II AR-ARI 4
4
Ti yaadu ti lana ti babai a balo. Ni Eliseo ken ti babai a Sunamita; pagungarenna ti natay nga anac a lalaki ti Sunamita. Ti nasabidong a sida. Ti yaadu dagiti tintinapay ken mais.
1Ket maysa a babai cadagiti asawa dagiti #2 Ar. 2:3.annac dagiti mammadto immasug idi ken ni Eliseo, a kinunana, Ni adipenmo nga asawac natay: ket sica pagaammom a di adipenmo managbutbuteng idi ken ni Jehova: ket immay ti nacapautang tapno #Lev. 25:39, 41. Neh. 5:5. Mat. 18:25.alaenna a maipaay kencuana dagiti dua nga annacco tapno isuda dagiti tagabu.
2Ket ni Eliseo kinunana kencuana, Anianto aya ti aramidec kenca? ipalawagmo caniac; ania ti adda kenca idiay balaymo? Ket isu kinunana, Ti adipenmo awanan iti aniaman iti balay, malacsid laeng ti sangadongdong a lana.
3Ket isu kinunana kencuana, Inca, ket bumulodca cadagiti burnay iti ruar cadagiti caarrubam, burburnay nga awan nagyan, bumulodca iti nawadwad.
4Ket sumreccanto, ket ripcamto ti ruangan kenca, ken cadagiti annacmo, ket ibucbocmo ti Lana isu-amin cadagidiay a burnay; ket ilasinmonto daydiay a napno.
5Ket iti casta di babai pimmanaw kencuana, ket rinipcanna di ruangan kencuana ken cadagiti annacna; ket isuda inyegda kencuana dagiti burnay, ket isu nagibucbuc.
6Ket naaramid, idi a dagiti burburnay napnoda, nga isu kinunana iti anacna, Yegandac pay iti dadduma a burnay. Ket isu kinunana kencuana, Awanen ti burnay. Ket ti lana nagpatingga.
7Idin isu immay ket imbagana #Oc. 13:6. 1 Ar. 17:16.idi lalaki ti Dios, ket isu kinunana, Inca, ilacom ti lana, ket agbayadca iti utangmo, ket sica ken dagiti annacmo agbiagcayo iti matda.
8Ket napasamac iti naminsan nga aldaw, a ni Eliseo immallatiw idiay #Jos. 19:18.Sunem, isu a yan ti maysa a babai a #1 Sam. 25:2. 2 Sam. 19:32.natan-oc, a nangipapilit kencuana a nangan iti tinapay. Ket casta idi, iti masansan nga ilalabasna, dumagas idiay a mangan iti tinapay.
9Ket isu kinunana iti asawana a lalaki, Adtoy ita, a maawatac a daytoy, a cancanayon a dumagas iti balayta, isu ti maysa a nasantoan a lalaki ti Dios.
10Agdawatac kenca, nga agaramidta coma iti sagumbi idiay diding, ket idiay mangicabilta coma ti maipaay kencuana iti idda, ken lamesaan, ken tugaw, ken candelero: ket castoyto, nga intono umay cadata, nga agdagasto idiay a lugar.
11Ket napasamac iti naminsan nga aldaw, nga immay sadiay, ket dimmagas iti sagumbi ket nagyan idiay.
12Ket kinunana ken Giezi a tagabuna, Ayabam daytoy a Sunamita. Ket idi nga isu inayabanna, di babai nagtacder iti saclangna.
13Ket isu kinunana kencuana, Saoem ita kencuana, Adtoy, sica ti naaluad unay cadacami iti isu-amin daytoy a panagaluad; ania ti maaramidto nga agpaay kenca? cayatmo a sica maisaoca iti ari, wenno iti #2 Sam. 19:13.capitan ti buyot? Ket isu simmungbat, Siac agnaedac iti tengnga ti cailiac met laeng.
14Ket isu kinunana, Anianto ngarud ti maaramid a maipaay kencuana? Ket ni Giezi simmungbat, Pudno nga isu awanan iti anac, ket ni asawana lacay.
15Ket isu kinunana, Isu ayabam. Ket idi nga isu inayabanna, di babai nagtacder iti ruangan.
16Ket isu kinunana, #Gen. 18:14.Iti daytoy a #bil. 17. Gen. 17:21.tiempo, intono ti tiempo agbaliw, umaracopcanto iti maysa nga anac a lalaki. Ket isu kinunana, Saan, apoc, sica ti lalaki ti Dios, #bil. 28.dica agulbod iti adipenmo.
17Ket di babai nagsicog, ken nangipasngay iti maysa nga anac a lalaki iti daydi a tiempo, idi a ti tiempo nagbaliw, cas kinunana ni Eliseo kencuana.
18Ket idi a di ubing dimmackel, naaramid idi iti naminsan nga aldaw nga nakipagruar ken amana a mapan cadagiti agani.
19Ket kinunana ken amana, #Sal. 121:6.Ti oloc, ti oloc. Ket isu kinunana iti adipen, Isu ipanmo ken inana.
20Ket idi nga isu innalana, ken inyegna ken ni inana, nagtugaw cadagiti tumtumengna inggana iti matoon, ket idin natay.
21Ket isu immuli ket isu ti impaiddana iti #bil. 10, 32.rabaw ti idda ti lalaki ti Dios, ket rinepcanna, kencuana di ruangan, ket rimmuar.
22Ket inayabanna ni asawana a lalaki, ket kinunana, Agdawatac kenca, nga ibaonmo coma caniac ti maysa cadagiti adipen, ken maysa cadagiti asno, tapno innac coma nga agtaray iti lalaki ti Dios, ket sumubliac manen.
23Ket isu kinunana, Ania ti gapuna nga incanto kencuana iti daytoy nga aldaw? saan a #Num. 28:11.lutuad wenno aldaw ti panaginana. Ket isu kinunana, #bil. 26.Naimbagto.
24Idin di babai sinillaanna di asno, ket kinunana iti adipenna, Agabugca, ket magnaca: ket dinac paginayaden iti panagsacsacayco, malacsid no ibilinco kenca.
25Iti casta napan, ket immay iti lalaki ti Dios #2 Ar. 2:25.idiay bantay Carmelo. Ket naaramid, idi a di lalaki ti Dios isu ti nakitana iti adayu, a kinunana idi tagabuna a Giezi, Adtoy, adda idiay ti Sunamita:
26Agdawatac kenca, tumarayca ita a sumabet kencuana, ket cunaem kencuana, Adda imbag kenca? adda imbag ken asawam? adda imbag iti ubing? Ket di babai simmungbat, Naimbag.
27Ket idi nga isu dimteng iti lalaki ti Dios idiay #bil. 25.turod, #Mat. 28:9.kimpet cadagiti sacsacana. Ket ni Giezi immasideg a mangiccat kencuana: ngem ti lalaki ti Dios kinunana, Isu bay-am: ta ti cararuana isu naladingit unay iti unegna, ket ni Jehova inlimedna caniac, ket isu ti dina imbaga caniac.
28Idin di babai kinunana, Nagcalicagumac aya idi iti anac ken apoc? #bil. 16.diac aya kinuna idi, Dinac ulboden?
29Idin kinunana ken ni Giezi, #1 Ar. 18:46.Baricsam dagita lomom, ket iggamam ti sarucodco, ket inca iti dalanmo: no macasaracca iti siasinoman a tao, #Luc. 10:4.dica agcablaaw coma kencuana; ket no uray asinoman ti agcablaaw coma kenca, isu dicanto sungbatan manen: ket #D. Ara. 19:12.ipaiddam ti sarucodco iti rabaw ti rupa ti ubing.
30Ket ti ina di ubing kinunana, Cas #2 Ar. 2:2.sibibiag ni Jehova, ken cas sibibiag ta cararuam, a dicanto panawan. Ket ni Eliseo timmacder, ket simmurot kencuana.
31Ket ni Giezi napan idi unada, ket impaiddana di sarucod idi rabaw ti rupa di ubing; ngem awan idi ti timec, uray no panagdengngeg. Gapuna a nagsubli a simmabet ken ni Eliseo, ket imbagana kencuana, a kinuna, #Juan 11:11.Ti ubing saan a nariing.
32Ket idi a ni Eliseo dimteng iti balay, adtoy, di ubing adda a natay, ken naipaidda idi iddana.
33Gapuna a simrec, ket #bil. 4. Mat. 6:6; 9:25. Mar. 5:37, 40. Luc. 8:51.rinipcanna di ruangan cadacuada a dua, ket kimmararag ken ni Jehova.
34Ket immuli, #1 Ar. 17:20, 21.ket nagpacleb iti rabaw ti ubing, insaadna di ngiwatna iti rabaw ti ngiwatna, ket dagiti matana iti rabaw dagiti matana, ket dagiti imana iti rabaw dagiti imana: #1 Ar. 17:21. D. Ara. 20:10.ket nagunnat iti rabaw daydiay; ket ti lasag ti ubing pimmudot.
35Sana binaliwan, ket nagna iti naminsan iti balay sa nagsubli; ket immuli, ket immunnat iti rabawna: ket di ubing nagbaen iti naminpito a daras, ket ti ubing linuctanna dagiti matana.
36Ket inayabanna ni Giezi, ket kinunana, Ayabam daytay Sunamita. Iti casta isu ti inayabanna. Ket idi a di babai nayeg kencuana, isu kinunana kencuana, Alaem ti anacmo.
37Idin di babai simrec, nagpasag cadagiti sacana, ket nagrucnoy iti daga, #1 Ar. 17:23. 2 Ar. 8:1, 5. Heb. 11:35.ket innalana di anacna, ket rimmuar.
38 #
2 Ar. 2:1, 3; 8:1. Ket ni Eliseo immay manen iti Gilgal. Ket adda idi dackel a kirang iti daga; #bil. 1. 2 Ar. 2:3.ket dagiti annac dagiti mammadto #2 Ar. 2:3, 5. Luc. 10:39. D. Ara. 22:3.situtugawda idi iti sangona: ket kinunana idi tagabuna, Mangicabilca iti maysa a dongdong, ket manglutoca iti sidaen nga agpaay cadagiti annac dagiti mammadto.
39Ket rimmuar ti maysa a nagpaaway tapno mangurnong cadagiti natnateng, ket nacasarac iti lanut nga atap, ket nangurnong iti daydi cadagiti tabungaw nga atap a napno di sab-ocna, ket immay, ket pinispisina ida idi uneg ti dongdong ti sidaen: a dida nabigbig ida.
40Iti casta imbucbocda nga agpaay cadagiti lallaki a canenda. Ket naaramid, idi a manganda iti sidaen, imkisda, a kinunada, O lalaki ti Dios, adda patay iti uneg ti dongdong. Ket dida nabalin ti nangan iti daydiay.
41Ngem isu kinunana, Mangyegcayo ngarud iti bel-laay. Ket isu ti #2 Ar. 2:21.inwarakiwacna iti dongdong; ket kinunana, Ibucbocmo nga agpaay cadagiti tattao, tapno manganda coma. Ket awanen ti peggad idi dongdong.
42Ket maysa a lalaki dimteng a naggapu iti #1 Sam. 9:4, 7.Baal-salisa, ket nangyeg iti lalaki ti Dios cadagiti tintinapay ti umuna a bunga, duapulo a tinapay a cebada, #Lev. 2:14.ken naganus a bunga ti mais iti supotna. Ket isu kinunana, #Mat. 14:16-21; 15:32-38. Mar. 8:4-9. Juan 6:5-13.Itedmo cadagiti tattao tapno mabalinda a canen.
43Ket ti #2 Ar. 6:15.tagabu kinunana, Ania, idayac coma daytoy iti sango dagiti sangagasut a lallaki? Ngem isu kinunana, Itedmo cadagiti tattao, tapno canenda; ta ni Jehova kinunana ti castoy, Canendanto, ket addantopay.
44Iti casta isu ti indayana iti sangoda ket nanganda ket adda natdada iti daydi, a cas mayalubog iti sao ni Jehova.
Currently Selected:
II AR-ARI 4: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
