EZEQUIEL 47
47
Dagiti macaagas a danum a naggapu iti templo. Dagiti beddeng ken nacabingbingayan ti daga.
1Ket insublinac iti #Eze. 41:1, 2.ruangan ti balay; ket adtoy, dagiti #Joel 3:18. Zac. 14:8. Apoc. 22:1.danum nagayusda manipud iti siroc ti dapian ti balay nga agpadaya (ta ti pamarang ti balay simmango iti daya); ket dagiti danum bimmabada manipud iti siroc, manipud iti canawan a sikigan ti balay, iti abagatan ti altar.
2Idin inruarnac iti dalan #Eze. 40:35.ti ruangan nga agpaamianan, ket inturongnac iti dalan iti ruar #Eze. 40:6.agingga iti makinruar a ruangan, iti dalan ti ruangan a sumango iti daya; ket adtoy, rimmuar idiay dagiti danum iti canawan a sikigan.
3Idin daydi tao rimmuar a nagpadaya nga adda #Eze. 40:3.tali iti imana, isu nangrucod ti sangaribu a sico, ket pinalasatnac cadagiti danum, dandanum nga aginggada iti lipaylipay.
4Isu nangrucod manen ti sangaribu, ket pinalasatnac cadagiti danum, dandanum nga aginggada iti tumeng. Nangrucod manen ti sangaribu, ket pinalasatnac cadagiti danum, dandanum nga aginggada iti siket.
5Calpasanna nangrucod ti sangaribu; ket maysa a carayan a diac nabalin a linasat; ta dagiti dandanum dimmackelda, dandanum a langoyen, maysa a carayan a di mabalin a lasaten.
6Ket kinunana caniac, Anac ti tao, nakitam daytoy? Idin impannac, ket pinagsublinac iti igid ti carayan.
7Ket idi nagsubliac, adtoy, iti igid ti carayan adu unay a caycayo iti maysa a bangir ken iti sabali.
8Idin kinunana caniac, Dagitoy a danum rumuarda nga agturong iti makindaya a daga, ket agayusda iti Araba; ket agturongdanto iti #Deut. 3:17; 4:49.baybay; idiay baybay mapanto dagiti dandanum a napaayus; ket dagiti dandanum maimbagandanto.
9Ket maaramidto, a tunggal nabiag a parsua nga agpangen, iti amin a disso a danonan dagiti carcarayan, agbiagto; ket addanto umariwecwec a pangen ti ican; ta dagitoy a danum dumtengda idiay, ket dagiti danum ti baybay maimbaganto, ket amin a banag agbiagto, iti sadinoman a danonan ti carayan.
10Ket maaramidto, a dagiti agcalcalap agtacderdanto iti dennana: manipud #1 Sam. 24:1.Engadi agingga met laeng #Isa. 15:8.Enegalim isunto ti disso a pagyucradan cadagiti ik-iket; dagiti icandacasdanto iti kitada, cas ti ican ti dackel a baybay, napalalo a nagadu.
11Ngem dagiti lubnacna, ken dagiti luccaongna, saandanto a maimbagan; mabatidanto a pangasinan.
12Ket iti denna ti carayan iti igidna, iti daytoy a sikigan, ken iti dayta a sikigan, tumubonto tunggal cayo a maipaay a taraon, a #Sal. 1:3.ti bulongna saanto a magango, ket saanto met nga agcurang ti bungana: mangtedto ti baro a bunga tunggal bulan, agsipud ta dagiti danumna agayusda a rumuar iti santuario; ket ti bungana maipaayto a taraon, ket ti bulongna maipaay a pangagas.
13Castoy ti cuna ni Apo Jehova: Daytoy isunto ti beddeng, a pangbingayanyo iti daga a tawid a cas mayannugot cadagiti sangapulo ket dua a caputotan ti Israel: #Gen. 48:5. Jos. 17:14, 17.ni Jose duanto dagiti bingayna.
14Ket tawidenyonto, ti maysa a cas met ti sabali; ta insapatac nga isu maited cadagiti ammayo: ket daytoy a daga maipagasat cadacayo a tawiden.
15Ket daytoyto ti beddeng ti daga: Iti makinamianan a sikigan, #bil. 10.manipud iti dackel a taaw, iti dalan ti Hetlon, agingga iti pagsercan ti Sedad.
16Hamat, Berota, Sibraim, nga adda iti nagbaetan ti beddeng ti Damasco ken ti beddeng ti Hamat; Haserhatticon, nga adda iti denna ti beddeng ti Hauran.
17Ket ti beddeng manipud iti taaw isunto ti Haser-enon iti beddeng ti Damasco; ket iti amianan nga agpaamianan isu ti beddeng ti Hamath. Daytoy ti makinamianan a sikigan.
18Ket ti makindaya a sikigan, iti nagbaetan ti Hauran ken Damasco ken Galaad ken ti daga ti Israel, isunto ti Jordan; manipud iti makinamianan a beddeng, agingga iti makindaya a #Joel 2:20.baybay rucodenyonto. Daytoy ti makindaya a sikigan.
19Ket ti makinabagatan a sikigan nga agpaabagatan isunto ti manipud Tamar agingga cadagiti #Num. 20:13.dandanum ti Meribot-cades, agingga iti waig ti Egipto, agingga iti dackel a taaw. Daytoy ti makinabagatan a sikigan nga agpaabagatan.
20Ket ti makinlaud a sikigan isunto ti dackel a taaw, manipud iti makinabagatan a beddeng agingga iti batog ti pagsercan ti Hamat. Daytoy ti makinlaud a sikigan.
21Castoy ti panangbingayyo iti daytoy a daga cadacayo a cas mayannugot cadagiti caputotan ti Israel.
22Ket maaramidto, nga iti panagbibingayyo #Eze. 45:1; 48:29.ginnasat a maipaay a tawid cadacayo ken cadagiti gangannaet nga agnaed iti tengngayo, isuda nga agputotto iti tengngayo; ket isudanto cadacayo ti #Ex. 12:19, 48, 49. Lev. 16:29.cas nayanac iti dagayo met laeng iti tengnga dagiti annac ti Israel; addanto tawidda a maicuyog cadacayo cadagiti caputotan ti Israel.
23Ket maaramidto, nga no ania a caputotan ti pagnaedan ti gangannaet, idiay itedyonto kencuana ti tawidna, cuna ni Apo Jehova.
Currently Selected:
EZEQUIEL 47: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
