I SAMUEL 18

Ti ayat ni Jonatan maipaay ken David. Ti pungtot ni Saul a maibusor ken David. Ni David asawaenna ni Micol babai nga anac ni Saul.

1Ket naaramid, idi a nagibusanna ti pannakisasaona ken Saul, a ti #Gen. 44:30.cararua ni Jonatan naisinggalut idi cararua ni David, ket ni Jonatan nagayat kencuana a cas iti cararuana met laeng.

2Ket ni Saul isu innalana idi nga aldaw, ket #1 Sam. 17:15.dina kinayat nga impalubos a mapan iti pagtaenganna iti balay ni amana.

3Idin da Jonatan ken ni David nangaramidda iti maysa a tulag, agsipud ta isu nagayat kencuana a cas iti cararuana met laeng.

4Ket ni Jonatan inucsubna di lambonna nga adda idi kencuana, ket intedna ken David, ken ti pagan-anayna, uray pay ti campilanna met laeng, ken ti ba-ina, ken ti barikesna,

5Ket ni David rimmuar a napan iti uray sadino man a pangibaonan ni Saul kencuana, ket nagmanakem unay: ket ni Saul isu ti insaadna a pangolo dagiti lallaki ti gubat, ket naimbag idi iti imatang dagiti isu-amin a tattao, ken casta met iti imatang dagiti adipen ni Saul.

6Ket naaramid idi nga isuda sumungadda, idi a ni David simmubli a naggapu iti panangpapatayna iti Filisteo, a dagiti babbai #Ex. 15:20. Oc. 11:34; 21:21.rimmuarda cadagiti isu-amin nga il-ili ti Israel, a nagcancantada ken nagsalsalada, a simmabet ken ari Saul, agraman panpandareta, agraman ragragsac, ken agraman gamigam ti musica.

7 # Ex. 15:21. Ket dagiti babbai incantada ti maysa ken maysa idi nga agay-ayamda, ket kinunada, ni #1 Sam. 21:11; 29:5.Saul pinatayna dagiti rinibribuna, ket ni David dagiti linaclacsana.

8Ket ni Saul naglucsaw unay idi, ket daytoy a panagsao namapungtot kencuana; ket kinunana, Impaayda ken David ti linaclacsa, ket caniac impaayda laeng ti rinibribu: #1 Sam. 15:28.ket ania pay ti mabalinna nga icutan no saan a ti pagarian?

9Ket ni Saul kinuscusilapanna ni David nanipud idi nga aldaw ken iti calpasanna.

10Ket naaramid iti sumaganad a bigat, a #1 Sam. 16:14.maysa a dakes nga espiritu a gapu iti Dios immay a sipipigsa ken Saul, ket #1 Sam. 19:24. 1 Ar. 18:29. D. Ara. 16:16.nagpadles idi tengnga ti balay: ket ni David nagtocar babaen iti imana, a cas ar-aramidenna idi iti inaldawaldaw. Ket ni Saul #1 Sam. 16:16.addaan iti imana iti maysa a gayang.

11 # 1 Sam. 9:10; 20:33. Ket ni Saul ingayangna ti gayang; ta kinunana, Sugatecto ni David agingga iti pader met laeng. Ket ni David naglisi iti namindua iti saclangna.

12Ket ni Saul nagbuteng ken ni David, #1 Sam. 16:18.agsipud ta ni Jehova adda idi kencuana, ket #1 Sam. 6:14; 28:15.pimmanaw ken Saul.

13Gapuna a ni Saul pinapanawna iti dennana, ket isu inaramidna a capitanna a pangulo ti sangaribu; ket isu #2 Sam. 5:2.rimmuar ken simrec iti una dagiti tattao.

14Ket ni David nagmanakem unay cadagiti isu-amin a daldalanna: ket ni Jehova adda idi kencuana.

15Ket idi a ni Saul maimatanganna nga isu nagmanakem unay, nagbuteng kencuana.

16 # bil. 5. Ngem amin nga Israel ken Juda inayatda ni David; ta isu rimmuar ken simrec ti unada.

17Ket ni Saul kinunana ken David, Adtoy, ni #1 Sam. 14:49.Merab a babai nga anacco nga inauna, isu itedco kenca nga #1 Sam. 17:25.asawa: isuna laeng nga umingelca coma a maipaay caniac, ket makibacalca cadagiti #1 Sam. 25:28.gubgubat ni Jehova. Ta ni Saul kinunana, #bil. 21:25.Saan coma a ti imac ti maipatay kencuana, no di ket ti ima dagiti Filisteos ti rumabaw coma kencuana.

18Ket ni David kinunana ken Saul, #bil. 23. 2 Sam. 7:18.Asinoac aya? ken ania aya ti biagco, wenno ti familia ni amac iti Israel, tapno siac coma ti manugang a lalaki ti ari?

19Ngem naaramid nga idi tiempo a ni Merab, nga anac a babai ni Saul, maited coma idi ken David, nga isu naited nga asawa ni #2 Sam. 21:8.Adriel a Meolatita.

20Ket ni #bil. 28. 1 Sam. 14:49.Micol, nga anac a babai ni Saul, inayatna ni David: ket imbagada ken Saul, ket ti banag nangay-ayo kencuana.

21Ket ni Saul kinunana, Isu itedconto kencuana, tapno ni Micol isunto kencuana ti maysa a silo, ken tapno ti #bil. 17.ima dagiti Filisteos bumusorda coma kencuana. Gapuna a ni Saul kinunana ken David, Ita nga aldaw sicanto ti manugangco a maicadua.

22Ket ni Saul binilinna dagiti adipenna, a kinuna, Ipacaammoyo ken David a sililimed unay, ket cunaenyo, Adtoy, ti ari siaayat kenca, ken amin nga adipenna ayatendaca: gapuna ita agbalinca a manugang ti ari.

23Ket dagiti adipen ni Saul imbagada dagitoy a sasao cadagiti lapayag ni David. Ket ni David kinunana, #Num. 16:9.Ipagarupyo a nalag-an a banag ti manugangen ti ari, idinto a maysaac a napanglaw a lalaki, ken bassit ti pannacaipategna?

24Ket dagiti adipen ni Saul imbagada kencuana, a kinunada, Castoy ti sinao ni David.

25Ket ni Saul kinunana, Castoy ti saoenyonto ken David, Ti ari #Gen. 34:12.dina calicaguman ti sab-ong, no di laeng sangagasut nga akinsango a cudil dagiti Filisteos, tapno mabales dagiti cabusor ti ari. Ngem ni Saul #bil. 17.pinanunotna a pagpasagen ni David iti ima dagiti Filisteos.

26Ket idi a dagiti adipenna imbagada ken David dagitoy a sao, nacaay-ayo ken David a naimbag ti agbalin a manugang ti ari. #bil. 21.Ket dagiti aldaw dipay nagturpos.

27Ket ni David timmacder ket napan, #bil. 13.isu ken dagiti lallakina, ket pimmatay cadagiti Filisteos iti dua-gasut a lallaki; ket ni David #2 Sam. 3:14.inyegna dagiti akinsango a cudilda, ket intedna ida nga apag-isu ti bilang iti ari, tapno isu coma ti manugang ti ari. Ket ni Saul intedna kencuana ni Micol a babai nga anacna nga asawana.

28Ket ni Saul naimatanganna ken maammoanna a ni #bil. 12.Jehova adda idi ken David; ket ni Micol nga anac ni Saul, nagayat kencuana.

29Ket ni Saul limmanlan ti panagbutengna ken David; ket ni Saul bimmusor a cancanayon ken David.

30Idin dagiti panguloen dagiti Filisteos rimmuarda: ket naaramid, iti masansan nga iruruada, a ni David nagmanakem unay ngem cadagiti isu-amin nga adipen ni Saul; iti casta a ti naganna #1 Sam. 26:21. 2 Ar. 1:13.napateg idi.

Currently Selected:

I SAMUEL 18: TB1973

Highlight

Copy