Popular Bible Verses from DANIEL 3

Share

Ni Sidrac, Misac ken Abdenago simmungbatda ket kinunada iti ari. O Nabucodnosor, saan a masapul a sumungbatcami kenca itoy a banag. No casta, ti Diosmi isu a pagservianmi mabalinnacami nga isalcan iti horno a sumsumged ken dumardarang; ket ita imam, O ari, ilapsutnacamto. Ket no saan, maipacaammo coma kenca, O ari, a dayta diosmo dicamto pagservian, ken castamet dicamto pagdaydayawan ti ladawan a balitoc nga impatacdermo.

Isu simmungbat ket kinunana, Adtoy, makitac dagiti uppat a lallaki a bulos a magmagna iti tengnga ti apuy, ket awan ti dunorda; ket ti langa ti maicapat cas maysa nga anac a lallaki dagiti didios.

Ni Nabucodonosor nagsao ket kinunana, Bendito ti Dios da Sidrac, Misac ken Abdenago isu a nangibaon ti angelna, ket insalacanna dagiti adipenna a nagcammatalec kencuana, isuda a nangbaliw iti sao ti ari, ken inyawatda dagiti bagida, tapno saanda nga agservi wenno agdaydayaw iti aniaman a dios, no di laeng ti Diosda met laeng.

Gapuna ibilinco, nga tunggal ili, nacion, ken pagsasao, nga agsao iti aniaman a maibusor iti Dios da Sidrac, Misac ken Abdenago mapisangpisangdanto, ket dagiti balbalayda maaramiddanto a gabsuon ti rugit; gapu ta awan ti sabali a dios a macabalin a mangispal iti castoy.