EZEQUIEL 46
46
Dagiti datonna iti aldaw a panaginana ken ti lutuad. Sabsabali a pagalagadan. Ti di agsarday a daton a mapuuran. Ti calintegan ti principe a mangipaay cadagiti sagut. Dagiti disso a pagipaburecan.
1Castoy ti cuna ni Apo Jehova: #Eze. 45:19.Ti ruangan ti makinuneg a paraangan a sumango iti daya maripcanto cadagiti innem nga aldaw a panagtrabajo; ngem iti aldaw a panaginana maluctanto, ken #Eze. 45:17.iti aldaw ti lutuad maluctanto.
2Ket ti principe sumrecto iti dalan ti balcon ti ruangan iti ruar, ket agtacderto iti #bil. 8. Eze. 44:3.arpad ti adigi ti ruangan; #Eze. 40:38.ket dagiti papadi isaganadanto ti datonna a mapuuran ken dagiti datonna iti cappia, ket isu agrucbabto idiay dapian ti ruangan: sa rumuarto; ngem ti ruangan saanto a maripcan agingga iti rabii.
3 # bil. 9. Ket dagiti umili iti daga agrucbabdanto idiay pagsercan ti dayta a ruangan iti sangoanan ni Jehova cadagiti #Num. 28:9, 10.aldaw a panaginana ken cadagiti lutuad.
4Ket ti daton a mapuuran nga idatonto ti principe ken ni Jehova iti aldaw a panaginana innemto a cordero nga awan pacapilawanda, ken maysa a carnero a lalaki nga awan pacapilawanna;
5Ket ti daton a macan #Eze. 45:24.maysanto nga efa a maipaay iti carnero a lalaki, ket ti daton a macan a maipaay cadagiti cordero a cas #Deut. 16:17.cabaelanna nga ited, ken maysa a hin ti lana iti maysa nga efa a macan.
6Ket iti aldaw ti lutuad maysanto a bumaro a vaca nga awan ti pacapilawanna, ken innem a cordero, ken maysa a carnero; a lalaki; nga awan ti pacapilawanda:
7Ket isaganananto ti daton a macan, maysa nga efa a maipaay iti vaca, ken maysa nga efa a maipaay iti carnero a lalaki, ken maipaay cadagiti cordero a cas mayannugot iti cabaelenna, ken maysa a hin ti lana iti tunggal efa a macan.
8Ket no ti principe sumrec, sumrecto iti dalan iti balcon ti ruangan, ket isu met laeng ti pagruaranna.
9Ngem no dagiti umili ti daga #Eze. 23:14, 17. Deut. 16:16.umayda iti sangoanan ni Jehova cadagiti nakedngan a fiesta, daydiay sumrec iti dalan ti makinamianan a ruangan tapno agrucbab rumuarto iti dalan ti makinabagatan a ruangan, ket daydiay sumrec iti dalan a makinabagatan rumuarto iti dalan ti makinamianan a ruangan: saanto nga agsubli iti dalan a sinercanna, no di ket rumuarto nga aglayon iti sangoananna.
10Ket no sumrecda, ti principe sumrecto iti tengngada; ket no rumuarda, agcucuyogdanto.
11Ket cadagiti fiesta ken cadagiti nakedngan a pagramrambacan ti daton a macan maysanto nga efa a maipaay iti maysa a vaca, ken maysa nga efa iti maysa a carnero a lalaki, ken cadagiti cordero a cas cabaelanna nga ited, ken maysa a hin ti lana iti tunggal efa a macan.
12Ket no ti principe mangisagananto ti maysa a daton ti #Lev. 7:16; 22:23.sibubulos a nakem, maysa a daton a mapuuran wenno datdaton ti cappia a cas maysa a daton ti sibubulos a nakem ken ni Jehova, addanto manglucat iti ruangan a sumango iti daya a maipaay kencuana: ket isaganananto ti datonna a mapuuran ken dagiti datonna iti cappia, #bil. 2.cas aramidenna iti aldaw a panaginana: ket isu rumuarto; ket calpasan ti iruruarna addanto mangrikep iti ruangan.
13Ket #Ex. 29:38. Num. 28:3, 4.isaganamto ti maysa a cordero a maysa ti tawenna nga awan ti pacapilawanna a maipaay a daton a mapuuran ken ni Jehova iti inaldaw: iti binigat isaganamto.
14Ket mangisaganacanto iti maysa a daton a macan a maicuyog kencuana iti binigat, maysa nga apagcanem ti maysa nga efa, ken maysa nga apagcatlo ti maysa a hin ti lana, tapno mababasa ti namayecmec nga harina; maysa a daton a macan ken ni Jehova iti di agsarday gapu iti agnanayon nga alagaden.
15Castoy ti panangisaganadanto iti cordero, ken ti daton a macan, ken ti lana, iti binigat, a maipaay iti di agsarday a daton a mapuuran.
16Castoy ti cuna ni Apo Jehova: No ti principe mangted ti maysa a sagut iti siasinoman cadagiti annacna a lallaki, isu tawidna, cucuanto dagiti annacna a lallaki; daydiay cucuadanto a tawid.
17Ngem no isu mangted #Eze. 45:7.iti tawidna ti maysa a sagut iti maysa cadagiti adipenna, daydiay cucuana #Lev. 25:10.agingga iti tawen ti wayawaya; ket calpasanna agsublinto iti principe; ngem no maipapan iti tawidna, maipaayto cadagiti annacna a lallaki.
18Castamet ti principe #Eze. 45:3.saanto a mangala iti tawid ti umili, a pagtalawenna ida iti cucuada; agpatawidto cadagiti annacna a lallaki iti aggapu iti bucodna a cucua, tapno tunggal tao ti ilic saan coma a maiwara manipud iti cucuana.
19Idin impannac a pinalasat iti pagsercan, nga adda idi iti sikigan ti ruangan, nga inserrecnac #Eze. 42:4.cadagiti nasantoan a silsiled a maipaay cadagiti papadi, isuda a simmango iti amianan: ket, adtoy, adda idi disso ti makinudi a paset iti agpalaud.
20Ket kinunana caniac, Daytoy ti disso a pangipaburecanto dagiti papadi iti #Eze. 40:39.daton gapu iti salungasing ken ti daton a gapu iti basol, ken #Lev. 2:4.panglutoandanto iti daton a macan; tapno saanda nga iruar ida iti makinruar a paraangan, #Eze. 44:19.tapno pagsantoenna ti umili.
21Idin inruarnac iti makinruar a paraangan, ket pinalabasnac iti arpad dagiti uppat a suli ti paraangan, ket, adtoy, iti tunggal suli ti paraangan adda idi maysa a paraangan.
22Cadagiti uppat a suli ti paraangan adda iti parparaangan a naaladan, uppat a pulo a sico ti caatiddug ken tallopulo ti caacaba: dagitoy nga uppat cadagiti suli sangsangcarucodda.
23Ket adda idi maysa a bacud iti aglicmut cadacuada, aglicmut cadagiti uppat, ket dagiti disso a pagipaburecan naaramidda iti siroc dagiti bacud iti aglicmut.
24Idin kinunana caniac, Dagitoy dagiti balbalay a pagipaburecan, ditoy dagiti agannong iti balay ipaburecdanto ti daton ti umili.
Currently Selected:
EZEQUIEL 46: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
