II AR-ARI 1

Ni Ocozias agbaon ken Elias, ket matay a mayannurot iti sao ni Elias. Ni Joram ti sonona.

1Ket ti Moab #1 Ar. 3:5. 2 Sam. 8:2.immalsa a maibusor iti Israel iti calpasan ti ipapatay ni Acab.

2Ket ni Ocozias natnag cadagiti rejas ti nangatngato a siledna nga adda idi sadi Samaria, ket nagsakit: ket nagbaon cadagiti babaonen, ket kinunana cadacuada, Incayo, ket umumancayo ken ni Baal-zebub, a dios ti #Jos. 15:11.Ecron, no umimbagacto iti daytoy a nasakit.

3Ngem ti angel ni Jehova kinunana ken ni Elias a #1 Ar. 21:17.Tisbita, Tumacderca, ket sumang-atca a sumabet cadagiti babaonen ti ari ti Samaria, ket cunaem cadacuada, Agsipud aya ta awan ti Dios iti Israel, nga dacayo incayo umuman ken ni Baal-zebub a dios ti Ecron?

4Gapuna ita a castoy ti cuna ni Jehova, Dicanto dumsaag iti idda a pacayuliam, no di ket sica mataycanto a di bumurong. Ket ni Elias pimmanaw.

5Ket dagiti nabaon simmublida kencuana, ket isu kinunana cadacuada, Ania ti gapuna a nagsublicayo?

6Ket isuda kinunada kencuana, Simmang-at ti maysa a lalaki a nangsabet cadacami, ket kinunana cadacami, Incayo, ket agsublicayo iti ari a nangibaon cadacayo, ket cunaenyo kencuana, Castoy ti cuna ni Jehova, Agsipud aya ta awan ti Dios iti Israel, a sica agbaonca ti umuman ken ni Baal-zebub a dios ti Ecron? Gapuna a sica dicanto dumsaag iti idda a pacayuliam, no di ket sica mataycanto a di bumurong.

7Ket isu kinunana cadacuada, Ania a kita ti tao daydi nga simmang-at a simmabet cadacayo, ken nangibaga cadacayo cadagitoy a balbalicas?

8Ket isuda simmungbatda kencuana, Isu idi ti maysa a lalaki a #Zac. 13:4. Mat. 3:4. Mar. 1:6.muldotan, ket nagbarikes iti barikes a lalat iti aglicmut cadagiti lomona. Ket isu kinunana, Isu ni Elias a Tisbita.

9Idin ti ari nangibaon kencuana iti maysa a capitan ti limapulo a tattao agraman limapulona. Ket simmang-at a napan kencuana: ket, adtoy nga isu adda idi a situtugaw iti tapaw ti turod. Ket isu kinunana kencuana, #Oc. 13:6.O lalaki ti Dios, ti ari kinunana, Sumalogca.

10Ket ni Elias simmungbat ket kinunana iti capitan ti limapulo, No siac maysaac a lalaki ti Dios, #Luc. 9:54.Umulog coma ti apuy nga aggapu iti langit, ket runawennaca agraman limapulom. Ket immulog ti apuy a naggapu iti langit, a nangrunaw kencuana agraman iti limapulona.

11Ket isu nagbaon manen kencuana iti sabali a capitan ti limapulo agraman limapulona. Ket isu simmungbat ket kinunana kencuana, O lalaki ti Dios, ti ari kinunana ti castoy, Sumalogca a masingdat.

12Ket ni Elias simmungbat ket kinunana cadacuada, No siac maysaac a lalaki ti Dios, Umulog coma ti #Job 1:16.apuy nga aggapu iti langit, ket runawennaca ken ti limapulom. Ket ti apuy ti Dios immulog a naggapu iti langit, ket isu rinunawna ken ti limapulona.

13Ket imbaonna manen ti capitan ti maicatlo a limapulo agraman limapulona. Ket ti maicatlo a capitan ti limapulo simmang-at, ket immay ket nagparintumeng iti sango ni Elias, ket nagdawat kencuana, ket kinunana, O lalaki ti Dios, agdawatac kenca, ipaaymo coma a ti biagco, ken ti biag dagitoy limapulo nga ad-adipenmo, #1 Sam. 26:21. Sal. 72:14.maipategda coma ita saclangmo.

14Adtoy, a ti apuy immulog a naggapu iti langit, ket, rinunawna dagidi immununa a dua a capitan dagiti limapulo agraman limapuloda; ngem ita ipaaymo coma a maipateg ti biagco iti saclangmo.

15Ket ti angel ni Jehova kinunana ken Elias, Makipagsalogca kencuana: dica agbuteng kencuana. Ket isu timmacder, ket nakipagsalog kencuana agingga iti ari.

16Ket isu kinunana kencuana, Castoy ti cuna ni Jehova, Agsipud ta nangibaonca cadagiti babaonen nga immuman ken ni Baal-zebub a dios ti Ecron, gapu aya ta awan ti Dios iti Israel nga umumanam iti saona? gapuna a dicanto dumsaag iti idda a pacayuliam, no di ket sica mataycanto a di-bumurong.

17Iti casta natay a mayannurot iti sao ni Jehova nga insao ni Elias. Ket ni #1 Ar. 8:16. 2 Cron. 21:3.Joram nangrugi a nagari iti saadna iti maicadua a tawen ni Joram nga anac ni Josafat nga ari ti Juda; agsipud ta isu awan idi ti anacna a lalaki.

18Ket ti matda cadagiti ar-aramid ni Ocozias nga inaramidna, saan aya a naisurat iti libro dagiti cronicas dagiti ar-ari ti Israel?

Currently Selected:

II AR-ARI 1: TB1973

Highlight

Copy