I SAMUEL 19
19
Ni Jonatan mangibabaet a maipaay ken David. Ni Micol ispalenna ni David, ket isu agcamang idiay Rama, ket camaten ni Saul.
1Ket ni Saul insaona ken Jonatan, nga anacna a lalaki, ken amin dagiti adipenna, a papatayenda coma ni David. Ngem ni Jonatan, nga anac a lalaki ni Saul, nagayat unay ken David.
2 #
1 Sam. 18:1. Ket ni Jonatan imbagana ken David, a kinunana, Ni Saul nga amac agsapul iti panangpapatayna kenca; gapuna ita, agdawatac kenca, nga aluadam ta bagim iti bigat ket agtaengca iti maysa a nalimed a lugar, ket aglemmengca:
3Ket rumuaracto ket agtacderacto iti sibay ni amac idiay away a yanmo, ket isaritacto ken amac ti maipapan kenca; ket no makitac ti uray aniaman, ibagacto kenca.
4Ket ni Jonatan insaona a naimbag ken Saul nga amana ti maipapan ken David, ket kinunana kencuana, Saan coma nga agbasol ti ari iti maibusor iti adipenna, iti maibusor ken David; agsipud ta isu saan a nagbasol iti maibusor kenca, ken agsipud ta dagiti aramidna naipaayda kenca a naimbag unay:
5Ta isu incabilna ti #Oc. 12:3.biagna iti imana, ket #1 Sam. 17:49, 50.kinabilna daydi Filisteo, ket ni Jehova #1 Sam. 11:13.nagaramid iti maysa a dackel a panagballigi a maipaay iti amin nga Israel: isu naimatangam, ket nagragsacca; apayapay ngarud nga agbasolca iti maicaniwas iti dara nga #Mat. 27:4.awan basolna, iti pannacapapatay ni David nga awan ti pacaigapuanna?
6Ket ni Saul impangagna ti timec ni Jonatan: ket ni Saul insapatana, Cas ni Jehova sibibiag, isu dinto mapapatay.
7Ket ni Jonatan inayabanna ni David, ket ni Jonatan imparangna kencuana amin dagidiay a banag. Ket ni Jonatan inyegna ni David ken Saul, ket isu nagian iti #1 Sam. 16:21; 18:2, 13.saclangna, cas idi unana a tiempo.
8Ket adda idi manen gubat: ket ni David rimmuar ket nakigubat cadagiti Filisteos, ket pinatayna ida iti dackel a panangpapatay; ket isuda nagtarayda iti sangona.
9Ket maysa a dakes nga espiritu a gapu ken Jehova rimmabaw ken Saul, ket idi a situtugaw iti balayna agraman iti gayang iti imana; ket ni David #1 Sam. 16:16.agtocar idi babaen iti imana.
10Ket ni Saul inagawaanna idi a cabilen idi gayang ni David agingga met laeng idi pader; ngem isu naglisi iti saclang ni Saul, ket isu kinabilna ti pader idi gayang: ket ni David nagtaray, ken nagtalaw idi a rabii.
11 #
Sal. 59. Ket ni Saul nangibaon cadagiti babaonen iti balay ni David, tapno isu bantayanda, ken tapno isu patayenda iti bigat: ket ni Micol nga asawa ni David, imbagana kencuana, a kinunana, No dica maisalacan ta biagmo ita a rabii, intono bigat mapapataycanto.
12 #
Jos. 2:15. Iti casta ni Micol pinaulogna ni David idi tawa: ket isu napan, ken nagtaray, ken nagtalaw.
13Ket ni Micol innalana daydi #bil. 16. Gen. 31:19.ladawan, ket isu ti impaiddana idi pagiddaan, ket nangicabil iti maysa a pungan a dutdot dagiti calding idi oloananna, ket isu inabbonganna cadagiti pagan-anay.
14Ket idi a nangibaon ni Saul cadagiti babaonen a mangala ken David, ni Micol kinunana, Isu adda a masakit.
15Ket ni Saul imbaonna dagiti babaonen a cumita ken David, a kinunana, Isu yegyo caniac iti pagiddaan tapno mabalinco a papatayen.
16Ket idi a dagiti babaonen simrecda, adtoy, ti ladawan adda idi iti pagiddaan, agraman pungan a dutdot dagiti calding iti oloananna.
17Ket ni Saul kinunana ken Micol, Apayapay nga inallilawnac iti castoy, ket pinalubosam a pimmanaw ti cabusorco, iti casta a nacatalaw? Ket ni Micol simmungbat ket ni Saul, #2 Sam. 2:22.Isu kinunana caniac, Palubosannac a pumanaw; apayapay a papatayenca coma?
18Ngarud ni David nagtaray ken nagtalaw, ket dimteng ken Samuel idiay #1 Sam. 1:19.Rama, ket imbagana kencuana ti isu-amin nga inaramid ni Saul kencuana. Ket isu ken ni Samuel napanda ken nagnaedda idiay Najot.
19Ket naibaga idi ken Saul, a nacuna, Adtoy, ni David adda idiay Najot sadi Rama.
20Ket ni Saul nangibaon cadagiti babaonen a mangala ken David: ket idi nga isuda #1 Sam. 10:5, 6, 10.naimatanganda ti bunggoy dagiti mammadto nga agpadpadtoda, ket ni Samuel agtatacder a cas pangulo cadacuada, ti Espiritu ti Dios immay cadagiti babaonen ni Saul, ket isuda met nagpadtoda.
21Ket idi a naibaga ken Saul, isu nangibaon cadagiti sabali a babaonen, ket isuda met nagpadtoda. Ket ni Saul nangibaon manen cadagiti babaonen iti maicatlo a daras, ket isuda met nagpadtoda.
22Idin isu napan met idiay Rama, ket dimteng iti dackel a bito nga adda idiay Soco: ket nagintuud ket kinunana, Sadino ti ayan da Samuel ken David? ket maysa ti nagcuna, Adtoy isuda addada idiay Najot sadi Rama.
23Ket isu napan idiay agingga iti Najot sadi Rama: ket ti Espiritu ti Dios immay met kencuana, ket napan, ket nagpadto, agingga ti immay iti Najot sadi Rama.
24Ket isu met inucsubna dagiti cawesna, ken #1 Sam. 18:10.nagpadto met iti sango ni Samuel, ken nagidda a silalamolamo iti amin daydi nga aldaw, ken amin daydi a rabii. Gapuna a cunada, #1 Sam. 10:11, 12.Adda met aya ni Saul iti tengnga dagiti mammadto?
Currently Selected:
I SAMUEL 19: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
