulonto ket walo a ribu a runo iti aglicmut: ket ti naganto ti ili manipud iti daydiay nga aldaw, #Eze. 35:10. Jer. 3:17. Joel 3:21. Zac. 2:10. Apoc. 21:3.Ni Jehova adda dita.

Currently Selected:

EZEQUIEL 48: TB1973

Highlight

Copy