1 KORINTH 12
12
1Chun, unauhai, thlarau tieng thilpêk thuhai chu in hriet naw ka nuom nawh.
2Awinawhai in ni lai khan, ieng ang khawma an ṭhuoi ang pei cheu khan, khâng milim rawl neilo tienga khan ṭhuoihmangin in um ti in hriet a.
3Chuleiin, tûkhawmin Pathien thlaraua thu hrilin, “Isu chu ṭawngsephur a nih,” an ti ngai nawh; chun, tûkhawmin Thlarau Inthienga chau naw chun, “Isu chu Lalpa a nih,” an ti thei ngai nawh ti kân hriettir cheu.
4Chun, thilpêk chu a tum tum a um a, Thlarau chu hmunkhat a nih.
5Rawngbâwl dân tum tum khawm a um a; nisienlakhawm, Lalpa chu hmunkhat a nih.
6Sinthaw dân tum tum khawm a um a, Pathien ruok chu hmunkhat a nih, mi po poa iengkim thawtu chu.
7Chun, ṭhathnempui tlâng seng dingin Thlarau inhriettirna chu mi tin kuomah pêk seng a nih.
8Mi pakhat kuomah Thlaraua chun varna thu pêk a nih; mi dang kuomah chu Thlarau thu ma chun hrietna pêk a nih;
9chun, mi dang kuomah chu Thlaraua bawk chun, ringna pêk a nih; mi dang kuomah Thlarau thuhmuna chun sukdam theina pêk a nih;
10mi dang kuomah thilmak thawtheina pêk a nih; mi dang kuomah thuhril theina pêk a nih; mi dang kuomah thlarauhai hriet dik theina pêk a nih; chun, mi dang#Mi pakhat kuomah hnam danghai ṭawng inlet theina, amanih ṭawng chi dang dang pêk a nih kuomah ṭawng hrietlo chi dang danghaia thuhril theina pêk a nih; mi dang kuomah ṭawng hrietlohai hrilfie theina pêk a ni si a;#kuomah ṭawng hrietlo chidang danghaia thuhril Theina pêk anih; mi dang kuomah ṭawnghrietlohai hrilfie theina pêk a ni.
11nisienlakhawm, chuong po po chu Thlarau thuhmun bawk chun, mi tin kuomah a nuom ang peia semin sin a thaw hlak.
Taksaa inthawka inentirna
12 #
Rom 12.4-8
Taksa hi pakhat a na, pêng tamtak a nei a, taksa pênghai po po chu tam hai sienkhawm taksa pumkhat an ni si a; Krista chu chuong ang bawk chu a nih.
13Ei rêngin, Judahai amanih, Grikhai amanih, suok amanih, suok nilo amanih taksa pumkhata um dingin, Thlarau pakhat chauah baptisin ei um seng si a. Thlarau pakhat chau bawk a mîn dâwntir bawk a.
14Taksa hi pêng khat chau a ni si naw a, pêng tamtak a ni lem.
15Kepha hin, “Kut ka ni naw leiin taksaa ṭhang ka ni nawh,” ti sienla, chu lei chun taksaa ṭhang naw a ni chuong nawh.
16Chun, nakâwr hin, “Mit ka ni naw leiin taksaa ṭhang ka ni nawh” ti sienla, chu lei chun taksaa ṭhang naw a ni chuong nawh.
17Taksa pumpui hi mit ni vawng ta sienla, ri hrietna chu khâwlai am ni tâng a ti leh? A pumin ri hrietna ni vawng ta sienla, rim hriet theina chu khâwlai am ni tâng a ti leh?
18Nisienlakhawm, Pathienin pêng tin hi taksaah a nuomna poah ân umtir seng tah a nih.
19Chuongchun, chuong po po chu pêng khat chau ni sienla, taksa hi khâwlai am um a ta?
20Amiruokchu, pêng tamtak an ni lem a; nisienlakhawm, taksa pumkhat chau a ni si a.
21Chun, mit hin kut kuomah, “Ienga khawm hmangna ka nei naw che,” a ti thei nawh; lu khawm hin kephahai kuomah, “Ienga khawm hmangna ka nei naw cheu,” a ti thei bawk nawh.
22Anih, chuong nêk hmanin taksa pêng hrât âwm lova inlanghai hi an pawimaw lem bêk bêk a nih;
23chuongchun, taksa pêng chawimawi tlâk naw lema ei ruothai hi, chuong ngei chu ei chawimawi nasa lem hlak; chuongchun, ei pêng mawinawhai hin mawina nasa lem an hmu hlak;
24ei pêng mawi lemhai ruok chun chuong anga thaw chu an ngai nawh; nisienlakhawm, Pathienin mawina neinaw pêng chu chawimawi nasa lemin taksa hi a rem khâwm a nih;
25taksaa hin inṭhena hrim um lova, pênghai hin inangtaka an inbuoipui tuo seng theina dingin.
26Chuongchun, pêng khatin a tuor chun, pêng po poin an tuorpui hlak, pêng khat chawimawia a um chun, pêng po poin an lâwmpui hlak.
27Chuongchun, nangnirawi hi Krista taksa chu in nih, a pênghai in ni seng bawk a.
28 #
Eph 4.11
Chun, Pathienin ṭhenkhat chu kohran lai a sie a, pakhatnaa chun tirkohai, a pahninaa chun thuhriltuhai, a pathumnaa chun inchûktirtuhai a sie a, chu hnunga chun thilmak thawhai an um a, chu zoa chun sukdam theina thilpêkhai, ṭhangpui theina thilpêkhai, rorêl thiemna thilpêkhai, ṭawng hrietlo chi tum tuma thuhril theina thilpêkhai a um nâwk a.
29An rêngin tirko an ni vawng am a nih? An rêngin thuhriltu an ni vawng am a nih? An rêngin inchûktirtu an ni vawng am a nih? An rêngin thilmak thawtu an ni vawng am a nih?
30An rêngin sukdam theina thilpêk chu an nei vawng am a nih? An rêngin ṭawng hrietlohaiin an hril vawng am a nih? An rêngin thu an hrilfie vawng am a nih?
31Thilpêka ropuitakhai chu châk hle lem ro. Chun, tuhin kawng ṭha nâwk zuol inentir ka ti cheu.
Currently Selected:
1 KORINTH 12: HMOVBSI
Highlight
Share
Copy
Want to have your highlights saved across all your devices? Sign up or sign in
Hmar OV (Re-edited) Bible (Millennium) - Pathien Lekhabu Inthieng
Copyright © Bible Society of India, 2016.
Used by permission. All rights reserved worldwide.
