II AR-ARI 6

Ni Eliseo pagtapawenna ti olo ti wasay. Dagiti Sirios sapulenda ni Eliseo ket macabilda iti kinabulsec. Dagiti Sirios lacubenda ti Samaria, ket dagiti Israelitas agsagabada iti nacaro a bisin.

1Dagiti #2 Ar. 2:3.annac dagiti mammadto kinunada ken ni Eliseo, Adtoy ita, ti lugar a pagnaedanmi iti sangoanam nailet cadacami.

2Agdawatcami kenca, palubosannacami coma a mapan, iti Jordan, ket mangalacami coma sadiay ti tunggal maysa iti maysa a troso, ket agaramidcami sadiay iti maysa a disso, a pagnaedanmi. Ket isu simmungbat, Incayo.

3Ket kinuna di maysa, Agdawatcami kenca, maay-ayoca coma a cumuyog cadagiti ad-adipenmo. Ket isu simmungbat, Cumuyogacto.

4Iti casta kimmuyog cadacuada. Ket idi a dimtengda iti Jordan, pinucanda di cayo.

5Ngem idi a ti maysa tutuangenna ti maysa a troso, ti olo di wasay natnag iti danum; ket nagickis, ket kinunana, Ay apoc! gapu ta binulod.

6Ket ti lalaki ti Dios kinunana, Sadino ti nacatnaganna? Ket isu impakitana kencuana ti disso. #2 Ar. 2:21.Ket isu nangputed iti maysa a ruting, ket isu ti impurruacna idiay, ket pinatapawna di landoc.

7Ket isu kinunana kencuana, Isu alaem kenca. Iti casta isu inyunnatna di imana, ket isu ti innalana.

8Ti ari ti Siria manggubat idi a maibusor iti Israel; ket immuman cadagiti ad-adipenna, a kinunana, Iti castoy ken castoy a disso ti pagpacarsoac.

9Ket ti lalaki ti Dios nagbaon iti ari ti Israel, a kinunana, Agannadca a dica coma lumasat iti castoy a disso; ta dagiti Sirios agsalogda idiay.

10Ket ti ari ti Israel nagbaon idiay a disso nga imbaga di lalaki ti Dios kencuana ken pinaisaganana; ket inyaluadda ti bagina met laeng sadiay, saan a maminsan laeng wenno namindua.

11Ket ti puso ti ari ti Siria nariribuc unay a gapu iti daytoy a banag: ket inayabanna dagiti ad-adipenna, ket kinunana cadacuada, Saanyonto nga ipalgac caniac, no siasino cadatayo ti agpaay iti ari ti Israel?

12Ket maysa cadagiti ad-adipenna kinunana, Awan O ari, nga apoc; no di ket ni mammadto nga Eliseo adda idiay Israel, isu ibagana iti ari ti Israel dagti sasao a saoem iti pagturogam.

13Ket isu kinunana, Incayo ket kitaenyo no sadino ti yanna, tapno mangibaonac coma ket isu paalac. Ket naibaga kencuana, a nacuna, Adtoy, isu adda idiay #Gen. 37:17.Dotain.

14Gapuna a nangibaon sadiay cadagiti cabcabayo, ken luglugan, ken maysa a dackel a buyot, nga immayda iti rabii, ket linacubda ti ili.

15Ket idi a bimmangon a nasapa di #2 Ar. 4:43.tagabu ti lalaki ti Dios, ket rimmuar, adtoy, ti buyot agraman cabcabayo ken luglugan nailacubda iti ili. Ket di tagabuna kinunana kencuana, Ay, apoc! casanonto ti aramidentayo?

16Ket isu simmungbat, Dica agbuteng: ta #2 Cron. 32:7. Sal. 55:18.ad-aduda dagiti adda cadatayo ngem cadagiti adda cadacuada.

17Ket ni Eliseo nagcararag, ket kinunana, Agdawatac kenca, O Jehova, a luctam coma dagiti matana, tapno makitana coma. Ket ni Jehova linuctanna dagiti mata di agtutubo a lalaki; ket kimmita: ket, adtoy, a di bantay a napno cadagiti cabcabayo, #2 Ar. 2:11. Sal. 34:7. Zac. 1:8; 6:1-7.ken luglugan nga apuy iti aglicmut ken Eliseo.

18Ket idi nga isuda simmalogda kencuana, ni Eliseo nagcararag ken ni Jehova, ket kinunana, Agdawatac kenca, a cabilem coma dagitoy a tattao iti panagbulsec. #Gen. 19:11.Ket kinabilna ida iti panagbulsec a mayalubog iti sao ni Eliseo.

19Ket ni Eliseo kinunana cadacuada, Saan a daytoy ti dalan, saan a daytoy ti ili: sumurotcayo caniac, ket yegcayto iti lalaki a birukenyo. Ket indalanna ida agingga iti Samaria.

20Ket naaramid, idi a dimtengda iti Samaria, a ni Eliseo kinunana, Jehova, luctam dagiti matmata dagitoy a lallaki, tapno macakitada coma. Ket ni Jehova linuctanna dagiti matmatada, ket kimmitada; ket adtoy, nga isuda addada idi iti tengnga ti Samaria.

21Ket ti ari ti Israel kinunana ken ni Eliseo, idi a nakitana ida, Cabilecto ida, #2 Ar. 8:9.amac? cabilecto ida?

22Ket isu simmungbat, Dicanto cabilen ida: cabilem aya dagidiay nga innalam a kinayawan iti campilanmo ken iti ba-im? #Rom. 12:20.mangicabilca iti sangoda iti tinapay ken danum, tapno manganda ken uminumda coma, ken mapanda ken ni apoda.

23Ket isu nangisagana iti adu a canen a maipaay cadacuada; ket idi a nacacaanda ken nacainumda, pinapanawna ida, ket napanda ken ni apoda, ket dagiti #2 Ar. 5:2; 13:20; 24:2. 2 Cron. 22:1.buybuyot ti Siria saanda a simmublin iti daga ti Israel.

24Ket naaramid idi calpasan daytoy, a ni #1 Ar. 20:1.Ben-adad nga ari ti Siria inurnongna amin a buyotna, ket simmang-at ket linacubna ti Samaria.

25Ket adda idi dackel a bisin idiay Samaria: ket, adtoy, nga isu ti linacubda, inggana a ti maysa nga olo ti asno nalaco idi iti walopulo a capisi ti pirac, ket ti apagcapat ti maysa a #Cab: Maysa a pagsucatan a dacdackel bassit ngem iti maysa a litro.cab ti lugit dagiti calapati iti lima capisi ti pirac.

26Ket idi a ti ari ti Israel limmabas a nagna iti rabaw ti bacud, maysa a babai pimmuccaw kencuana, a kinunana, Bumadangca, O ari, nga apoc.

27Ket isu kinunana, No saannaca a badangan ni Jehova, iti ania aya ti pangbadangac kenca? aggapu aya iti pagtaltagan, wenno aggapu iti pagpespesan ti uvas?

28Ket ti ari kinunana kencuana, Ania aya ti agcurang kenca? Ket isu simmungbat, Daytoy a babai kinunana caniac, Itedmo ta anacmo, tapno isu ti sidaenta coma iti daytoy nga aldaw, ket intono bigat sidaentanto ti anacco.

29 # Deut. 28:53. Eze. 5:10. Iti casta inangermi di anacco, ket isu ti sinidami: Iti sumuno nga aldaw kinunanac kencuana, Itedmo ta anacmo, tapno isu ti sidaenta coma: ket isu inlemmengna di anacna.

30Ket naaramid, idi a ti ari nangngegna dagidi sasao ti babai, nga #1 Ar. 21:27.isu pinigisna dagiti cawesna (ket naglasat idi a nagna iti rabaw ti bacud); ket dagiti tattao kimmitada, ket, adtoy, nga isu addaan idi iti nakersang a lupot iti uneg, iti rabaw ti lasagna.

31Idin isu kinunana, Ti Dios #Rut. 1:17.aramidenna iti casta caniac, ken ad-adda pay met, no ti olo ni Eliseo nga anac ni Safat agtacderto kencuana iti daytoy nga aldaw.

32Ket ni Eliseo adda idi a situtugaw idiay balayna, ket dagiti #Ex. 8:1; 14:1; 20:1.lallacay makicatcatugawda kencuana; ket di ari nangibaon iti maysa a lalaki a naggapu iti saclangna: ngem iti sacbay a di naibaon dimteng idi kencuana, isu kinunana cadagiti lallacay, Kitaenyo no casano a daytoy anac di #1 Ar. 18:4; 21:13.nacapatay nagbaon nga agpaiccat iti oloc? kitaenyo, nga intono ti naibaon umay, rikepanyo ti ruangan, ket iggamanyo ti ruangan a maibusor kencuana #2 Ar. 7:17.saan aya nga agdanarudor dagiti sacsaca ni apona iti malicudanna?

33Ket iti bayat ti pannakisasaona pay laeng cadacuada, adtoy, di naibaon simmalog agingga kencuana: ket kinunana, Adtoy, a daytoy a rigat aggapu ken Jehova; apayapay nga agurayac coma gapu ken Jehova iti nabaybayag?

Currently Selected:

II AR-ARI 6: TB1973

Highlight

Copy