II AR-ARI 5
5
Ni Eliseo agasanna ti panagcucutel ni Naaman. Ti dawat ni Naaman. Ti agum ken ulbod ni Giezi; ken ti dusana.
1Ni Naaman a capitan ti buyot ti ari ti Siria, lalaki a napateg ken ni apona ken madaydayaw, ta ni Jehova nangted idi iti panagballigi iti Siria a gapu kencuana: isu maingel a lalaki ken napigsa, ngem isu agcucutel idi.
2Ket dagiti Sirios rimmuarda iti #2 Ar. 6:23.binuyonbuyot, ket nangalada iti maysa a bumalasang a kinayaw a naigapu iti Israel, ket nagserservi idi iti asawa ni Naaman.
3Ket isu kinunana ken ni apona a babai, Amangan coma no ni apoc adda iti mammadto, nga adda idiay Samaria! no casta #bil. 6, 7, 11.immimbag coma iti cucutelna.
4Ket maysa ti simrec, ken nangibaga ken ni apona, a kinunana, Castoy ken castoy ti kinuna ti balasang a taga daga ti Israel.
5Ket di ari ti Siria kinunana, Inca itatta, ket mangibaonacto iti maysa a surat iti ari ti Israel. Ket isu nagluas, #1 Sam. 9:7.ket nangicuyog kencuana iti sangapulo a talento a pirac, ken innem a ribu a capisi a balitoc, ken #bil. 22, 23. Oc. 14:12.sangapulo a cawes a pagpelles.
6Ket inyegna di surat iti ari ti Israel, a kinunana, Ket intono daytoy a surat dumteng kenca, adtoy, nga imbaonco kenca ni adipenco a Naaman, tapno paimbagem coma iti cucutelna.
7Ket naaramid, idi a ti ari ti Israel nabasana ti surat, #Gen. 44:13.pinigisna dagiti cawesna, ket kinunana, #Gen. 30:2. Deut. 32:39.Siac Diosac aya, a mangpapatay ken mangbiag coma, tapno paimbagec ti maysa a tao iti cucutelna? ngem agdawatac cadacayo, panunutenyo ket kitaenyo no casano ti panagsapulna iti ringgor a maibusor caniac.
8Ket casta idi, idi a ni Eliseo a lalaki ti Dios nangngegna a ti ari ti Israel pinigisna dagiti cawesna, a nagbaon iti ari, a kinunana, Ania ti gapuna aya a pinigismo dagiti cawesmo? isu bay-am coma nga umay caniac, ket ammoennanto nga adda mammadto iti Israel.
9Iti casta ni Naaman immay agraman cabcabayona ken luganna, ket nagsardeng iti ruangan ti balay ni Eliseo.
10Ket ni Eliseo nangibaon kencuana, a kinunana, #Juan 9:7.Inca ket agdigusca iti maminpito a daras idiay Jordan, ket ti lasagmo mabaliwanto kenca, ket nadaluscanto.
11Ngem ni Naaman naglucsaw, ket pimmanaw, a kinunana, Adtoy, a pinanpanunotco idi, Pudno nga isu rumuarto agingga caniac, ket agtacderto, ket umawagto iti nagan ni Jehova a Diosna, ket yaprusnanto ti imana iti rabaw ti disso, ket paimbagenna ti cucutel.
12Ti Abana ken ti Farfar a carcarayan ti #1 Ar. 11:24.Damasco, saanda aya a nasaysayaat ngem cadagiti isu-amin a dandanum ti Israel? diac mabalin aya ti agdigus cadacuada, ken madalusan? Iti casta nagsubli ken pimmanaw a silulucsaw.
13Ket dagiti tagabuna immasidegda ket nagsaoda kencuana, ket kinunada, #2 Ar. 6:21; 8:9.Amac, no ti mammadto binilinnaca a mangaramid iti maysa a dackel a banag, isu ti dica cayat coma a tungpalen? di nasaysayaat ngarud, idinto a cunana kenca, Agdigusca ken madalusanca?
14Idin simmalog, ket bimmatoc iti naminpito a daras idiay Jordan, cas mainugot iti sao di lalaki ti Dios; #bil. 10. Job 33:25.ket ti lasagna nabaliwan a cas lasag ti ubing a bassit, #Luc. 4:27.ket isu ti nadalus idi.
15Ket simmubli iti lalaki ti Dios, isu ken isu-amin ti buyotna, ket immay, ket nagtacder idi sangona, ket kinunana, #Dan. 2:47; 3:29; 6:26, 27.Adtoy ita, a maammoac, nga awan ti Dios iti isu-amin a daga, no di-laeng iti Israel: ita ngarud #Gen. 33:11.agdawatac kenca, a mangalaca iti sagut iti adipenmo.
16Ngem isu kinunana, Cas #1 Ar. 17:1.sibibiag ni Jehova, nga iti saclangna sitatacderac, a #Gen. 14:23.diacto umawat a pulos. Ket immud-od idi kencuana nga isu alaenna coma: ngem isu nagmadi.
17Ket ni Naaman kinunana, No saan, ngarud, agdawatac kenca, nga ipalubosmo coma a maited iti adipenmo ti daga nga awit dagiti dua a mulos; ta manipud ita ken iti masacbayan ti adipenmo dinto agidatag iti mapuuran a daton wenno sacrificio cadagiti sabsabali a didios, no di-laeng ken ni Jehova.
18Iti daydiay a banag ni Jehova pacawanenna ti adipenmo: nga intono ni apoc mapan iti balay ni Rimmon tapno agcararag idiay, ket #2 Ar. 7:2, 17.agsammaked iti imac, ket siac agrucnoyac idiay balay ni Rimmon, iti panagrucnoyco idiay balay ni Rimmon, iti daydiay a banag ni Jehova pacawanenna coma ti adipenmo.
19Ket isu kinunana kencuana, #1 Sam. 1:17.Inca a sitatalna. Iti casta pimmanaw kencuana iti adayu bassit.
20Ngem ni #2 Ar. 4:12.Giezi, a tagabu ni Eliseo a lalaki ti Dios, kinunana, Adtoy, a ni apoc inliclicna daytoy a Naaman a Sirio, iti dina panangawat cadagiti imana iti daydiay nga inyegna. Cas sibibiag ni Jehova, a siac tumarayacto a sumurot kencuana, ket alaecto kencuana ti dadduma.
21Iti casta ni Giezi sinurotna ni Naaman. Ket idi a ni Naaman nakitana iti maysa nga agtartaray iti licudanna, #Gen. 24:64.dimsaag idi lugan a sumabet, kencuana, a kinunana, Naimbag #2 Ar. 9:11.amin?
22Ket isu kinunana, Naimbag amin, ni apoc imbaonnac, a cunana, Adtoy, ita met laeng immayda caniac a naggapu iti #Jos. 24:33.caturodan ti Efraim dagiti dua a bumaro #2 Ar. 2:3.nga annac dagiti mammadto; agdawatac kenca, a mangtedca coma iti maysa a talento a pirac, ken dua a cawes a pagpelles.
23Ket ni Naaman kinunana, #2 Ar. 6:3.Maay-ayoca coma a mangala iti dua a talento. Ket isu inuyotanna, ket nangibungon iti dua a talento iti dua a supot, agraman dua a cawes a pagpelles, ket impabaclayna ida cadagiti dua a tagabuna; ket impanda ida iti una daydiay.
24Ket idi a dimteng iti turod, innalana ida iti imada, ket indulinna ida iti balay; ket pinalubosanna dagiti lallaki a napan, ket pimmanawda.
25Ngem isu simrec, ket nagtacder iti sango ni apona. Ket ni Eliseo kinunana kencuana, Sadino ti naggapuam, Giezi? Ket isu kinunana, Ti adipenmo saan a napan iti uray sadinoman.
26Ket isu kinunana kencuana, Saan aya a kimmuyog kenca ti pusoc, idi a di lalaki nagsubli a naggapu iti luganna a simmabet kenca? Isu ti tiempo ti panangawat iti pirac, ken panangawat cadagiti cawcawes, cadagiti inol-olivaan, cadagiti inuv-uvasan, cadagiti carcarnero ken cadagiti vacvaca, ken cadagiti ad-adipen a lallaki ken babbai?
27Gapuna a ti cucutel ni Naaman cumpetto kenca, ken iti putotmo iti agnanayon. Ket isu rimmuar a naggapu iti saclangna nga agcucutel #Ex. 4:6. 2 Ar. 15:5. a napudaw unay a casa iti nieve.
Currently Selected:
II AR-ARI 5: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
