I SAMUEL 14

Ti balligi ni Jonatan idiay Micmas. Ti gubat idiay Bet-aven. Ti panangisapata ni Saul, ken ti panaglabsing ni Jonatan. Ni Jonatan makedngan a matay ngem dagiti tattao isu ti ispalenda.

1Napasamac iti maysa nga aldaw, a ni Jonatan nga anac a lalaki ni Saul kinunana idi agtutubo a lalaki nga agawawit cadagiti igamna, Umayca, ket umallatiwta coma iti agbantay a buyot dagiti Filisteos, nga adda idiay a bangir. Ngem dina imbaga ken amana.

2Ket ni Saul naggian iti caadayuan a paset ti #Jos. 18:28.Gabaa iti siroc ti cayo a #Oc. 4:5.granado nga adda idiay Migron: ket dagiti tattao nga adda idi kencuana #1 Sam. 13:15.aginnem a gasutda a lallaki;

3Ket ni #1 Sam. 22:9, 11, 20.Ahias, nga anac a lalaki ni Ahitob, a #1 Sam. 4:21.cabsat a lalaki ni Icabod, nga anac a lalaki ni Finees nga anac a lalaki ni Eli, a padi ni Jehova idiay Silo, #1 Sam. 2:28.nagcawes iti maysa nga efod. Ket dagiti tattao dida naammoan a ni Jonatan napan.

4Ket ti baet dagiti wangawangan a sinapul idi ni Jonatan nga allatiwan iti #1 Sam. 13:23.agaywan a buyot dagiti Filisteos, adda idi maysa a gangal a natirad iti maysa a bangir, ken maysa a gangal a natirad iti sabali a bangir: ket ti nagan ti maysa Boses, ket ti nagan ti sabali Sene.

5Ti maysa a gangal tumacder iti amianan iti sango ti Micmas, ket ti sabali iti abagatan iti sango ti Gabaa.

6Ket ni Jonatan kinunana idi agtutubo a lalaki nga agawawit cadagiti igamna, Umayca, ket umallatiwta coma iti a buyot agbantay dagitoy #Oc. 14:3.di nacugit: nalabit a ni Jehova agaramidto gapu cadata; ta awan ti manglapped ken Jehova iti #Oc. 7:4, 7. 2 Cron. 14:11.panangisalacanna iti pannacaaramat iti adu wenno bassit.

7Ket daydi agawawit cadagiti igamma kinunana kencuana, Aramidem amin nga adda ita pusom: tumaliawca, adtoy, addaac kenca a siaannurot ita pusom.

8Idin kinuna ni Jonatan, Adtoy umallatiwtanto cadagiti tattao, ket agparangtanto cadacuada.

9No saoenda ti castoy cadata, Aguraycayo agingga iti yaaymi cadacayo; iti casta agtacdertanto a siiintec cadagiti yanta met laeng, ket ditanto sumang-at cadacuada.

10Ngem no saoendanto ti castoy, Sumang-atcayo cadacami, sumang-attanto ngarud; ta ni #bil. 12.Jehova inyawatna ida cadagiti imimata: #Gen. 24:14. Oc. 7:11.ket daytoy isunto ti pagilasinan cadata.

11Ket isuda a dua nagparangda iti agaywan a buyot dagiti Filisteos: ket dagiti Filisteos kinunada, Adtoy, dagiti Hebreo rumuarda cadagiti gucgucayab a naglemmenganda.

12Ket dagiti tattao ti buyot nga agbantay simmungbatda cada Jonatan ken daydi agawawit cadagiti igamna, ket kinunada, Sumang-atcayo cadacami, ket iparangminto cadacayo ti maysa a banag. Ket ni Jonatan kinunana idi agawawit cadagiti igamna, Sumang-atca iti licudac: ta ni Jehova inyawatna ida iti ima ti Israel.

13Ket ni Jonatan incalabcabna dagiti im-imana ken sacsacana, ket daydi agawawit cadagiti igamna idi licudanna: ket isuda napasagda iti sango ni Jonatan: ket daydi agawawit cadagiti igamna patayenna idi ida iti licudanna.

14Ket daydi immuna a panagpapatay, nga inaramid da Jonatan ken daydi agawawit cadagiti igamna, agduapuloda a lallaki, iti uneg ti cas maysa a caguddua ti pagatiddagan ti maysa a gurit iti maysa nga #Acre: dua nga apagcalima ti maysa nga hectarea.acre ti daga.

15Ket adda idi maysa a mamagtayegteg iti pacarso, idi away, ken iti nagtengngaan dagiti amin a tattao; ti #1 Sam. 13:17.buyot nga agbantay, ken dagiti managsamsam, nagpigergerda met; ket ti daga #1 Sam. 35:3.nagkintayeg: iti casta adda idi naindaclan a panagpigerger.

16Ket dagiti lallaki a pagwanawanen ni Saul idiay Gabaa ti Benjamin kimmitada; ket, adtoy, a ti umasiwecwec #bil. 19:20. Jos. 2:9. Isa. 16:8.nasayyasayyada, ket isuda napanda ket naiwaraswarasda.

17Idin kinuna ni Saul cadagiti tattao nga adda idi kencuana, Agbilangcayo ita, ket kitaenyo no siasino ti napan a naggapu cadatayo. Ket idi a nacabilangda, adtoy, ni Jonatan ken ti agawawit cadagiti igamna awanda idi idiay.

18Ket ni Saul kinunana ken Ahias, Yegmo ditoy ti lacasa ti Dios. Ta ti lacasa ti Dios adda idi idiay iti daydi a tiempo cadagiti annac ti Israel.

19Ket naaramid iti bayat a ni Saul #Num. 27:21.agsasao idi iti padi, a daydi gulogulo nga adda idi iti pacarso dagiti Filisteos nagtuloy ken dimmegdeg: ket ni Saul kinunana idi padi, Cucotem ta imam.

20Ket ni Saul ken amin a tattao nga adda idi kencuana naururnongda, ket immayda iti gubat: ket, adtoy, ti #Oc. 7:22. 2 Cron. 20:23.campilan ti tunggal lalaki maibusor idi iti cadduana, ket adda idi maysa a dackel a #Deut. 28:20.pannacariribuc.

21Idin dagiti #1 Sam. 13:7.Hebreo a nakicaddua idi cadagiti Filisteos cas idi unana a tiempo, ket nakipagsang-atda cadacuada iti pacarso, a naggapu iti daga a naglawlaw, uray isuda met nagsublida cadagiti Israelitas nga adda idi ken ni Saul ken ni Jonatan.

22Casta met dagiti isu-amin a lallaki ti Israel a #1 Sam. 13:6.naglemmeng idi iti #Jos. 24:33.caturodan ti Efraim, idi a nangngegda a dagiti Filisteos nagtarayda, uray isuda kimmamatda met a siinget cadacuada iti paggugubatan.

23 # Ex. 14:30. Iti casta ni Jehova insalacanna ti Israel iti daydi nga aldaw: ket ti bacal immallatiw idiay #Jos. 7:2. 1 Sam. 13:5.Bet-aven.

24Ket dagiti tattao ti Israel naparigatda iti daydi nga aldaw; ta ni Saul #Jos. 6:26.pinagsapatana dagiti tattao, a kinunana, Mailunod ti lalaki a mangan iti uray aniaman a taraon agingga iti rumabii, ket siac macabalesac cadagiti cabusorco. Iti casta awan cadagiti tattao ti nangraman iti taraon.

25Ket amin nga umili immay iti bakir; ket adda idi #Ex. 3:8.diro iti rabaw ti daga.

26Ket idi a dagiti tattao immayda iti bakir, adtoy, ti diro agtedted: ngem awan ti lalaki a nangipisoc ti imana iti ngiwatna; ta dagiti tattao nagbutengda idi iti sapata.

27Ngem ni Jonatan dina nangngeg ni amana idi incumitna cadagiti tattao iti sapata: gapuna nga isu inyunatna ti murdong ti sarucod nga adda iti imana, ket isu ti intanebna iti #C. ni Sal. 5:1.rara, ket incabilna iti ngiwatna; ket dagiti matana naglawagda.

28Idin simmungbat ti maysa cadagiti tattao, ket kinunana, Ni amam incumitna iti nairut unay cadagiti tattao ti maysa a sapata, a kinunana, Mailunod ti tao a mangan iti taraon iti daytoy nga aldaw. Ket dagiti tattao #bil. 31. Oc. 4:21.napacsuyanda idi.

29Idin ni Jonatan kinunana, Ni amac riribukenna ti daga: Dawatec cadacayo, kitaenyo no casano ti panaglawag dagiti matac, gapu ta nangramanac iti sangcabassit itoy diro.

30Dinto ngarud ad-adda, no cas pagarigan dagiti tattao nanganda coma a siwawaya ita nga aldaw iti samsam cadagiti cabusorda a nasaracanda? ta ita awan ti dackel a panagpapatay iti tengnga dagiti Filisteos.

31Ket kinabilda dagiti Filisteos iti daydi nga aldaw nanipud #1 Sam. 13:2.Micmas agingga iti #Jos. 10:12.Ajalon. Ket dagiti tattao napacsuyanda idi.

32 # 1 Sam. 15:19. Ket dagiti tattao nagtarayda iti samsam, ken nangala cadagiti carcarnero, ken vacvaca, ken ur-urbon dagiti vaca, ket pinartida ida iti daga; ket dagiti tattao kinnanda ida #Lev. 3:17.agraman dara.

33Idin imbagada ken Saul, a kinunada, Adtoy dagiti tattao agbasolda iti maicaniwas ken Jehova, ta iti daydiay canenda agraman dara. Ket isu kinunana, Dacayo nagaramidcayo a sililiput: mangitulidcayo iti maysa a dackel a bato caniac ita nga aldaw.

34Ket ni Saul kinunana, Agwarascayo iti tengnga dagiti tattao, ket cunayo cadacuada, Mangyeg caniac ti tunggal tao ti vacana, ken tunggal tao ti carnerona, ket patienyo ida ditoy, ken canenyo; ket dicayo agbasol iti maibusor ken Jehova iti pananganyo agraman dara. Ket amin dagiti tattao incuyogna kencuana tunggal tao ti vacana idi a rabii, ket pinartida ida idiay.

35 # bil. 33. 1 Sam. 7:17. Ket ni Saul nangbangon iti maysa nga altar ken Jehova: isu met laeng ti immuna nga altar a binangonna ken Jehova.

36Ket ni Saul kinunana, Sumalogtayo nga agsurot cadagiti Filisteos iti rabii, ket agsamsamtayo iti tengngada agingga iti aglawag ti bigat, ket ditayo coma mangitidda iti uray maysa a tao cadacuada. Ket isuda kinunada, Aramidem ti uray aniaman a pagarupem a naimbag. Iti casta ti #bil. 3, 18, 19.padi, kinunana: Umadanitayo coma ditoy iti Dios.

37Ket ni Saul nagsaludsud iti patigmaan ti Dios, Sumalogacto nga agsurot cadagiti Filisteos? yawatmonto ida iti ima ti Israel? #1 Sam. 28:6.Ngem isu saan a simmungbat kencuana iti daydi nga aldaw.

38Ket ni Saul kinunana, #Jos. 7:14. 1 Sam. 10:19.Umadanicayo ditoy, dacayo amin a #Oc. 20:2.pangpangulo dagiti tattao; ket ammoenyo ken kitaenyo no sadino ti ayan daytoy a basol ita nga aldaw.

39Ta, cas #Rut. 3:13.sibibiag ni Jehova, isu a mangisalacan iti Israel, nupay adda coma ken Jonatan nga anacco, isu pudno a matayto. Ngem awan idi ti maysa a tao iti tengnga dagiti amin a tattao ti simmungbat kencuana.

40Idin kinunana iti amin nga Israel, Agyancayo iti maysa a bangir, ket siac ken ni Jonatan nga anacco agyancamto iti sabali a bangir. Ket dagiti tattao kinunada ken Saul, Aramidem ti pagarupem a naimbag.

41Gapuna a ni Saul kinunana ken Jehova, a Dios ti Israel, Iparangarangmo ti nalinteg. Ket da Saul ken Jonatan naalada gapu iti #Jos. 7:16. 1 Sam. 10:20, 21.gasat; ngem dagiti tattao nacalisida.

42Ket ni Saul kinunana, Pagginnasanggasatendacami siac ken ni Jonatan. Ket ni Jonatan naala.

43Idin ni Saul kinunana ken Jonatan, #Jos. 7:19.Ibagam caniac no ania ti inaramidmo. Ket ni Jonatan #bil. 27.imbagana kencuana ket kinunana, Siac pudno a rinamanac ti bassit a diro iti murdong ti sarucod nga adda idi iti imac; ket, adtoy, rebbengco ti matay.

44Ket ni Saul kinunana, Ti #Rut. 1:17.Dios aramidenna a casta ken ad-adda pay #bil. 39.ta sica; mataycanto a di-bumurong, Jonatan.

45Ket dagiti tattao kinunada ken Saul, Matayto aya ni Jonatan, a nangaramid iti daytoy dackel a pannacaisalacan iti Israel? Adayu iti dayta: cas #Rut. 3:13.sibibiag ni Jehova, awanto ti maysa a buoc ti olona a #2 Sam. 14:11. 1 Ar. 1:52. Mat. 10:30. Luc. 12:7; 21:18. D. Ara. 27:34.matnag iti daga; ta isu nakipagaramid iti Dios ita nga aldaw. Iti casta dagiti tattao sinalacnibanda ni Jonatan, nga isu saan a natay idi.

46Idin ni Saul simmang-at a naggapu iti panangsurotna cadagiti Filisteos; ket dagiti Filisteos napanda iti lugarda met laeng.

47Idi a ni Saul naalana ti pagarian iti Israel, nakigubat a maicaniwas cadagiti amin a cabcabusorna iti tunggal sikigan, maibusor iti Moab, ken maibusor cadagiti annac ni #1 Sam. 11:11.Ammon, ken maibusor iti Edom, ken maibusor cadagiti ar-ari ti #2 Sam. 8:3.Soba, ken maibusor cadagiti Filisteos: ket uray sadino a papananna, pinarigatna ida.

48Ket isu nagaramid a siiingel, ket kinabilna dagiti #1 Sam. 15:3-7.Amalecitas, ket insalacanna ti Israel cadagiti ima dagidiay a nangsamsam cadacuada.

49 # 1 Sam. 31:2. 2 Sam. 2:8-10. 1 Cron. 8:33; 9:39. Ket dagiti annac a lallaki ni Saul isuda da Jonatan, ken Isui, ken Melqui-sua; ket dagiti nagnagan dagiti dua nga annacna a babbai isuda idi dagitoy: ti nagan ti inauna #1 Sam. 18:17-19.Merab, ti nagan ti inaudi #1 Sam. 18:20-27. 2 Sam. 3:14; 6:20-23.Micol:

50Ket ti nagan ti asawa ni Saul isu ni Ahinoam nga anac a babai ni Aimaas. Ket ti nagan ti capitan ti buyotna isu ni Abner nga anac a lalaki ni Ner nga uliteg ni Saul.

51Ket ni #1 Sam. 9:1.Cis isu ti ama ni Saul; ket ni Ner, nga ama ni Abner isu ti anac ni Abiel.

52Ket adda idi nacaro a gubat a maibusor cadagiti Filisteos cadagiti amin nga al-aldaw ni Saul: ket idi no ni Saul nacakita iti uray asino a napigsa a lalaki, wenno uray siasino a maingel a lalaki, isu innalana nga agpaay kencuana.

Currently Selected:

I SAMUEL 14: TB1973

Highlight

Copy