1 KORINTH 11
11
1 #
1 Kor 4.16; Phil 3.17 Keiin Krista ka entawn angtak hin, nangni khawmin mi entawn ve ro.
Nuhmei ta dinga lukhum
2Iengkima in mi hriet zing lei le, thurosiehai#11.2 “inchûktirnahai,” ti thei. ka hung hril angtaka in la vawng tlat leiin kân pâk cheu a nih.
3Nisienlakhawm, pasal taphawt lu chu Krista a na, nuhmei#11.3 Pasal nei tah nuhmei, (wife) lu chu a pasal a na, chun Krista lu chu Pathien a nih, ti in hrietchieng ka nuom a nih.
4Pasal tukhawm, lukhum khum puma ṭawngṭai amani, thuhril amani phawt chun, ama lu chu a sukmuolpho a nih.
5Amiruokchu, nuhmei tukhawm, lu inkhum lova ṭawngṭai amani, thu a hril amani chun, a lu a sukmuolpho a nih, ama chu a lu mêt kawl leh thuhmun a nih.
6Nuhmei lukhum khum lova a um si chun, vâw kawl law law raw se; nisienlakhawm, nuhmei ta dingin vâw amanih, ziet kawl amanih inzâpui a um si chun lukhum khum raw se.
7 #
Gen 1.26,27 Pasal ruok chu Pathien angpui le a ropuina a ni leiin, a lu ân khum ding a ni naw a, nuhmei ruok chu pasal ropuina suklangtu a nih.
8 #
Gen 2.18-23
Pasal hi nuhmeia inthawka siem a ni naw a, nuhmei ruok chu pasala inthawka siem a ni lem si a.
9Pasal hi nuhmei ta dinga siem a ni naw a, nuhmei ruok chu pasal ta dinga siem a nih.
10Vântirkohai leiin, nuhmei chu a pasal thuhnuoia um a nih ti inchikna dingin a lu ân khum ding a nih.
11Nisienlakhawm, Lalpaa chun nuhmei hi pasal ṭhang lovin a um thei naw a, pasal khawm nuhmei ṭhang lovin a um thei bawk nawh.
12Nuhmei hi pasala inthawka siem a ni ang bawk hin, pasal khawm chu nuhmeia inthawka pieng a ni si a; nisienlakhawm, thil po po hi Pathiena inthawka suok vawng an nih.
13Nangni ngeiin ngaituo hman ro: Nuhmeiin a lu inkhum lova Pathien kuoma a ṭawngṭai hi a mawi am a ni?
14Pasalin sam sei a put chun, a ta dingin thil inzakum a nih ti in piengpui lungril khawmin ân hriettir naw cheu am a ni?
15Nuhmei ruok chun sam sei a nei chun a ta dinga ropuina a ni lem; a sam chu inkhumna dinga pêk a ni si a.
16Tukhawmin, hi thu hi a lo sêl a ni khawmin, chuong ang bâk chu dân dang hrim ei nei nawh; Pathien kohranhai khawma an nei bawk nawh.#11.16 NRSV a chun, “Tukhawmin, hi thu hi sêl a nuom a ni ruok chun, ser le sâng thila chun, hieng ang thil hi ei nei naw a, Pathien kohranhai khawmin an nei bawk nawh,” tia ziek a nih.
Lalpa Zânbu
(Mt 26.26-29; Mk 14.22-25; Lk 22.14-20)
17Amiruokchu, hieng thu ka ihrilhai cheua hin#11.17 Gr. “Hi thua an hêkna cheuva hin.” kân pâk thei naw cheu a nih, in inkhâwm pha ṭhatpui nêkin in sietpui lem hlak leiin.
18A hmasatakin, kohran anga in inkhâwm chângin nangni lai inṭhena a um hlak ti thu ka lo hriet si a; iemani chenah ka ring deu bawk a nih.
19Nangni laia a taktakhai chu an inlang theina dingin nangni lai awi dân tum khawm a um ding hrim a nih.
20In inkhâwma in fâk hlak hi, Lalpa zânbu a ni naw tawp el.
21Fâk hun a tlung pha leh, mi tinin mani bu seng in lo fâk el hlak si a, chuongchun pakhat phîngṭâmin a um a, pakhat ân rui hlak.
22Iengtizie am a na? Fâk le dâwnna dingin in in nei seng an naw am a ni? Annawleh, Pathien kohran hmusitin, iengkhawm nei nawhai chu in sukzak el hlak am a ni? In kuomah ieng am hril tâng ka ta? Kân pâk ding cheu am a ni? Hi kawnga hin chun kân pâk thei naw cheu.
Lalpa Zânbu buotsai dân
(Mt 26.26-29; Mk 14.22-25; Lk 22.14-20)
23Ka thu hril sâwng cheu kha Lalpa kuoma inthawka ka dawng a na; khânga inmantira a um zân khan, Lalpa Isûn, bei a lâk a,
24lâwmthu a hril zovin, a khawi a, “Hi hi ka taksa,#11.24 “taksa” - “taksa pumpui” (body) tina a nih. in ta ding chu a nih.#11.24 Tienlai ziek ṭhena chun, “Khawidara um chu a nih,” ti hi a chuong sa. In mi hriet zingna dingin hi hi thaw hlak ro,” a ti kha.
25 #
Ex 24.8; Jer 31.31-34 Chuong ang bawkin, zânbu fâk zovin, no khawm chu a lâk a, “Hi hi ka thisena Thuthlung Thar chu a nih. In dâwn povin in mi hriet zingna dingin thaw hlak ro,” a ti kha.
26Chu bei chu in fâk a, no chu in dâwn zâtin, Lalpa hung nâwk hmakhat a thina chu in puong hlak a ni si a.
Tlâklo taka Lalpa Zânbu fâk
27Chuleiin, tukhawm tlâklo puma bei chu faa, Lalpa no chu dâwn taphawt chun, Lalpa taksa le thisen chungah suol maw phur a tih.
28Mi tin mani infie seng sienla, chuong ang chun bei chu fain no chu dâwn raw se.
29A fatu le a dâwntu#11.29 Ziek ṭhenah, “tlâk lova” ti a chuong sa. chun, Lalpa taksa chîktaka a ngaituo si naw chun, ama chunga rorêlna intlun dingin a fâkin a dâwn a ni si a.
30Hi lei hin nangni laia tamtak chu, in hrâtnawin in hrivawi a sie a nih, ṭhenkhat chu in thi ta a.#11.30 Grik zieka chun, “in in ta a,” ti a nih.
31Amiruokchu, chîktakin inngaituo hlak unla chu, ro rêlpêkin ei um naw ding bah.
32Rorêlpêka ei um khawmin, khawvêl mihai anga thiemnaw changa ei um nawna dingin Lalpa thununin ei um hlak a nih.
33Chuleiin, ka unauhai, fa dinga in inkhâwm pha, innghâk tâwl hlak ro.
34In inkhâwm chu thiemnaw in chang phana a ni nawna dingin, a phîngṭâm chun inah hung fa zet raw se. Thil danghai chungchâng chu ka hung pha leh la kâwkhmûng ka ti cheu.
Currently Selected:
1 KORINTH 11: HMOVBSI
Highlight
Share
Copy
Want to have your highlights saved across all your devices? Sign up or sign in
Hmar OV (Re-edited) Bible (Millennium) - Pathien Lekhabu Inthieng
Copyright © Bible Society of India, 2016.
Used by permission. All rights reserved worldwide.
