Popular Bible Verses from DANIEL 1

Share

Ngem ni Daniel pinanggepna iti pusona ti saanna a pannacatulaw cadagiti taraon ti ari ken ti arac nga in-inumenna; iti casta dinawatna iti pangulo dagiti eunuco iti saanna coma a pannacatulaw.

Ket no maipapan cadagitoy uppat a babbaro iniccan ida ti Dios iti pannacaammo ken kinalaing iti isu-amin a sursuro ken sirib, ket ni Daniel adda pannacaawatna cadagiti isu-amin a sirmata ken tagtagainep.

Ket ti Dios inaramidna a ni Daniel nasaracanna ti kinaimbag ken asi iti imatang ti pangulo dagiti eunuco.

Ket amin a panggep a maipapan iti sirib ken pannacaawat a sinaludsud ti ari cadacuada nasaracna a nalalaingda iti maminpulo ngem amin cadagiti magos ken baglan nga adda idi iti sacup ti pagarianna.