1 KORINTH 13
13
Hmangaina
1Mihriem ṭawnghai le vântirko ṭawnghaiin thu hril lang khawm, hmangaina ka nei si naw chun dâr inri mei mei amanih, dârbenthek inri mei mei amanih lo nîng ka tih.
2 #
Mt 17.20; 21.21; Mk 11.23 Chun, thu hril theina neiin, thurûk po po le hrietna po po hre vawng lang khawm, tlâng sawn theina khawp hiel ringna famkim nei lang khawm, hmangaina ka nei si naw chun iengkhawm ni naw ning.
3Chun, mi rimsihai châwmna dingin ka sum po po khawm pe vawng lang, ka taksa khawm kâng#Ziek ṭhena chun, “taksa khawm kâng dingin” ti hi, “taksa khawm sukropuina dingin” amanih “chawimawina dingin” ti a nih dingin inpe lang hmangaina ka nei si naw chun, ka ta dingin iengkhawm ṭhahnem naw ni.
4Hmangaina chu a dawthei a, ngil a nei a, hmangainain a îtthîk naw a; hmangaina ama le ama ân pak ngai naw a, a uong naw a,
5a châng mawinaw ngai naw a, mâni hma a siel naw a, a lunginsen nuom naw a, suol tiengah a ngaituo naw a,
6felnawna a lâwm naw a, thutak ruok chu a lâwmpui hlak;
7iengkim a tuor hrâm hrâm a, iengkim a ring a, iengkim a beisei a, iengkim a tuor suo hlak.
8Hmangaina hi iengtik khawm bo naw ni a; amiruokchu, thuhrilna dâm hi um sienla khawm suktâwp la nîng a tih; ṭawng hrietlohai dâm hi um sien khawm la mâng a tih, hrietna hi um sienkhawm sukbân la nîng a tih.
9A kim lovin ei hriet a, a kim lovin thu ei hril bawk hlak a nih;
10a famkim a hung tlung pha ruok chun a kimnaw hi bân ni tâng a tih.
11Ka naupang laiin naupang angin ka ṭawng a, naupang hrietin ka hriet a, naupang ngaituo angin ka ngaituo hlak; tuta ka hung puitling hnung hin naupang thaw dân chu ka bân tah.
12Tuhin chu hlimenah ei hmu rei ruoi a nih, chu chu pha ruok chun inhmatuoin ni tâng a tih. Tuhin chu a kim lovin ei hriet a, chu pha ruok chun hriet kim ka ni ang bawk hin hre kim tâng ka tih.
13Chuongchun, hienghai pathum, ringna dâm, beiseina dâm, hmangaina dâm hi um zing a tih; chun, a hi poa a ropuitak chu hmangaina hi a nih.
Currently Selected:
1 KORINTH 13: HMOVBSI
Highlight
Share
Copy
Want to have your highlights saved across all your devices? Sign up or sign in
Hmar OV (Re-edited) Bible (Millennium) - Pathien Lekhabu Inthieng
Copyright © Bible Society of India, 2016.
Used by permission. All rights reserved worldwide.
