I SAMUEL 16

Ni Samuel pulotanna ni David; mapili a mamaragsac ken Saul; agbalin nga agawawit cadagiti igam ni Saul.

1Ket ni Jehova kinunana ken Samuel, #1 Sam. 15:35.Casano ti cabayag ti panangdungdung-awmo ken Saul, idinto nga isu #1 Sam. 15:23, 26.binaybay-ac manipud iti panagarina iti Israel? #1 Sam. 10:1.punnoem ta saram iti lana, ket inca: ibaoncanto ken Isai a Betlehemita; #Sal. 78:70; 89:19, 20. D. Ara. 13:22.ta nangisaganaac iti maysa nga ari cadagiti annacna a lallaki.

2Ket ni Samuel kinunana, Casano ti ipapanconto? No ni Saul matimudna, papatayennacto. Ket ni Jehova kinunana, Mangicuyogca kenca iti maysa a bumalasang a vaca, ket cunam, Umayac nga #1 Sam. 9:12.agdaton ken Jehova.

3Ket ayabam ni Isai iti panagidaton, ket #Ex. 4:15.iparangconto kenca no ania ti aramidemto: ket #1 Sam. 9:16.pulotamto caniac daydiay nga inaganac kenca.

4Ket ni Samuel inaramidna daydi imbaga ni Jehova ket immay iti Betlehem. Ket dagiti lallacay ti ili immayda simmabet kencuana nga agpigpigergerda, ket kinunada, Umayca a #1 Ar. 2:13.sicacappia?

5Ket isu kinunana, Sicacappia; umayac agdaton ken Jehova, #Jos. 3:5.santificarenyo dagiti bagbagiyo, ket umaycayo cumuyog caniac iti panangidaton. Ket isu sinantificarna da Isai ken dagiti annacna a lallaki, ket inayabanna ida iti panangidaton.

6Ket naaramid, idi immayda, nga isu kinitana ni #1 Cron. 27:18.Eliab, ket kinunana, Awan duadua ti pinulotan ni Jehova adda iti sangona.

7Ngem ni Jehova kinunana ken Samuel, Dica kitaen ti #Sal. 147:10, 17.langana, wenno iti cangato ti kinatayagna: agsipud ta isu saanco nga awaten; ta ni Jehova saan a cumita a cas iti ikikita ti tao; ta ti tao kitaenna iti akinruar a panagparang, ngem ni Jehova kitaenna ti puso.

8Idin ni Isai inayabanna ni #1 Sam. 18:10; 19:9.Abinadab, ket isu pinalasatna iti sango ni Samuel. Ket isu kinunana, Uray daytoy saan a pinili ni Jehova, saan a pinili ni Jehova.

9Idin ni Isai pinalasatna ni #1 Sam. 17:32, 34, 36.Samma. Ket isu kinunana, Uray daytoy ni Jehova saanna a pinili.

10Ket ni Isai pinaglasatna ti pito cadagiti annacna iti sango ni Samuel. Ket ni Samuel kinunana ken Isai, Ni Jehova dina pinili dagitoy.

11Ket ni Samuel kinunana ken Isai, Addadan ditoy dagiti isu-amin nga annacmo? Ket isu kinunana, Adda pay laeng ti caubingan, ket, adtoy, isu aywananna dagiti carcarnero. Ket ni Samuel kinunana ken Isai, #Sal. 78:70, 71.Agbaonca, ket isu paalam; ta ditayto tumugaw agingga iti macaay ditoy.

12Ket isu nagbaon, ket isu inyegna. Isu #1 Sam. 17:42.lumabaga idi, ken addaan pay #Gen. 39:6.nataer a langa ket napintas ti buyana. #1 Sam. 9:17.Ket ni Jehova kinunana, Tumacderca, isu pulotam; ta isu daytoy.

13Idin ni Samuel innalana ti sara ti lana, ket isu pinulotanna iti tengnga dagiti cacabsatna: ket ti #Oc. 3:10.Espiritu ni Jehova immay a sipipigsa unay ken David nanipud iti daydi nga aldaw ken calpasanna. Iti casta ni Samuel timmacder, ket napan idiay Rama.

14 # 1 Sam. 18:12; 28:15. Ngem ti Espiritu ni Jehova pimmanaw ken Saul, ket maysa nga espiritu a dakes a gapu ken Jehova ti #Oc. 9:23.nangriribuc kencuana.

15Ket dagiti ad-adipen ni Saul kinunada kencuana, Adtoy ita, maysa nga espiritu a dakes a gapu ken Jehova ti mangriribuc kenca.

16Bilinen coma ni apomi dagiti ad-adipenmo, nga addada iti sangom, tapno mangsapulda iti maysa a lalaki, isu a nalaing nga agtocar iti arpa: ket maaramidto, a no ti dakes nga espiritu a gapu ken Jehova rumabaw kenca, nga isu #1 Sam. 18:10; 19:9.agtocarto iti pannacaaramat ti imana, ket sumayaatcanto.

17Ket ni Saul kinunana cadagiti adipenna, Isapulandac iti maysa a lalaki a macabalin nga agtocar a nalaing, ket isu yegyo caniac.

18Idin simmungbat ti maysa cadagiti agtutubo a lallaki, ket kinunana, Adtoy nakitac ti maysa nga anac a lalaki ni Isai a Betlehemita, nga isu ti maysa a nalaing iti panagtocar, ken maysa a lalaki a #1 Sam. 17:32, 34, 36.mannacabalin ken maingel, ken maysa a lalaki ti gubat, ken manakem iti panagbitla, ken maysa a nataer a tao, ket ni #1 Sam. 3:19; 18:12, 14.Jehova adda kencuana.

19Gapuna a ni Saul nangibaon cadagiti babaonen ken Isai, ket kinunana, #bil. 11. 1 Sam. 17:15, 34.Ibaonmo caniac ni David nga anacmo, nga adda cadagiti carnero.

20Ket ni Isai nangala iti maysa nga #1 Sam. 10:27.asno a napaawitan iti tinapay, ken sangasupot a lalat nga arac, ken maysa a calding a bassit, ket impawitna ida ken Saul iti ima ni David nga anacna.

21Ket ni David immay ken Saul, ket #Gen. 41:46. Deut. 1:38. 1 Ar. 10:8.nagtacder iti sangona: ket ni Saul inayatna iti casta unay; ket nagbalin nga agawawit cadagiti igamna.

22Ket ni Saul nagbaon ken Isai, a kinunana, Agdawatac kenca, palubosam coma ni David nga agtacter iti sangoanac; ta nacasarac iti parabur iti imatangco.

23Ket naaramid, a no ti #bil. 14, 16. dakes nga espiritu gapu iti Dios napataud ken Saul, a ni David innalana ti arpa, ket nagtocar babaen cadagiti imana: iti casta ni Saul nabangaran, ken simmayaat, ket ti dakes nga espiritu pimmanaw kencuana.

Currently Selected:

I SAMUEL 16: TB1973

Highlight

Copy