Popular Bible Verses from II AR-ARI 5

Share

Ni Naaman a capitan ti buyot ti ari ti Siria, lalaki a napateg ken ni apona ken madaydayaw, ta ni Jehova nangted idi iti panagballigi iti Siria a gapu kencuana: isu maingel a lalaki ken napigsa, ngem isu agcucutel idi.

Ket ni Eliseo nangibaon kencuana, a kinunana, Inca ket agdigusca iti maminpito a daras idiay Jordan, ket ti lasagmo mabaliwanto kenca, ket nadaluscanto.

Idin simmalog, ket bimmatoc iti naminpito a daras idiay Jordan, cas mainugot iti sao di lalaki ti Dios; ket ti lasagna nabaliwan a cas lasag ti ubing a bassit, ket isu ti nadalus idi.

Ngem ni Naaman naglucsaw, ket pimmanaw, a kinunana, Adtoy, a pinanpanunotco idi, Pudno nga isu rumuarto agingga caniac, ket agtacderto, ket umawagto iti nagan ni Jehova a Diosna, ket yaprusnanto ti imana iti rabaw ti disso, ket paimbagenna ti cucutel.

Ket dagiti tagabuna immasidegda ket nagsaoda kencuana, ket kinunada, Amac, no ti mammadto binilinnaca a mangaramid iti maysa a dackel a banag, isu ti dica cayat coma a tungpalen? di nasaysayaat ngarud, idinto a cunana kenca, Agdigusca ken madalusanca?

Ket isu kinunana ken ni apona a babai, Amangan coma no ni apoc adda iti mammadto, nga adda idiay Samaria! no casta immimbag coma iti cucutelna.