II AR-ARI 8

Ti daga ti babai a Sunamita maisubli kencuana. Ni Ben-adad agsakit ket papatayen ni Hazael. Ti panagari ni Joram iti Juda. Ti yaalsa ti Edom. Ti panagari ni Ocozias iti Juda.

1Idin ni Eliseo nagsao iti daydi a babai, a di #2 Ar. 4:35.anacna pinagungarna idi, a kinunana, Tumacderca, inca, sica ken isu-amin a cabbalaymo, ket aggangannaetca iti sadinoman a pacabalinamto a paggangannaetan, #1 Ar. 17:1. Sal. 105:16. Hag. 1:11. D. Ara. 11:28.ta ni Jehova nangayab iti bisin; ket umayto met iti rabaw ti daga bayat iti pito a tawen.

2Ket ti babai timmacder, ket inaramidna ti mayannurot iti sao di lalaki ti Dios, ket isu napan agraman cabbalayna, ket nagnaed idiay daga dagiti Filisteos bayat iti pito a tawen.

3Ket naaramid a idi naggibus dagiti pito a tawen, a di babai nagsubli a naggapu iti daga dagiti Filisteos: ket napan tapno umasug iti ari a gapu iti balayna, ken gapu iti dagana.

4Ket ti ari nakisao idi #2 Ar. 4:12.ken ni Giezi a tagabu ti lalaki ti Dios, a kinunana, Agdawatac kenca, a saritaem coma caniac amin dagiti dadackel a banbanag nga inaramid idi ni Eliseo.

5Ket naaramid, idi a sarsaritaenna iti ari no casano ti panangpaungarna iti daydi a natay, nga, adtoy, ti babai, isu a ti anacna pinagungarna idi, nagasug iti ari a gapu iti balayna, ken gapu iti dagana. Ket ni Giezi kinunana, O ari nga apoc, daytoy isu ti babai, ket daytoy isu ti anacna, isu a pinagungar ni Eliseo.

6Ket idi a ti ari nagsaludsod iti babai, di babai imbagana kencuana. Iti casta ti ari nangdutoc a mapan kencuana ti maysa nga #1 Sam. 8:15. 1 Ar. 22:9.agturay, a kinunana, Isublim amin a cucuana idi, ken isu-amin nga apit ti dagana nanipud idi aldaw a panangpanawna iti daga inggana itatta.

7Ket ni Eliseo immay iti #1 Ar. 11:24.Damasco; ket ni #1 Ar. 20:1.Ben-adad nga ari ti Siria nagsakit; ket naibaga idi kencuana, a nacuna, Ti lalaki ti Dios umayen ditoy.

8Ket ti ari kinunana ken ni #1 Ar. 19:17.Hazael, #1 Sam. 9:7.Mangiggemca iti maysa a sagut, ket inca, sabatem ti lalaki ti Dios, ket #2 Ar. 1:2.umumanca ken ni Jehova babaen ti pannacaaramatna, a cunaem, Umimbagacto iti daytoy a nasakit?

9Iti casta ni Hazael napan a sumabet kencuana, ket nangala iti sagut iti imana tumunggal naimbag a banag met laeng ti Damasco, nga awit dagiti uppat a pulo a camello, ket immay ket nagtacder iti sango daydiay, ket kinunana, #2 Ar. 5:13.Ni anacmo a Ben-adad nga ari ti Siria imbaonnac kenca, a kinunana, Umimbagacto iti daytoy a nasakit?

10Ket ni Eliseo kinunana kencuana, Inca, cunaem kencuana, Umimbagcanto a di bumurong; nupay casta ni Jehova impamatmatna caniac nga isu matayto a di-bumurong.

11Ket ti lalaki ti Dios intalliawna kencuana di rupana a siiintec, aginggana iti nababainan: ket ti lalaki ti Dios nagsangit.

12Ket ni Hazael kinunana, Apayapay agsangit ni apoc? Ket isu simmungbat, #2 Ar. 10:32; 12:17; 13:3, 7, 22. Amos 1:3.Agsipud ta ammoc ti ranggas nga aramidemto cadagiti annac ti Israel: dagiti sarikedkedda pasgedamto iti apuy, ket dagiti agtutuboda a lallaki papatayemto iti campilan, ket ibarsabarsacmonto a mapisangpisang dagiti #Isa. 13:16. Os. 13:16. Nah. 3:10.babassitda, ken bettacamto dagiti babbai a masicug.

13Ket ni Hazael kinunana, #2 Sam. 3:8.Ngem ania ti adipenmo, nga isu laeng ti maysa nga aso, tapno aramidenna coma daytoy dackel a banag? Ket ni Eliseo simmungbat, Ni Jehova #1 Ar. 19:15.impamatmatna caniac a sicanto ti ari ti Siria.

14Idin isu pinanawanna ni Eliseo, ket immay ken ni apona, a nagcuna kencuana, Ania ti kinuna kenca ni Eliseo? Ket isu simmungbat, Isu kinunana caniac nga #bil. 10.umimbagcanto a di bumurong.

15Ket naaramid iti sumaruno nga aldaw nga isu nangala iti ules, ket isu ti inraremna iti danum, ket isu ti inyucradna iti rupana, iti casta natay: ket ni Hazael nagari iti saadna.

16Ket iti maicalima a tawen ni #2 Ar. 1:17.Joram nga anac ni Acab nga ari ti Israel, ni Josafat idinto ngarud nga ari ti Juda, ni Joram nga anac ni #2 Cron. 21:1-4.Josafat nga ari ti Juda nangrugi a nagari.

17 # Aginga bil. 24. 2 Cron. 21:5-10. Agtawen iti tallopulo ket dua idi nangrugi a nagari; ket nagari iti walo a tawen idiay Jerusalem.

18Ket nagna iti dalan dagiti ar-ari ti Israel, a cas ti inaramid idi ti balay ni Acab: ta maysa nga #bil. 28.anac ni Acab isu ti sawana; ket inaramidna daydi a dakes iti imatang ni Jehova.

19Nupay casta ni Jehova saanna a kinayat a dinadael ti Juda, a gapu ken David nga adipenna, a #2 Sam. 7:12, 13. Sal. 132:11.cas incarina kencuana ti panangtedna kencuana ti maysa a #2 Sam. 21:17.silaw a maipaay cadagiti annacna iti agnanayon.

20Cadagiti al-aldawna ti Edom immalsa a naggapu iti babaen ti ima ti Juda, ket #1 Ar. 22:47.nangisaad iti ari cadacuada met laeng.

21Idin ni Joram immallatiw idiay Seir, ket isu-amin dagiti luganna naicuyugda kencuana: ket timmacder iti rabii ket kinabilna dagiti Edomitas, a nanglacub iti aglicmut kencuana; ken dagiti capcapitan dagiti lug-lugan, ket dagiti tattao nagtalawda a napan #2 Sam. 18:17.cadagiti toltoldada.

22 # Gen. 27:40. Casta ti yaalsa ti Edom a naggapu iti baba ti ima ti Juda agingga iti daytoy nga aldaw. Idin ti #Jos. 10:29.Libna immalsa idi met laeng a tiempo.

23Ket ti matda cadagiti ar-aramid ni Joram, ken isu-amin nga inaramidna, saanda aya a naisurat iti libro dagiti cronicas dagiti ar-ari ti Juda?

24Ket ni Joram nakiturog cadagiti ammana, ket naitanem a naitipon cadagiti ammana idiay #2 Cron. 21:20.ili ni David; ket ni #1 Ar. 20:30.Ocozias nga anacna nagari iti saadna.

25 # 2 Ar. 9:29. Idi tawen a maicasangapulo ket dua ni Joram nga anac ni Acab nga ari ti Israel ni Ocozias nga anac ni Joram nga ari ti Juda nangrugi a nagari.

26 # 2 Cron. 22:2. Ni Ocozias agtawen idi iti duapulo ket dua idi nangrugi a nagari; ket nagari iti macatawen idiay Jerusalem. Ket ti nagan ni inana Atalia nga #bil. 18.anac ni Omri nga ari ti Israel.

27Ket isu nagna iti dalan ti balay ni Acab, ket inaramidna daydi a dakes iti imatang ni Jehova, a cas ti balay ni Acab; ta manugang idi ti balay ni Acab.

28Ket nakicuyog a napan iti gubat ken ni Joram nga anac ni Acab a maibusor ken ni #1 Ar. 22:3.Hazael nga ari ti Siria idiay #bil. 15.Ramot-galaad: ket dagidi Sirios sinugatda ni Joram.

29Ket ni #2 Ar. 9:15.ari Joram nagsubli idiay Jezrael tapno maagasan cadagiti sugsugatna a gapuanan dagiti Sirios kencuana idiay Rama, idi a nakigubat a maibusor ken ni Jazael nga ari ti Siria. #2 Ar. 9:16.Ket ni Ocozias nga anac ni Joram nga ari ti Juda simmalog idi a mangkita ken ni Joram nga anac ni Acab idiay Jezreel, agsipud ta masakit idi.

Currently Selected:

II AR-ARI 8: TB1973

Highlight

Copy