DANIEL 4

Ti tagtagainep ni Nabucodonosor a maipanggep iti dackel a cayo.

1Ni Nabucodonosor nga ari, #Dan. 3:4; 6:25.iti amin nga il-ili, nasnacion, ken pagsasao, nga agnaed iti amin toy daga: #1 Ped. 1:2. 2 Ped. 1:2.Talna coma ti mapaadu cadacayo.

2Napanunotco a nasayaat nga iparang dagiti pagilasinan ken nacascasdaaw nga #Dan. 3:26.inaramid caniac ti Cangatoan a Dios.

3Anian a nagdackel dagiti pagilasinanna! ket anian a pannacabalin dagiti nacascasdaaw nga aramidna! Ti pagarianna isu ti #Dan. 2:44.pagarian nga awan inggana, ket ti panagturayna manipud caputotan agingga iti caputotan.

4Siac, ni Nabucodonosor, agininanaac idi iti balayco ket agnamnamayac iti palacioc.

5Nakitac iti maysa a tagtagainep a nagbutngac; #Dan. 2:28.ket dagiti panunot iti iddac ken dagiti parparmata iti oloc riniribucdac.

6 # Dan. 3:29. Gapu itoy nangaramidac iti bilin a mayeg itoy saclangco dagiti #bil. 18. Dan. 2:12.amin a mamasirib ti Babilonia, tapno iparangda coma caniac ti catarusan ti tagtagainep.

7Idin immay dagiti magos, baglan, Caldeos, ken dagiti mammagbaglan, Caldeos, ken dagiti mammadles; ket sinaritac ti tagtagainep iti sangoananda; ngem dida naipacaammo caniac ti catarusanna.

8Ngem camaudiananna #Dan. 1:7.immay ni Daniel, a ti naganna Baltasar, cas mayannugut iti nagan ti diosco, #bil. 9, 18. Dan. 2:11.ket kencuana adda ti espiritu dagiti nasantoan a didios: ket imbagac ti tagtagainep iti sangona, a kinunac,

9O Baltasar, #Dan. 2:48.apo dagiti magos, gapu ta ammoc nga adda kenca ti espiritu dagiti nasantoan a didios, ket awan ti palimed a mangriribuc kenca, ibagam coma dagiti parparmatac iti tagtagainepco a nakitac, ken ti catarusanna.

10Castoy dagiti parparmata ti oloc iti iddac: nakitac, ket adtoy, ti maysa a cayo #bil. 20, 26. Eze. 31:3.iti tengnga ti daga, ket iti cangatona dackel.

11Dimmackel daytoy a cayo, ket simmickil, ket ti cadackelna dimmanon agingga iti langit, ket isu makita iti amin nga ungto daytoy daga.

12Dagiti bulongna nasayaat, ket ti bungana adu, ket kencuana adda taraon a maipaay cadagiti isu-amin: #Eze. 17:23; 31:6.dagiti animal ti away adda linongda iti sirocna, ket dagiti tumatayab ti langit nagtaengda cadagiti sangana, ket amin a lasag nataraonan kencuana.

13Nakitac cadagiti parparmata ti oloc iti iddac, ket adtoy, #bil. 17, 23. Sal. 103:20.maysa nga agay-aywan ken maysa a #bil. 23. Deut. 33:2, 3. Dan. 8:13. Zac. 14:5. Jud. 14.santo bimmaba a naggapu sadi langit.

14Isu nagpuccaw a natbag, ket castoy ti kinunana, #bil. 23. Mat. 3:10.Pucanenyo ti cayo, ket putdenyo dagiti sangana, rurusenyo, dagiti bulongna, ket ipurruacyo ti bungana: pumanaw coma dagiti animal nga adda iti sirocna ken dagiti tumatayab cadagiti sangana.

15Nupay casta ibatiyo ti puon dagiti ramutna iti daga, a sibebedbed iti landoc ken gambang iti nagtengngaan dagiti naganos a root iti tay-ac; ket maslep coma iti linnaaw ti langit; ket ti pagbiagna makibingay coma iti root ti daga cadagiti an-animal:

16Masucatan coma ti pusona a natao-an ket maiccan coma iti puso ti animal; ket #bil. 23, 25, 32. Dan. 7:25; 11:13.aglabasda coma kencuana dagiti nagcapito a pannawen.

17Ti pangngeddeng nagtaud iti panagbilin #bil. 13.dagiti agay-aywan, ket ti dawat nagtaud iti sao dagiti sasanto, tapno #Sal. 9:16.maawatan dagiti sibibiag #Dan. 2:21; 5:21.a ti Cangatoan agturay iti pagarian dagiti tattao, ket isu itedna iti siasinoman a cayatna, ket pagturayenna kencuana dagiti canonomoan a tattao.

18Siac, ari Nabucodonosor, nakitac daytoy a tagtagainep; ket sica, O Baltasar, ipalawagmo caniac ti catarusanna agsipud ta amin dagiti mamasirib ditoy pagariac saanda a mabalin nga ipacaammo ti catarusanna, ngen sica mabalinmo; ta adda kenca ti espiritu dagiti nasantoan a didios.

19Iti casta ni Daniel, nga iti naganna idi Baltasar, napaulimec iti bassit a canito, ket dagiti panpanunotna nariribucda. Ti ari simmungbat ket kinunana, Baltasar, ti parparmata ken ti catarusanna saannaca coma a riribuken. Simmungbat ni Baltasar ket kinunana, Apoc, #1 Sam. 25:26. 2 Sam. 18:32.ti parparmata agpaay coma cadagiti gumura kenca, ket ti catarusanna agpaay cadagiti cabusormo.

20Ti cayo a nakitam, #bil. 10, 11.a timmubo, ken nagbalin a nasickil, ket ti cadackelna dimmanon iti langit, ket isu mabuya ti amin toy lubong;

21Ket dagiti bulongna nasayaat, ket ti bungana adu, ket adda mabalin a taraon ti isu-amin kencuana; iti sirocna taeng dagiti animal ti tay-ac, ket cadagiti sangana pagaponan dagiti tumatayab ti langit:

22Sica met laeng, O ari, a dimmackelca ket nagbalinca a napigsa; immadda ti tan-ocmo, #Jer. 27:6-8.ket dumanon iti langit, ket ti panagturaymo agingga iti pagpatingaan ti daga.

23Ket no maipapan iti nakita ti ari a maysa nga agay-aywan ken maysa a santo bumaba a naggapu iti langit, ket kinunana, Pucanenyo ti cayo, ket isu dadaelenyo; nupay casta ibatiyo ti puon dagiti ramutna iti daga, a sibebedbed iti landoc ken gambang, iti nagtengngaan dagiti naganus a root ti tay-ac, ket marusep coma iti linnaaw ti langit, ken ti bingayna mairaman cadagiti an-animal iti away inggana iti aglasat kencuana dagiti pito a pannawen;

24Daytoy ti catarusanna, O ari, ken ti pangeddeng ti Cangatoan, isu a mapasamac iti ari nga apoc:

25A mapagtalawcanto iti arpad dagiti tattao ket iti taeng dagiti an-animal ti away isunto ti pagtaengam, ket #bil. 32. Dan. 5:21.maipaarabcanto cadagiti root a cas a cadagiti vaca, ket itinto linnaaw ti langit ti mangsel-lep kenca; ket aglasatto kenca dagiti pito a pannawen; inggana iti maawatam a ti Cangatoan, agturay ti pagarian dagiti tattao, ket isu itedna iti siasinoman a cayatna.

26Ket no maipapan iti imbilinda nga ibatida iti daga ti puon dagiti ramramut ti cayo; ti pagarian matdanto kenca a di maanano iti calpasan ti pannacabigbigmonto a dagiti langlangit agturayda.

27Gapuna, O ari, nga anamungam coma toy balacadco, ket isinam dagiti basolmo babaen ti kinalinteg, ken dagiti babacmo iti panangiparangmo iti asi cadagiti napanglaw: bareng no mapaatiddug ti kinatalnam.

28Amin dagitoy napasamac ken ari Nabucodonosor.

29Iti calpasan ti sangapulo ket dua a bulan isu agpaspasiar iti naarian a palacio sadi Babilonia.

30Nagsao ti ari #Dan. 5:20.ket kinunana, Saan aya a daytoy ti dackel a Babilonia a binangonco a maipaay iti #Amos 7:17.palacio a naarian, babaen ti bileg ti pannacabalinco a maipaay iti dayag toy kinatan-occo?

31Idi adda pay laeng nga agsasao ti ari, dimteng ti maysa a timec a naggapu iti langit, a kinunana, O ari Nabucodonosor, maibaga kenca, Ti pagarian maipanaw kenca:

32Ket mapagtalawcanto #bil. 23.iti arpad dagiti tattao; ket agtaengcanto iti yan dagiti animal ti tay-ac; ket maipaarabcanto a cas cadagiti vacvaca, ket dagiti pito a pannawen aglasatdanto kenca; agingga iti mabigbigmonto a ti Cangatoan agturay iti pagarian dagiti tattao, ket isu itedna iti siasinoman a cayatna.

33 # bil. 19. Iti daydi met laeng nga horas natungpal ti banag ken Nabucodonosor: ket napagtalaw iti arpad dagiti tattao, ket nagarab iti root a cas cadagiti vacvaca, ket ti #Dan. 5:21.bagina naslep iti linnaaw ti langit, inggana a ti boocna timmubo a cas dutdut ti aguila, ket dagiti cucona cas cuco dagiti tumatayab.

34Ngem iti calpasan dagiti al-aldaw siac, ni Nabucodonosor, intangadco dagitoy matac sadi langit, ket ti nakemco nagpulang caniac, ket binenditoc ti Cangatoan, ket dinaydayawco ken intan-occo #Dan. 12:7. Apoc. 4:10.daydiay nga agbiag iti agnanayon; agsipud ta ti panagturayna agnanayon a panagturay, ket ti pagarianna manipud caputotan agingga iti caputotan;

35Ket amin dagiti agnaed iti lubong maibilangda a cas awan; ken aramidenna cas pagayatanna iti buyot ti langit ken cadagiti agnaed iti daga; ket #Isa. 14:27.awan ti manglapped iti imana, wenno agcuna kencuana, #Job 9:12. Rom. 9:20.Ania ti aramidem?

36Iti daydi met laeng a pannawen ti nakemco nagpulang caniac, ket maipaay iti dayag ti pagariac, ti dayaw ken ti kinatan-occo nagpulangda caniac; ket dagiti consejerosco ken pangoloec sinapuldac; ket naisubliac iti pagariac, ket mangnibinibi a kinatan-oc nainayon caniac;

37Ngarud siac, ni Nabucodonosor, #bil. 34. Dan. 5:4.dayawec ken itandudoc ken itan-occo ti ari ti langit, #Deut. 32:4. Sal. 33:4. Apoc. 15:3.agsipud ta amin nga aramidna pudnoda, ket dagiti dalanna kinajusticia; ket isu mabalinna a pagpacumbabaen #Dan. 5:20.dagiti magna iti kinatangsit.

Currently Selected:

DANIEL 4: TB1973

Highlight

Copy