II AR-ARI 3
3
Ni Joram agari iti Israel. Ti yaalsa ni Mesa. Ti panagnomo ti Israel ken ti Juda. Ti patigmaan ni Eliseo. Ti pannacaabac ni Mesa.
1Ket ni Joram nga anac ni Acab nangrugi a nagari iti Israel idiay Samaria iti tawen a maicasangapulo ket walo ni Josafat nga ari iti Juda, ket nagari iti sangapulo ket dua a tawen.
2Ket inaramidna daydi a dakes iti imatang ni Jehova, nupay no #1 Ar. 16:31, 32.saan a cas idi amana, ken cas idi inana; ta iniccatna #2 Ar. 10:26.ti monmon ni Baal, nga inaramid idi ni amana.
3Nupay casta nadecket #1 Ar. 12:28, 31, 32.cadagiti basbasol ni Jeroboam nga anac ni Nabat, a pinamagbasolna iti Israel; ket saan a simmina cadacuada.
4Ket ni Mesa nga ari ti Moab agtagicua idi iti arban ti carnero; ket agbaybayad idi iti ari ti Israel iti dutdut dagiti sangagasut a ribu nga urbon a carcarnero, ken sangagasut a ribu a lallaki a carcarnero.
5Ngem naaramid, idi a #2 Ar. 1:1.natay ni Acab, nga ti ari ti Moab immalsa a maibusor iti ari ti Israel.
6Ket ni ari Joram rimmuar sadi Samaria iti daydi a tiempo, ket inurnongna amin nga Israel.
7Ket napan ket nagbaon ken ni Josafat nga ari ti Juda, a kinunana, Ti ari ti Moab immalsa a maibusor caniac: makicuyogcanto caniac a mapan iti gubat a maibusor iti Moab? Ket isu simmungbat, Sumang-atacto: #1 Ar. 22:4.siac caslaac la kenca, ti ilic cas la iti ilim, dagiti cabcabayoc casda la cadagiti cabcabayom.
8Ket kinunana, Iti ania a dalan ti sang-atantayto? Ket simmungbat, Iti dalan ti let-ang ti Edom.
9Iti casta ti ari ti Israel napan, ken ti ari ti Juda, ken ti ari ti Edom; ket isuda nagaramidda iti maysa a panaglicmut bayat iti pito nga aldaw a pannagna, ket awan idi ti danum nga agpaay iti buyot, uray agpaay cadagiti an-animal a naicuyog cadacuada.
10Ket ti ari ti Israel kinunana, Ay! ta ni Jehova inayabanna a sangsangcacuyog dagitoy tallo nga ari tapno yawatna ida iti ima ti Moab.
11Ngem ni #1 Ar. 22:7.Josafat kinunana, Awan aya ditoy ti maysa a mammadto ni Jehova, tapno umumantayo coma ken ni Jehova gapu kencuana? Ket maysa cadagiti ad-adipen ti ari ti Israel simmungbat, ket kinunana, Ditoy adda ni Eliseo, nga anac ni Safat, a #1 Ar. 19:21.nangibucboc iti danum cadagiti ima ni Elias.
12Ket ni Josafat kinunana. Ti sao ni Jehova adda kencuana. Iti casta ti ari ti Israel ken ni Josafat ken ti ari ti Edom simmalogda a napan kencuana.
13Ket ni Eliseo kinunana iti ari ti Israel, #2 Sam. 16:10.Ania ti bibiangco kenca? #Eze. 14:3.Gumun-odca cadagiti mammadles di amam, ken dagiti #1 Ar. 18:19.mammadles di inam. Ket ti ari ti Israel simmungbat kencuana, Saan: ta ni Jehova inayabanna a sangsangcacuyog dagitoy tallo nga ari tapno yawatna ida iti ima ti Moab.
14Ket ni Eliseo kinunana, Cas #1 Ar. 17:1.sibibiag ni Jehova dagiti buybuyot, isu a ti saclangna sitatacderac, pudno, a no saan idi a ti panangipategco iti saclang ni Josafat nga ari ti Juda, diac cumita coma kenca, dica kitaen coma.
15Ngem ita yegandac iti maysa a #1 Sam. 10:5, 6.tumotocar. Ket naaramid nga idi a ti tumotocar nagtoctocar, a #1 Ar. 18:46. Eze. 1:3; 3:14, 22; 8:1; 37:1; 40:1.ti ima ni Jehova immay iti rabawna.
16Ket kinunana, Castoy ti cuna ni Jehova, Aramidenyo daytoy a lobong a mapno cadagiti papaayas.
17Ta ni Jehova cunana iti castoy, Dicayto makita ti angin, dicayto macakita ti tudo; nupay casta ti lobong mapnonto iti danum, ket uminumcayto, dacayo ken dagiti vacvacayo ken dagiti an-animalyo.
18Ket daytoy isu ti maysa a banag a nalaca iti imatang ni Jehova: yawatnanto met dagiti Moabitas cadagita im-imayo.
19Ket cabilenyonto amin dagiti il-ili a nasarikedkedan, ken isu-amin dagiti il-ili a napili, ken tuangenyonto ti tunggal nasayaat a cayo, ken pagsardengenyonto dagiti amin nga ub-ubbog ti danum, ken #bil. 25.dadaelenyonto ti tunggal nasayaat a paset ti daga cadagiti batbato.
20Ket naaramid, nga iti bigat, idi a #Ex. 29:39, 40. 1 Ar. 18:29, 36.dandani ti tiempo ti pannacaidatag ti daton, adtoy, dimteng ti danum iti dalan ti Edom, ket ti daga napno iti danum.
21Ket idi nga isu-amin dagiti Moabitas nangngegda a dagiti ar-ari simmang-atda a makigubat cadacuada, naguommongda, isu-amin dagiti macabalin a mangicapet iti cabal, ken agpangato, ket nagtacderda iti nagbebeddengan.
22Ket bimmangonda a nasapa iti bigat, ket ti init naglawag iti rabaw dagiti dandanum, ket dagiti Moabitas, nakitada dagiti dandanum iti sangoananda a nalabaga unay a cas la dara:
23Ket kinunada, Daytoy dara; dagiti ar-ari pudno a madadaelda ket kinabil ti tunggal lalaki ti caduana: gapuna itatta, Moab, Incayo agsamsam.
24Ket idi a dimtengda iti pacarso ti Israel, dagiti Israelitas timmacderda ket kinabilda dagiti Moabitas, iti casta a nagtalawda iti saclangda; ket simmunsunda a naglayon iti daga a cabcabilenda dagiti Moabitas.
25Ket dinupracda dagiti il-ili; ket cadagiti tunggal paset ti nasayaat a #bil. 19.daga impurruac ti tunggal maysa di batona, ket pinusecda ida, ken pinasardengda amin dagiti ub-ubbog dagiti dandanum, ket tinuangda amin dagiti nasayaat a caycayo, inggana sadi #Isa. 16:7, 11. Jer. 48:31, 36.Kir-hareset isuna laeng a linabasanda dagiti batbatona; nupay casta dagiti pallatibongan isu ti linawlawda, ket kinabilda.
26Ket idi a ti ari ti Moab nakitana a ti gubat nacaro unay kencuana, nangala iti pito gasut a lallaki a nagtagicampilan, tapno sumaranget agingga iti ari ti Edom, ngem dida nabalinan.
27Idin innalana di anacna nga inauna nga agari coma iti saadna, ket isu ti indatagna a maipaay a mapuuran a daton iti rabaw ti bacud. Ket adda idi dackel a pungtot a maibusor iti Israel: ket isu pinanawanda, ket nagsublida iti dagada met laeng.
Currently Selected:
II AR-ARI 3: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
