II AR-ARI 2
2
Ni Elias maingato sadi langit. Ti espirituna agsaad ken Eliseo. Ni Eliseo agasanna dagiti dandanum idiay Jerico. Isu marabrabac.
1Ket naaramid, idi a kinayat ni Jehova nga inngato ni Elias iti alawig sadi langit, a ni Elias napan a caduana ni #1 Ar. 19:21.Eliseo a naggapu iti #2 Ar. 4:38. Jos. 5:9.Gilgal.
2Ket ni Elias kinunana ken ni Eliseo, Agdawatac kenca, agurayca ditoy: ta ni Jehova imbaonnac agingga iti #Jos. 16:2.Bet-el. Ket ni Eliseo kinunana, Cas #1 Sam. 20:3.sibibiag ni Jehova, ken cas sibibiag ta cararuam, a dicanto baybay-an. Iti casta simmalogda iti Bet-el.
3Ket dagiti #1 Sam. 10:10; 19:20. 2 Ar. 4:1, 38; 5:22; 6:1; 9:1. 1 Ar. 20:35.annac dagiti mammadto nga addada idi sadi Bet-el rimmuarda ken Eliseo, a kinunada kencuana, Ammom a ni Jehova iccatennanto iti daytoy nga aldaw ni apom ita olom? Ket isu kinunana, Wen, ammoc; agtalnacayo.
4Ket ni Elias kinunana kencuana, Eliseo, Agdawatac kenca, agurayca ditoy: ta ni Jehova imbaonnac idiay #1 Ar. 16:34.Jerico. Ket isu kinunana kencuana, Cas sibibiag ni Jehova, ken cas sibibiag ta cararuam, a dicanto baybay-an. Iti casta dimtengda iti Jerico.
5Ket dagiti annac dagiti mammadto nga addada idi idiay Jerico immasidegda ken ni Eliseo, ket kinunada kencuana, Ammom a ni Jehova iccatenna iti daytoy nga aldaw ni apom ita olom? Ket isu simmungbat, Wen, ammoc; agtalnacayo.
6Ket ni Elias kinunana kencuana, Agdawatac kenca, agurayca ditoy: ta ni Jehova imbaonnac idiay Jordan. Ket isu kinunana, Cas sibibiag ni Jehova, ken cas sibibiag ta cararuam, a dicanto baybay-an. Ket isuda a dua napanda.
7Ket limapulo a lallaki cadagiti annac dagiti mammadto immayda, ket nagtacderda iti sangoananda iti adayu: ket isuda a dua nagtacderda iti igid ti Jordan.
8Ket ni Elias innalana di #1 Ar. 19:19.cagayna, ken kinupinna, ket inablatanna dagiti danum, ket #Ex. 14:21.nagbingayda ditoy ken idiay, iti casta nga isuda a dua nagballasiwda iti namaga a daga.
9Ket naaramid, idi a nacaballasiwda, ni Elias kinunana ken ni Eliseo, Dawatem no ania ti aramidecto a maipaay kenca, iti sacbay a maiccatac kenca. Ket ni Eliseo kinunana, Agdawatac kenca a ti mamindua a capaset ta espiritum maaddada coma caniac.
10Ket isu kinunana kencuana, Nagdawatca iti narigat a banag: nupay casta, no masiputannac intono maiccatac kenca, maaddanto ti casta kenca: ngem no saan, saanto a casta.
11Ket naaramid, idi a magmagnada pay laeng, ken agsarsaritada, nga, adtoy, nagparang ti #2 Ar. 6:17. Sal. 104:4.maysa a lugan nga apuy agraman cabcabayo nga apuy, a namagsina cadacuada a dua, ket ni Elias immuli sadi langit iti maysa nga alawig.
12Ket nakita ni Eliseo, ket inyickisna, #2 Ar. 13:14.Amac, amac, dagiti luglugan ti Israel ken dagiti lallakina nga agcacabayo! Ket uray caano isu ti dina nakitan: ket kinapetna dagiti cawesna, ket pinigisna ida a pinagcadua capigis.
13Ket pinidutna met di cagay ni Elias a natinnag nanipud kencuana, ket nagsubli, ket nagsardeng iti igid ti Jordan.
14Ket innalana di cagay ni Elias, a natinnag nanipud kencuana, ket inablatanna dagiti danum, ket kinunana, Sadino ti yan ni Jehova, a Dios ni Elias? ket idi nga inablatanna met dagiti danum #bil. 8.nabisngayda ditoy ken idiay; ket ni Eliseo nagballasiw.
15Ket idi a dagiti annac dagiti mammadto #bil. 7.nga addada idiay Jerico iti masangoananna isu ti makitada, kinunada, Ti Espiritu ni Elias agtalinaed ken ni Eliseo, ket immayda a simmabet kencuana, ket nagrucnoyda iti daga iti saclangna.
16Ket kinunada kencuana, Adtoy ita, nga adda limapulo a lallaki a napigsa cadagiti ad-adipenmo; dawatenmi kenca, a palubusam coma ida a mapan, ket birukenda coma ni apom, #1 Ar. 18:12.di la ket ta ti Espiritu ni Jehova isu ti inngatona ket isu ti impurruacna iti maysa a bantay, wenno iti maysa a lobong. Ket isu kinunana cadacuada, Dicayo mangibabaon coma.
17Ngem isu inuyotanda inggana iti isu nabainan, isu kinunana, Agbaoncayo. Isuda nangibaonda iti limapulo a lallaki; ket nagbirucda bayat iti tallo nga aldaw, ngem isu dida natumpungan.
18Ket simmublida kencuana, iti bayat ti panagbatina idiay Jerico, ket kinunana cadacuada, Diac aya kinuna idi cadacayo, Dicayo mapmapan?
19Ket dagiti lallaki ti ili kinunada ken ni Eliseo, Adtoy, agdawatcami kenca, a ti casasaad ti ili isu ti nacaay-ayo, a cas makita ni apoc: ngem ti danum isu ti dakes, ken ti daga nakebbetan.
20Ket isu kinunana, Yegandac iti maysa a putic a baro, ket mangicabilcayo kencuana iti asin. Ket isu ti inyegda kencuana.
21Ket isu napan iti #Ex. 15:25. Juan 9:6.ubbog dagiti dandanum, ket intinnagna ti asin kencuana, ket kinunana, Castoy ti cuna ni Jehova, Inagasac dagitoy a dandanum; manipud idiay awanton uray caano ni patay wenno kebbet.
22Iti casta dagiti dandanum immimbagda agingga iti daytoy nga aldaw, a cas mayalubog iti sao nga insao ni Eliseo.
23Ket naggapu sadiay simmang-at agingga iti Bet-el; ket idi a sumangsang-at iti dalan, rimmuar dagiti ubbing a lallaki a naggapu iti ili, ket isu ti rinabrabacda, ket kinunada kencuana, Sumang-atca, calvo: sumang-atca, calvo.
24Ket isu timmaliaw ket nakitana ida, ket #Neh. 13:25.inlunodna ida iti nagan ni Jehova. Ket dua nga oso a cabaeyan rimmuarda iti bakir, ket pinisangpisangda ti uppat a pulo ket dua nga ubbing cadacuada.
25Nanipud sadiay napan iti bantay Carmelo, ket nanipud sadiay simmubli iti Samaria.
Currently Selected:
II AR-ARI 2: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
