II AR-ARI 7
7
Ti padto ni Eliseo. Ti panagtalaw dagiti Sirios. Dagiti uppat nga agcucutel ipadamagda ti caawan dagiti Sirios.
1Ket ni Eliseo kinunana, Denggenyo ti sao ni Jehova: castoy ti cuna ni Jehova, Intono bigat iti daytoy a tiempo ti sangcasucat ti namayecmec nga harina malaconto iti maysa a siclo, ket dagiti #bil. 18.dua a casucat ti cebada iti maysa a siclo, iti ruangan ti Samaria.
2Idin #bil. 17:19.ti capitan nga iti imana pagsammakedan di ari simmungbat iti lalaki ti Dios, ket kinunana, Adtoy, a no ni Jehova #Gen. 7:11. Mal. 3:10.agaramid coma iti tawtawa idiay langit, mabalin a maaramid daytoy? ket isu kinunana, Adtoy, nga isu ti makitamto cadagita matam, ngem dicanto mangan kencuana.
3Ket adda idi uppat a tattao nga agcucutel #Lev. 13:46.iti ridaw ti ruangan: ket kinunada ti maysa ken maysa, Apayapay nga agtugawtayo ditoy inggana iti mataytayo?
4No cunaentayo, Sumrectayo iti ili, ti bisin ngarud adda iti ili, ket mataytayto sadiay: ket no agtugawtayo a sitatalna ditoy cascasdi a mataytayo. Umaycayo ngarud ita, ket agtinnagtayo coma iti buyot dagiti Sirios: no isuda ispalendatayto a sibibiag, agbiagtayto; ket no papatayendatayto, mataytayto met laeng.
5Ket timmacderda idi #bil. 9, 12.apagsipnget, tapno mapanda iti pacarso dagiti Sirios; ket idi a dimtengda iti akinruar a paset ti pacarso dagiti Sirios, adtoy, awan idi ti tao sadiay.
6Ta ti Apo inaramidna a ti buyot dagiti Sirios #2 Ar. 6:17; 19:7.nangegda ti daranudor dagiti luglugan, ken daranudor dagiti cabcabayo, ken daranudor met laeng ti dackel a buyot: ket kinunada ti maysa ken maysa, Adtoy, a ti ari ti Israel tinangdananna a maibusor cadatayo dagiti ar-ari dagiti #Oc. 1:26. 1 Ar. 10:29.Jetteo, ken dagiti ar-ari dagiti Egipcio, tapno umayda cadatayo.
7Gapuna a timmacderda ken nagtalawda idi apagsipnget, ket binay-anda dagiti toltoldada, ken cabcabayoda, ken asasnoda, ti pacarso met laeng cas la iti caaddana idi, ket nagtalawda a gapu iti biagda.
8Ket idi a dagiti agcucutel dimtengda iti akinruar a paset ti pacarso, simrecda iti maysa a tolda, ket nanganda ken imminumda, ket nangalada sadiay iti pirac ken balitoc, ken cawcawes, ket napanda ket isu ti inlemmengda; ket idi a nagsublida, ken simrecda iti sabali a tolda, ket sadiay nangalada met, ket napanda ket isu ti inlemmengda.
9Idin kinuna ti maysa ken maysa, Saantayo nga agaramid iti naimbag; daytoy nga aldaw isu ti aldaw dagiti naimbag a damdamag, ket datayo agulimectayo: no agtactactayo inggana iti panaglawag ti bigat, ti dusa macamacamnatayo, umaycayo ngarud ita, intayo coma, ket ibagatayo iti balay ti ari.
10Iti casta immayda ket inayabanda dagiti agaywan iti ruangan ti ili; ket imbagada cadacuada, a kinunada, Dacami napancami iti pacarso dagiti Sirios, ket, adtoy, awan idi ti tao, uray timec ti tao idiay, no di laeng dagiti cacabayo a sigagalot, ken dagiti asasno a sigagalot ket dagiti toltolda a cas la iti casasaadda idi.
11Ket isu inayabanna dagiti agaywan iti ruangan; ket isuda imbagada iti sangacabbalayan ti ari iti uneg.
12Ket ti ari timmacder iti rabii, ket kinunana cadagiti ad-adipenna, Siac ipalawagco ita cadacayo no ania ti inaramid cadatayo dagiti Sirios. Isuda ammoda a mabisintayo; gapuna a rimmuarda iti pacarso tapno aglemmengda idiay away, a cunada, Intono macaruarda iti ili, alaentayto ida a sibibiag, ket sumrectayto iti ili.
13Ket ti maysa cadagiti ad-adipen na simmungbat ket kinunana, Agdawatac kenca, nga ipalubosmo a dagiti dadduma mangalada coma cadagiti lima a cabayo a natda, isuda a nabati iti ili (adtoy, nga isuda casda la iti isu-amin a caadu ti Israel a nabati kencuana; adtoy, nga isuda casda la iti isu-amin a caadu ti Israel a naibusda); ket palubosannacami nga agbaon ken cumita.
14Gupuna a nangalada cadagiti dua a lugan agraman cabcabayo; ket ti ari nagbaon iti licudan ti buyot dagiti Sirios, a kinunana, Incayo ket kitaenyo.
15Ket isuda sinurotda ida aginggana iti Jordan: ket, adtoy, isu-amin a dalan addada a napno cadagiti cawcawes ken al-alicamen, nga impuruac dagiti Sirios iti darasda. Ket dagiti naibaon simmublida, ket imbagada iti ari.
16Ket dagiti tattao rimmuarda, ket sinamsamda di pacarso dagiti Sirios. Iti casta a ti maysa a casucat ti namayecmec nga harina nalaco idi iti maysa a siclo, ket dagiti dua a casucat ti cebada iti maysa a siclo a #bil. 1.mayannurot iti sao ni Jehova.
17Ket ti ari #bil. 2.dinutocanna di capitan nga iti imana isu ti pagsammakedanna a mangaywan iti ruangan: ket dagiti tattao isu tinalaytayda idi ruangan, ket natay a cas kinunana idi ti lalaki ti Dios, a #2 Ar. 6:32.sinaona idi a ti ari simmalog kencuana.
18Ket naaramid, idi a ti lalaki ti Dios insaona iti ari, a kinuna, Dua casucat a cebada iti maysa a siclo, ket ti sangcasucat ti namayecmec nga harina iti maysa a siclo, maaramidto no bigat iti daytoy a tiempo iti ruangan ti Samaria;
19Ket daydiay a capitan simmungbat iti lalaki ti Dios, a kinunana, Ita, adtoy, no ni Jehova agaramid coma iti tawtawa idiay langit, mabalin coma a maaramid daytoy? Ket isu kinunana, #bil. 2.Adtoy, nga isu ti makitamto cadagiti matam, ngem dicanto mangan kencuana:
20Ket naaramid met laeng a casta kencuana; ta dagiti tattao isu tinalaytayda idi ruangan, ket natay.
Currently Selected:
II AR-ARI 7: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
