Popular Bible Verses from 1 KORINTH 12

Share

Chun, ṭhathnempui tlâng seng dingin Thlarau inhriettirna chu mi tin kuomah pêk seng a nih.

Chuongchun, nangnirawi hi Krista taksa chu in nih, a pênghai in ni seng bawk a.

Chuongchun, pêng khatin a tuor chun, pêng po poin an tuorpui hlak, pêng khat chawimawia a um chun, pêng po poin an lâwmpui hlak.

Mi pakhat kuomah Thlaraua chun varna thu pêk a nih; mi dang kuomah chu Thlarau thu ma chun hrietna pêk a nih; chun, mi dang kuomah chu Thlaraua bawk chun, ringna pêk a nih; mi dang kuomah Thlarau thuhmuna chun sukdam theina pêk a nih; mi dang kuomah thilmak thawtheina pêk a nih; mi dang kuomah thuhril theina pêk a nih; mi dang kuomah thlarauhai hriet dik theina pêk a nih; chun, mi dang kuomah ṭawng hrietlo chi dang danghaia thuhril theina pêk a nih; mi dang kuomah ṭawng hrietlohai hrilfie theina pêk a ni si a

nisienlakhawm, chuong po po chu Thlarau thuhmun bawk chun, mi tin kuomah a nuom ang peia semin sin a thaw hlak.

taksaa hin inṭhena hrim um lova, pênghai hin inangtaka an inbuoipui tuo seng theina dingin.

Chun, thilpêk chu a tum tum a um a, Thlarau chu hmunkhat a nih. Rawngbâwl dân tum tum khawm a um a; nisienlakhawm, Lalpa chu hmunkhat a nih. Sinthaw dân tum tum khawm a um a, Pathien ruok chu hmunkhat a nih, mi po poa iengkim thawtu chu.

Chun, Pathienin ṭhenkhat chu kohran lai a sie a, pakhatnaa chun tirkohai, a pahninaa chun thuhriltuhai, a pathumnaa chun inchûktirtuhai a sie a, chu hnunga chun thilmak thawhai an um a, chu zoa chun sukdam theina thilpêkhai, ṭhangpui theina thilpêkhai, rorêl thiemna thilpêkhai, ṭawng hrietlo chi tum tuma thuhril theina thilpêkhai a um nâwk a.

Taksa hi pêng khat chau a ni si naw a, pêng tamtak a ni lem.

Anih, chuong nêk hmanin taksa pêng hrât âwm lova inlanghai hi an pawimaw lem bêk bêk a nih

Taksa pumpui hi mit ni vawng ta sienla, ri hrietna chu khâwlai am ni tâng a ti leh? A pumin ri hrietna ni vawng ta sienla, rim hriet theina chu khâwlai am ni tâng a ti leh? Nisienlakhawm, Pathienin pêng tin hi taksaah a nuomna poah ân umtir seng tah a nih. Chuongchun, chuong po po chu pêng khat chau ni sienla, taksa hi khâwlai am um a ta?