Popular Bible Verses from 1 KORINTH 13

Share

Hmangaina chu a dawthei a, ngil a nei a, hmangainain a îtthîk naw a; hmangaina ama le ama ân pak ngai naw a, a uong naw a, a châng mawinaw ngai naw a, mâni hma a siel naw a, a lunginsen nuom naw a, suol tiengah a ngaituo naw a

iengkim a tuor hrâm hrâm a, iengkim a ring a, iengkim a beisei a, iengkim a tuor suo hlak.

felnawna a lâwm naw a, thutak ruok chu a lâwmpui hlak

Chuongchun, hienghai pathum, ringna dâm, beiseina dâm, hmangaina dâm hi um zing a tih; chun, a hi poa a ropuitak chu hmangaina hi a nih.

Hmangaina hi iengtik khawm bo naw ni a; amiruokchu, thuhrilna dâm hi um sienla khawm suktâwp la nîng a tih; ṭawng hrietlohai dâm hi um sien khawm la mâng a tih, hrietna hi um sienkhawm sukbân la nîng a tih.

Mihriem ṭawnghai le vântirko ṭawnghaiin thu hril lang khawm, hmangaina ka nei si naw chun dâr inri mei mei amanih, dârbenthek inri mei mei amanih lo nîng ka tih.

Chun, thu hril theina neiin, thurûk po po le hrietna po po hre vawng lang khawm, tlâng sawn theina khawp hiel ringna famkim nei lang khawm, hmangaina ka nei si naw chun iengkhawm ni naw ning.

Chun, mi rimsihai châwmna dingin ka sum po po khawm pe vawng lang, ka taksa khawm kâng dingin inpe lang hmangaina ka nei si naw chun, ka ta dingin iengkhawm ṭhahnem naw ni.

Ka naupang laiin naupang angin ka ṭawng a, naupang hrietin ka hriet a, naupang ngaituo angin ka ngaituo hlak; tuta ka hung puitling hnung hin naupang thaw dân chu ka bân tah.