I SAMUEL 20
20
Ti panagtulag da Jonatan ken David. Ti cari ni Jonatan ken David. Ni Saul agpungtot ken Jonatan. Ti panagpinnacada da Jonatan ken David.
1Ket ni David nagtaray nanipud Najot sadi Rama, ket immay ket kinunana ken Jonatan, Ania aya ti inaramidco? ania aya ti kinadakesco? ken ania aya ti basolco iti sango ni amam a sapulenna ti biagco?
2Ket isu kinunana, Adayu iti dayta; dicanto matay: adtoy, ni amac awan ti aramidenna nga uray dackel man wenno bassit, no di ket isu ipalgacna caniac; ket apayapay nga ilimed caniac ni amac daytoy a banag? saan a casta.
3Ket ni David nagsapata pay manen, ket kinunana, Ni amam ammona a naimbag a #Rut. 2:20.nacasaracac iti parabur cadagita matam; ket isu cunana, Di coma maammoan ni Jonatan daytoy, di la ket ta agliday: ngem pudno cas ni Jehova #1 Sam. 25:26.sibibiag, ken cas ta cararuam #1 Sam. 1:26.sibibiag, adda maymaysa laeng nga addang iti nacaibaetac ken patay.
4Idin ni Jonatan kinunana ken David, Iti uray aniaman a calicaguman ta cararuam, isu ti aramidecto met laeng a maipaay kenca.
5Ket ni David kinunana ken Jonatan, #Num. 28:11.Adtoy, intono bigat isu ti lutuad, ket diac agcurang coma a makicatugaw iti ari iti panganan: ngem palubosannac coma a mapan, tapno #1 Sam. 19:23.aglemmengac coma iti away agingga iti maicatlo nga aldaw iti rumabii.
6No ni amam dillawenna ti caawanco iti apag-apaman, cunam ngarud, Ni David nagdawat a sigagagar unay ti ipapanawna caniac tapno tumaray coma a dumanon iti #1 Sam. 16:4.Betlehem nga ilina; ta adda #1 Sam. 9:12.tinawentawen a daton idiay a maipaay iti amin a familia.
7No cunaenna iti castoy, Naimbag; ti adipenmo addaanto iti talna: ngem no agpungtot, ammoem ngarud a ti dakes nakedngan gapu kencuana.
8Gapuna nga agaramidca a sicacaasi unay iti adipenmo; #bil. 16. 1 Sam. 18:3; 23:18. 2 Sam. 21:7.ta sica inyegmo ti adipenmo #2 Sam. 14:32.iti maysa a tulag ni Jehova: ngem no adda coma kinadakes caniac, sica met laeng ti mangpatay caniac; ta apayapay yegnac pay laeng coma ken amam?
9Ket ni Jonatan kinunana, Dayta adayu coma kenca; ta no iti apagapaman maammoac coma a ti dakes nakedngan gapu ken amac a maipatay kenca, isu diac ngarud ibaga kenca?
10Idin ni David kinunana ken Jonatan, Asino ti mangibaganto caniac no cas pagarigan ni amam sungbatannaca a sigugubsang?
11Ket ni Jonatan kinunana ken David, Umayca ket rumuarta iti away. Ket napanda nga agpadpada iti away.
12Ket ni Jonatan kinunana ken David, Ni Jehova a Dios ti Israel, agsacsi coma: intono agsaludsudac ken amac cadagitoy a tiempo intono bigat, wenno iti maicatlo nga aldaw, adtoy, no adda imbag a maiturong ken David, diacto ngarud ibaon kenca, ken isu ipalgacco #bil. 2.kenca?
13Ni #Rut. 1:17.Jehova aramidenna ti casta ken Jonatan ken ad-adda pay met, no pagrayoan coma ni amac ti panangaramidna iti dakes kenca, no isu diac coma ipalgac kenca, ken papanawenca, tapno mabalinmo ti mapan a sitatalna: ket ni #Jos. 1:15, 17. 1 Sam. 17:37. 1 Ar. 1:37. 1 Cron. 22:11, 16.Jehova adda coma kenca, a cas caaddana idi ken amac.
14Ket sica saan laeng a iti bayat iti panagbiagco ti pangiparangamto caniac iti naayat a kinaimbag ni Jehova, tapno diac matay;
15 #
2 Sam. 9:1, 3, 7; 21:7. No di ket dicanto met iccaten ta kinaimbagmo iti balayco iti agnanayon; saan, saan uray intono ni Jehova iccatenna dagiti cabusor ni David tunggal maysa iti rabaw ti daga.
16Iti casta ni Jonatan nagaramid ti maysa a tulag iti balay ni David, a kinunana, Ket ni Jehova, #Jos. 22:23. 1 Sam. 25:22.sapulennanto daytoy babaen iti ima dagiti cabusor ni David.
17Ket ni Jonatan pinagsapatana manen ni David, #1 Sam. 18:1.gapu iti ayat nga ipaayna kencuana: ta isu inayatna a cas iti cararuana met laeng.
18Idin ni Jonatan kinunana kencuana, Intono #bil. 5.bigat isu ti lutuad: ket sica madillawcanto, agsipud ta ti tugawmo malengngawanto.
19Ket intono nacapagtaengca iti tallo nga aldaw, sumalogcanto a madaras unay, ket umayca iti #1 Sam. 19:2.lugar a naglemmengam idi ta ti panggep agdinama ket agbaticanto iti denna ti bato nga Ezel.
20Ket mangipanaacto cadagiti tallo a pana iti sikiganna, a cas laeng no agpanaac iti maysa a pagsursuroan.
21Ket adtoy, ibaonconto ti bumbumaro, a cunac, Inca sapulem dagiti pana. No cunac iti bumbumaro, Adtoy, dagiti pana addada ditoy a sikigam; alaem ida, ket umayca; gapu iti dayta adda talna kenca ket awan ti ranggas, cas ni Jehova sibibiag.
22Ngem no cunac ti castoy iti bumbumaro, Adtoy, dagiti pana addada iti labesmo; inca iti dalanmo; ta ni Jehova pinapanawnaca.
23 # bil. 14:15. Ket no maipapan iti panggep a sica ken siac sinaritata, adtoy, ni Jehova adda iti nagbaettanta iti agnanayon.
24Iti casta ni David naglemmeng iti away: ket idi dimteng ti lutuad, ti ari nagtugaw a mangan idi taraon.
25Ket ti ari timmugaw iti tugawna, a cas cadagiti sabali a tiempo, iti rabaw met laeng ti tugaw iti denna ti pader: ket ni Jonatan nagtacder, ket ni Abner nagtugaw iti abay ni Saul: ngem ti lugar ni David lengngaw idi.
26Nupay casta awan ti aniaman nga insao ni Saul iti daydi nga aldaw: ta pinanunotna, Adda ngata napasamac kencuana, isu saan a nadalus; awan duadua nga #Luc. 7:21; 11:24-28; 15:4, 5.isu saan a nadalus.
27Ket naaramid iti bigat iti calpasan ti lutuad nga isu idi ti maicadua nga aldaw, a ti lugar ni David lengngaw idi: ket ni Saul kinunana ken Jonatan nga anacna, Apayapay a ti anac a lalaki ni Isai saan nga immay a mangan, uray idi calman, uray ita nga aldaw?
28Ket ni #bil. 6.Jonatan simmungbat ken Saul, Ni David sigagagar a nagdawat ti ipapanawna caniac a mapan idiay Betlehem:
29Ket isu kinunana, Agdawatac kenca, Palubosannac coma a mapan, ta ti familiami addaan iti maysa a sacrificio iti ili; ket ti cabsatco a lalaki, isu binilinnac nga addaac coma idiay: ket ita no nacasaracac ti parabur cadagiti matam, agdawatac kenca, palubosannac coma a mapan, ket kitaec dagiti cacabsatco. Gapuna a saan nga umay iti lamesaan ti ari.
30Idin ti pungtot ni Saul simged a maibusor ken Jonatan, ket kinunana kencuana, Sica anac ti maysa a dakes ken nasukir a babai, diac ammo aya a sica pinilim ti anac a lalaki ni Isai a pacabainamto met laeng, ken pacabainanto ti ibain ni inam?
31Ta bayat ti panagbiag ti anac ni Isai iti rabaw ti daga, sica dicanto mabangon, uray ti pagariam. Gapuna ita agbaonca, ket isu payegmo caniac, ta #1 Sam. 26:16. 2 Sam. 12:5.matayto a di bumurong.
32Ket ni Jonatan simmungbat ken Saul nga amana, ket kinunana kencuana, #1 Sam. 19:5.Apayapay a mapapatayto? ania aya ti inaramidna?
33 #
1 Sam. 18:11; 19:10. Ket ni Saul ingayangna di gayangna kencuana a pangcabilna kencuana; isu a #bil. 7.nacaammoan ni Jonatan a nakedngan idi gapu ken amana a mapapatay ni David.
34Iti casta ni Jonatan timmacder idi lamesaan iti sibabara a pungtot, ket saan idi a nangan iti taraon idi maicadua nga aldaw ti bulan; ta napaliday gapu ken David, agsipud ta isu binabain ni amana.
35Ket naaramid iti bigat, a ni Jonatan rimmuar iti away iti tiempo a natudingan ken David, ket maysa a bumbumaro ti caduana.
36Ket kinunana idi bumbumaro, Tumarayca, sapulem ita dagiti pana nga ipanac. Ket idi a timmaray ti bumbumaro, isu nangipana iti maysa a pana idi labesna.
37Ket idi a ti bumbumaro dimteng iti lugar ti pana nga impana ni Jonatan, ni Jonatan pinuccawanna ti bumbumaro, ket kinunana, Saan nga adda ti pana ita #bil. 22.labesmo?
38Ket ni Jonatan pinuccawanna ti bumbumaro, Agsiglatca, agdarasca, dica agtactac. Ket ti bumbumaro ni Jonatan inurnongna dagiti pana ket immay ken apona.
39Ngem ti bumbumaro dina naammoan ti uray aniaman: da laeng Jonatan ken David ti macaammo idi iti panggep.
40Ket ni Jonatan intedna dagiti igamna idi bumbumarona, ket kinunana kencuana, Inca, ipanmo ida iti ili.
41Ket apaman a ti bumbumaro nacapanaw, ni David timmacder a naggapu idi maysa a lugar nga agturong iti Abagatan, ket nagpacleb ti rupana iti daga, ket nagrucnoy iti namitlo: ket isuda naginnagecda ti maysa ken maysa, ket nagsangit ti maysa ken maysa, agingga ni David napalpalalo.
42Ket ni Jonatan kinunana ken David, #bil. 13. 1 Sam. 1:17.Inca a sitatalna, gapu ta cas insapatata nga agpadpada iti nagan ni Jehova, a kinuna, Ni Jehova addanto iti baetta, ken iti putotco ken iti putotmo iti agnanayon. Ket isu timmacder ket pimmanaw: ket ni #1 Sam. 23:16.Jonatan simrec iti ili.
Currently Selected:
I SAMUEL 20: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
