I SAMUEL 17

Ti gubat cadagiti Filisteos. Ti panangcarit ni Goliat. Ni David sumarungcar iti pacarso, ket mangegna ti panangcarit. Annugotenna ti panangcarit, ket patayenna ni Goliat.

1Ket dagiti Filisteos inummongda dagiti buybuyotda a pakigubat; ket naguornongda idiay Soco, a cucua ti Juda, ket nagpacarsoda iti nagbaetan ti Soco ken Azeca, idiay Efes-dammim.

2Ket ni Saul ken dagiti lallaki ti Israel naguornongda ket nagpacarsoda idiay #bil. 19. 1 Sam. 21:9.lobong ti Ela, ket inurnosda ti gubat a maibusor cadagiti Filisteos.

3Ket dagiti Filisteos nagtacderda iti bantay iti maysa a bangir, ket ti Israel nagtacder iti bantay iti sabali a bangir: ket adda idi maysa a lobong iti nagbaetanda.

4Ket rimmuar ti maysa a camaingelan a naggapu iti pacarso dagiti Filisteos, a managan Goliat, taga #Jos. 11:22; 13:3. 1 Sam. 5:8. 2 Sam. 1:20.Gat, a ti catayagna innem a sico ket sangadangan.

5Ket isu addaan iti maysa a cabal a gambang iti olona, ket nacawesan iti maysa a cabal; ket ti dagsen ti cabalna lima a ribu a siclo a gambang.

6Ket isu addaan idi cadagiti cabal a gambang iti rabaw dagiti sacana, ken maysa a gayang a gambang iti baet dagiti abagana.

7Ket ti ungcay ti picana pumadpada iti adigi ti pagablan; ket ti tadem ti picana agdagsen iti innem a gasut a siclo a landoc: ket ti agawawit iti calasagna napan idi iti sangoananna.

8Isu nagtacder ket pinuccawanna dagiti buybuyot ti Israel, ket kinunana cadacuada, Apayapay a rumuarcayo a mangurnos iti gubat? saanac aya a maymaysa a Filisteo, ket dacayo #1 Sam. 8:17.ad-adipen ni Saul? pumilicayo iti maysa a lalaki cadacayo, ket sumalog coma caniac.

9No isu macagaway a makicabil caniac, ket papatayennac, no casta dacaminto dagiti ad-adipenyo; ngem no siac maannongac, ket isu patayec, no casta dacayto ngarud dagiti ad-adipenmi, ket agservicayto cadacami.

10Ket daydi Filisteo kinunana, #bil. 25, 26, 38, 45. 2 Sam. 21:21.Caritec dagiti buybuyot ti Israel ita nga aldaw; iccandac iti maysa a lalaki tapno agcabilcami coma.

11Ket idi a ni Saul ken amin nga Israel nangngegda dagidi sasao ti Filisteo, nagcullayawda, ket nagbutengda iti napalalo.

12 # 1 Sam. 16:1-8. Ket ni David nga anac ni #Gen. 35:19.Efrateo ti Betlehem ti Juda, a ti naganna Isai; ket addaan idi iti #1 Sam. 16:10, 11. 1 Cron. 12:13, 14, 15.walo nga annac a lallaki: ket daydi lalaki lacayen idi cadagidi al-aldaw ni Saul, napacsuyan iti kinalacayna iti tengnga dagiti tattao.

13Ket dagiti tallo a calalacayan cadagiti annac ni Isai napanda simmurot ken Saul iti paggugubatan: #1 Sam. 16:6, 8, 9. 1 Cron. 2:13.ket ti nagan dagiti tallo nga annac a napan iti gubat isuda Eliab nga inauna nga anac, ket ti sumaganad kencuana ni Abinadab, ket ti maicatlo ni Samma.

14Ket ni David ti caubingan; ket dagiti tallo a calalacayan simmurotda ken Saul.

15Ngem ni David napan idi sa nagsubli nanipud ken Saul ta napanna #1 Sam. 16:19.impaarab dagiti carcarnero ni amana idiay Betlehem.

16Ket daydi Filisteo immasideg iti bigat ken rabii, ket nagparang bayat ti uppat a pulo nga aldaw.

17Ket ni Isai kinunana ken David, Mangalaca ita ti maipaay cadagiti cacabsatmo iti sangaefa a kinirog a bukel, ken dagitoy sangapulo a tinapay, ket ipanmo ida a madaras iti pacarso cadagiti cacabsatmo;

18Ket ipanmo dagitoy sangapulo a queso iti capitan ti rinibuda, ket #Gen. 37:14.kitaem no casano ti casasaad dagiti cacabsatmo, ket mangalaca ti pacakitaan cadacuada.

19Idi ni Saul, ken isuda, ken amin a lallaki ti Israel addada iti lobong ti Ela, a makigubgubat cadagiti Filisteos.

20Ket ni David bimmangon a nasapa iti bigat, ket imbatina dagiti carcarnero iti maysa nga agaywan, ket innalana, ket napan, cas imbilin ni Isai kencuana; #1 Sam. 26:5, 7.ket isu dimteng iti disso dagiti luglugan idi a ti buyot a rimmuar iti gubat nagickis a maipaay iti gubat.

21Ket ti Israel ken dagiti Filisteos inornosda ti gubat, ti buyot a maibusor iti buyot.

22Ket ni David imbatina ti gargaretna iti ima ti #Oc. 18:21.agaywan ti gargaret, ket timmaray agingga iti buyot, ket immay ket kinablaawanna dagiti cacabsatna.

23Ket idi a makisasao cadacuada, adtoy, sumang-at daydi #bil. 4.camaingelan, daydi Filisteos ti Gat, a Goliat ti naganna, a naggapu cadagiti buybuyot dagiti Filisteos, ket #bil. 8.sinaona ti mayannurot cadagiti isu met laeng a sasao: ket ni David nangngegna ida.

24Ket isu-amin a tattao ti Israel no makitada idi daydi lalaki, isu intarayanda, ket nagbutengda iti napalalo.

25Ket dagiti tattao ti Israel kinunada, Nakitayo daytoy lalaki a sumang-at? pudno a ti panangcaritna. Iti Israel isu ti sang-atanna: ket castoyto, a ti #Jos. 15:16.lalaki a mangpatay kencuana, ti ari pabacnangennanto daydiay cadagiti naruay a sanicua, ken iyasawananto kencuana ti anacna a babai, ken pagwayawayaennanto ti balay ni amana iti Israel.

26Ket ni David nagsao cadagiti lallaki a sitatacder iti sibayna, a kinunana, #1 Sam. 11:2.Ania ti maaramidto iti lalaki a mangpatay itoy a Filisteo, ket iccatenna ti pannacalais iti Israel? ta asino daytoy #Oc. 14:3.di nacugit a Filisteo, tapno caritenna coma dagiti buybuyot ti Dios a #Jos. 3:10.sibibiag?

27Ket dagiti tattao simmungbatda kencuana a mayannurot itoy a kita, a cunada, #bil. 25.Casta ti maaramidto iti lalaki a mangpatay kencuana.

28Ket ni Eliab a cabsatna nga inaunaan nangngegna idi nga isu agsasao cadagiti lallaki: ket ti pungtot ni Eliab simged a maibusor ken David, ket kinunana, Apayapay a simmalogca? ket asino ti nangibatiam cadagidiay bassit a carcarnero idiay let-ang? ammoc ti kinapalangguadmo, ken ti kinadakes ta pusom; ta simmalogca tapno agbuyaca coma iti gubat.

29Ket ni David kinunana, Ania aya ti inaramidco itatta? awan aya ti pacaigapuananna?

30Ket isu immadayo nanipud kencuana a nagturong iti sabali, ket #bil. 26, 27.nagsao mayalubog iti isu met laeng a kita: ket dagiti tattao insungbatda kencuana manen ti mayannurot idi immuna a kita.

31Ket idi a nangngeg dagiti sasao a sinao ni David, inulitda ida iti sango ni Saul; ket isu pinaalana.

32Ket ni David kinunana ken Saul, Saan coma nga agcullayaw ti puso ti lalaki a gapu kencuana; ti #1 Sam. 16:18.adipenmo mapanto ken makicabilto itoy a Filisteo.

33Ket ni Saul kinunana ken David, Dica macabael a mapan a maibusor itoy a Filisteo a makicabil kencuana; ta maysaca laeng a bumbumaro, ket isu maysa a lalaki ti gubat nanipud kinaubingna.

34Ket ni David kinunana ken Saul, Ti adipenmo agayaywan idi cadagiti carcarnero ni amana; ket idi immay ti maysa leon, wenno oso, ket mangala idi iti maysa a cordero iti pangen,

35Rimmuarac a sumurot kencuana, ket isu kinabilco ket isu insalacanco iti ngiwatna; ket idi timmacder a bumusor caniac, iniggamac ti imingna, ket kinabilco, ken isu pinatayco.

36Ti adipenmo agpadpada a kinabilna ti leon ken oso: ket daytoy a #bil. 26.di nacugit a Filisteo isunto ti cas maysa cadacuada, idinto a makitana a carcaritenna dagiti buybuyot ti Dios a sibibiag.

37 # 2 Cor. 1:10. 2 Tim. 4:17, 18. Ket ni David kinunana, Ni Jehova a nangisalacan caniac iti cammauna ti leon, ken iti cammauna ti oso, isu isalacannacto iti ima daytoy a Filisteo. Ket ni Saul kinunana ken David, Inca, ket ni #1 Sam. 20:13.Jehova addanto kenca.

38Ket ni Saul incawesna ken David daydi pagan-anayna, ket incabilna ti maysa a gambang a cabal iti rabaw ti olona, ket isu kinawesanna iti maysa a cabal.

39Ket ni David imbarikesna daydi campilanna iti rabaw dagiti pagan-anayna, ket pinadasna ti magna; ta dina pay pinadas idi. Ket ni David kinunana ken Saul, Diac mabalin ti mapan agraman cadagitoy; ta diac pay napadasan ida. Ket ni David iniccatna ida kencuana.

40Ket isu innalana nga iniggaman daydi sarucodna, ket nangpili iti lima a batbato a nalinis a naggapu iti waig, ket incabilna ida idi supot ti agpaspastor nga adda kencuana, a iti met laeng supotna; ket daydi pallatibongna adda idi iti imana: ket immasideg idi Filisteo.

41Ket ti Filisteo immay ket immasideg ken David; ket #bil. 7.ti lalaki a nagawawit iti calasagna napan iti sangoananna.

42Ket idi a ti Filisteo kimmita, ket naimatanganna ni David, isu inumsina; ta isu maysa laeng a bumbumaro, ken #1 Sam. 16:12.lumabaga, ken agraman iti nataer a langana.

43Ket ti Filisteo kinunana ken David, #2 Sam. 3:8.Maysaac aya nga aso, tapno umayca caniac agraman sarucod? Ket ti Filisteo inlunodna ni David babaen cadagiti didiosna.

44Ket ti Filisteo kinunana ken David, Umayca caniac, ket itedconto ta lasagmo cadagiti tumatayab dagiti langlangit, ken cadagiti an-animal ti tay-ac.

45Idin kinuna ni David idi Filisteo, Sica umayca caniac a sicacampilan ken agraman maysa a #bil. 6.pica, ken maysa a gayang: ngem siac umayac kenca iti nagan ni Jehova dagiti buybuyot, ti Dios dagiti buybuyot ti Israel, a sica #bil. 10.kinaritmo.

46Ita nga aldaw ni Jehova yawatnacanto iti imac: ket cabilencanto, ket putolecto dayta olom; ket itedconto dagiti bangcay a natay ti buyot dagiti Filisteos ita nga aldaw cadagiti tumatayab dagiti langlangit, ken cadagiti atap nga an-animal ti daga; tapno isu-amin a #Jos. 4:24. 1 Ar. 18:36.daga ammoenna coma nga adda ti Dios iti Israel,

47Ket isu-amin daytoy a #Sal. 44:6, 7. Os. 1:7. Zac. 4:6.gimong ammoenna coma a ni Jehova saan a mangisalacan a maaramat ti campilan ken ti pica: #1 Sam. 18:17; 25:28. 2 Cron. 20:15.ta ti gubat cucua ni Jehova, ket yawatnacayto iti imami.

48Ket naaramid, nga idi a ti Filisteo timmacder, ket immay ken immasideg a sumabet ken David, ni David nagdaras, ket timmaray a timmurong iti buyot a simmabet idi Filisteo.

49Ket ni David incautna ti imana idi supotna, ket nangaon idiay iti maysa a bato, ket isu ti impallatibongna, ket kinabilna ti Filisteo idi mugingna; ket ti bato nailumlom iti mugingna, ket napacleb a naiparabaw ti rupana iti daga.

50 # 1 Sam. 21:9. Iti casta ni David inabacna daydi Filisteo iti pannacaaramat ti maysa a pallatibong ken maysa a bato, ket kinabilna daydi Filisteo, ket isu pinatayna; ngem awan idi ti campilan iti ima ni David.

51Idin ni David timmaray, ket nagtacder iti rabaw ti Filisteo, ket innalana ti campilanna, ket inasutna idi ba-inana, ket isu pinatayna, ken iti daydiay ti #1 Sam. 31:9.panangputolna idi olona. Ket idi a dagiti Filisteos nakitada a ti camaingelanda natay, nagtarayda.

52Ket dagiti lallaki ti Israel ken ti Juda timmacderda, ket dimmir-ida, ken kinamatda dagiti Filisteos, agingga ti pacagtengan iti Gai, ken cadagiti ruangan ti #Jos. 15:11.Ecron. Ket dagiti nasugat cadagiti Filisteos napasagda iti dalan nga #Jos. 15:36.agpa-Saraim, agingga iti Gat met laeng, ken agingga iti Ecron.

53Ket dagiti annac ti Israel nagsublida iti panagcamatda cadagiti Filisteos, ket sinamsamba ti pacarsoda.

54Ket ni David innalana ti olo ti Filisteo, ket isu inyegna iti #2 Sam. 5:6-9.Jerusalem; ngem incabilna ti cabalna idi toldana.

55Ket idi a ni Saul nakitana ni David a rumuar idi a maibusor iti Filisteo, kinunana ken #2 Sam. 2:8.Abner, a capitan ti buyot, Abner, #1 Sam. 16:21, 22.asino ti akinanac itoy a bumbumaro? Ket ni Abner kinunana, Cas #1 Sam. 1:26.sibibiag ta cararuam, O ari, diac mabalin nga ibaga.

56Ket ti ari kinunana, Tontonem no asino ti #1 Sam. 20:22.akinanac iti ubing.

57Ket idi a ni David nagsubli a naggapu iti panangpapatay iti Filisteo, isu innala ni Abner ket inyegna iti sango ni Saul agraman #bil. 54.iti olo ti Filisteo nga igiggamanna.

58Ket ni Saul kinunana kencuana, Asino ti akinanac kenca, sica agtutubo a lalaki? Ket ni David simmungbat, Anacnac ni adipenmo a Isai a Betlehemita.

Currently Selected:

I SAMUEL 17: TB1973

Highlight

Copy