I SAMUEL 15

Ni Jehova ibilinna ti panangcabil iti Amalec. Ni Saul dina tungpalen ti isu-amin a maipapan iti Amalec. Ni Samuel tubngarenna ket ti Dios baybay-anna ni Saul. Ni Agag napapatay.

1Ket ni Samuel kinunana ken Saul, Ni Jehova #1 Sam. 9:16.imbaonnac idi a nangpulot kenca nga agari iti ilina, iti Israel: ita ngarud ipangagmo ti timec dagiti sasao ni Jehova.

2Castoy ti cuna ni Jehova dagiti buybuyot, Siac tinandaanac daydi nga inaramid ti Amalec iti Israel, #Ex. 17:8; 14:16. Num. 14:45; 24:20. Deut. 25:17, 19. Oc. 3:13.no casano ti panangisaadna iti bagina a maibusor kencuana iti dalan, idi simmangpet a naggapu iti Egipto.

3Ita inca ket cabilem ti Amalec, ket #Lev. 27:28, 29. Jos. 6:17, 21.dadaelem nga ikisap amin nga icutanna, ket dica isakit ida; no di ket patayem nga agpadpada ti lalaki ken babai, ubing ken agsuso, vaca ken carnero, camello ken asno.

4Ket ni Saul pinaayabanna dagiti tattao ket binilangna ida idiay Telaim, dua gasut a ribu a magmagna, ken sangapulo a ribu a lallaki ti Juda.

5Ket ni Saul immay iti ili ti Amalec, ket nagsaneb iti lobong.

6Ket ni Saul imbagana cadagiti #Oc. 1:16. 1 Sam. 27:10.Cineo, Incayo, pumanawcayo, sumalogcayo manipud iti tengnga dagiti Amalecitas, di la ket ta siac dadaelencayo a maicanunung cadacuada; ta dacayo #Ex. 18:10, 19. Num. 10:29, 32. bil. 9, 21.imparangyo ti kinaimbag cadagiti annac ti Israel, idi simmang-atda a naggapu sadi Egipto. Iti casta dagiti Cineo pimmanawda nanipud iti tengnga dagiti Amalecitas.

7Ket ni Saul kinabilna dagiti Amalecitas, manipud Havila iti dalan nga agturong idiay #Gen. 2:11; 16:7. 1 Sam. 27:8.Shur, nga adda iti sango ti Egipto.

8Ket isu innalana ni Agag nga ari dagiti Amalecitas a sibibiag, ket #1 Sam. 30:1.dinadaelna nga inkisap ti amin nga umili iti tadem ti campilan.

9Ngem ni Saul ken dagiti tattao #bil. 3, 15. 1 Sam. 28:18.insakitda ni Agag, ken ti casayaatan unay cadagiti carcarnero ken vacvaca, ken cadagiti napalucmeg, ken cadagiti cordero, ken amin a nasayaat idi, ket dida kinayat a dinadael nga inkisap ida: ngem isu-amin a nacas-ang ken dakes dinadaelda nga inkisap.

10Idin immay ti sao ni Jehova ken Samuel, a kinunana,

11 # bil. 35. Gen. 6:6. Oc. 28:18. 2 Sam. 24:16. Pagbabawiennac ti panangisaadco idi ken Saul nga agari; ta isu timmallicod manipud iti isusurotna caniac, ket dina tinungpal dagiti bilbilinco. Ket ni Samuel nagpungtot; ket immasug ken Jehova iti nagpatnag iti daydi a rabii.

12Ket ni Samuel bimmangon iti nasapa a mangsarac ken Saul iti bigat; ket naibaga ken Samuel, a nacuna, ni Saul #Jos. 15:55.immay iti Carmelo, ket, adtoy, nangibangon kencuana iti maysa a monmon, ket nagsicco, ket nagna, ket simmalog agingga iti Gilgal.

13Ket ni Samuel immay ken Saul; ket ni Saul kinunana kencuana, #Rut. 2:20.Benditoca coma ken Jehova: tinungpalco ti bilin ni Jehova.

14Ket ni Samuel kinunana, Ania ti caipapanan ngarud dagitoy a panagem-emmac dagiti carcarnero cadagiti lapayagco, ken ti panagem-emmac dagiti vacvaca a mangegco?

15Ket ni Saul kinunana, Innalada ida cadagiti Amalecitas: #bil. 9, 21.ta dagiti tattao incanawada ti casayaatan unay cadagiti carcarnero kenca dagiti vacvaca, nga idaton ken Jehova a Diosmo; ket ti natda dinadaelmi nga inkisap.

16Idin ni Samuel kinunana ken Saul, Agurayca, ket ibagacto kenca no ania ti kinuna caniac ni Jehova itay a rabii. Ket isu kinunana kencuana, Agsaoca laeng.

17Ket ni Samuel kinunana, #1 Sam. 9:21.Nupay sica bassitca idi iti imatangmo met laeng, saanca aya a naaramid nga olo dagiti capcaputotan ti Israel? Ket ni Jehova pinulotannaca nga agari iti Israel;

18Ket ni Jehova imbaonnaca iti maysa a pannagna, ket kinunana, Inca, ket dadaelem nga ikisap dagiti managbasol nga Amalecitas, ket makigubatca a maibusor cadacuada agingga iti maibusda.

19Apayapay ngarud a dica tinungpal ti timec ni Jehova, no #1 Sam. 14:32.di ket timmarayca a nagala iti samsam, ket inaramidmo daydi a dakes iti imatang ni Jehova?

20Ket ni Saul kinunana ken Samuel, Wen, nagtulnogac iti timec ni Jehova, ket nagnaac iti dalan a nangibaonan caniac ni Jehova, ket innalac ni Agag nga ari ti Amalec, ket dinadaelco nga inkisap dagiti Amalecitas.

21Ngem dagiti tattao innalada a naggapu iti samsam, dagiti carcarnero ken vacvaca, ti cangronaan cadagiti banbanag a naipaay, tapno idatonda ken Jehova a Diosmo idiay Gilgal.

22Ket ni Samuel kinunana, #Sal. 40:6-8; 50:8, 9. Prov. 21:3. Isa. 1:11-17. Jer. 7:22-23. Heb. 10:6-9.Addaan aya ni Jehova iti dacdackel a ragsac cadagiti daton a mapuuran ken sacrificio, ngem iti panagtulnog iti timec ni Jehova? Adtoy, ti #Ex. 5:1. Os. 6:6. Mik. 6:6-8. Mat. 9:13; 12:7. Mar. 12:33.panagtulnog naim-imbag ngem iti sacrificio, ken panangipangag ngem iti kinalucmeg dagiti carcarnero a lallaki.

23Ta ti kinasukir isu ti cas iti basol a panangcuculam, ket ti kinasungit isu ti cas panagrucbab cadagiti ladladawan ken didios. Agsipud ta sica binaybay-am ti sao ni Jehova, isu #1 Sam. 13:14.binaybay-annaca met manipud iti kinaarim.

24Ket ni Saul kinunana ken Samuel, Siac nacabasolac, ta #1 Sam. 26:21.linabsingco ti bilin ni Jehova, ken dagiti sasaom, agsipud ta nagbutengac cadagiti tattao, ken nagtulnogac iti timecda.

25Gapuna ita, dawatec kenca, pacawanem ti basolco, ket makipagsublica manen caniac, tapno agcararagac coma ken Jehova.

26Ket ni Samuel kinunana ken Saul, Diacto makipagsubli kenca; ta sica #bil. 23. 1 Sam. 16:1.binaybay-am ti sao ni Jehova, ket ni Jehova binaybay-annaca manipud iti kinaarim iti Israel.

27Ket idi a ni Samuel timmallicud a pumanaw, ni Saul #1 Ar. 11:31.kinapetna ti pingil ti lambonna, ket napigis.

28Ket ni Samuel kinunana kencuana, Ni Jehova #1 Sam. 28:17, 18.pinigisna ti pagarian ti Israel manipud kenca ita nga aldaw, ket isu intedna iti maysa a caarrobam, a naim-imbag ngem sica.

29Ken castamet ti Kinabileg ti Israel dinto #Num. 23:19.agulbod ken dinto met agbabawi; ta isu saan a maysa a tao, tapno agbabawi coma.

30Idin isu kinunana, Nacabasolac: nupay casta dawatec kenca, padayawannac coma ita; iti sango dagiti lallacay ti ilic, ken iti sango ti Israel, ket #bil. 25.makipagsublica caniac, tapno, agcararagac coma ken Jehova a Diosmo.

31Iti casta ni Samuel nakipagsubli manen ken Saul; ket ni Saul nagcararag ken Jehova.

32Iti casta kinuna ni Samuel, Yegco caniac ditoy ni Agag nga ari dagiti Amalecitas. Ket ni Agag immay a siraragsac kencuana. Ket ni Agag kinunana, Awan duadua nalasat ti kinapait ni patay.

33Ket ni Samuel kinunana, #Oc. 1:7.No casano ti panangaramid idi ta campilanmo cadagiti babbai a naawanan annac, casta met ni inam maawananto iti anacna iti nagtengngaan dagiti babbai. Ket ni #Oc. 8:21.Samuel rinangcayna ni Agag iti sango ni Jehova idiay #bil. 12, 21.Gilgal.

34Idin ni Samuel napan idiay #1 Sam. 1:19.Rama; ket ni Saul simmang-at iti balayna idiay Gabaa ni Saul.

35Ket ni Samuel saan nga immayen a kimmita ken Saul agingga iti aldaw ti ipapatayna; #1 Sam. 16:1.ta ni Samuel nagdungdung-aw gapu ken Saul: ket ni Jehova #bil. 11.nagbabawi iti panangaramidna ken Saul nga agari iti Israel.

Currently Selected:

I SAMUEL 15: TB1973

Highlight

Copy