Лука 4

Исаны сахрада Шейтан сынай

1 # Мт 4.1-11; Мк 1.12-13 Иса Мукъаддес Рухкъа толып, Иордан озенинден къайтты. Рух Оны сахрагъа алып кетти. 2#Текр 9.9; 3 Пад 19.8; 1 Тар 21.1; Мт 21.18; 1 Тес 3.5Анда Шейтан Исаны къыркъ кунь девамында сынавдан кечирди. О куньлерде Иса бир шей ашамай эди ве сонъунда пек ач олды. 3Шейтан Онъа:

– Эгер Сен Алланынъ Огълу олсанъ, мына бу ташкъа айт, отьмек олсун, – деди.

4 # Текр 8.3 Иса онъа джевап берип:

– Алланынъ Китабында язылгъан ки, яшамакъ ичюн адамгъа ялынъыз аш ашамакъ етерли дегиль.

5Сонъ Шейтан Исаны юксек бир ерге чыкъарып, бир ань ичинде Онъа дюньянынъ эписи падишалыкъларыны косьтерди. 6#1 Юх 5.19; Сыр 13.2Шейтан Исагъа:

– Мен бу падишалыкъларны, оларнынъ бутюн къудретинен ве шан-шуретинен берабер Санъа берерим. Олар эписи манъа берильгенлер, ве мен оларны истегениме береджем. 7Шунынъ ичюн, Сен манъа бель буксенъ, эписи Сенинъки оладжакъ, – деди.

8 # Текр 6.13 Иса онъа джевап берип:

– Алланынъ Китабында бойле язылгъан: Раббинъе Алланъа белинъни бук, тек Онъа ибадет эт, – деди.

9Сонъ Шейтан Оны Ерусалимге алып кельди ве Алла Сарайынынъ тёпесине турсатып:

– Эгер Сен Алланынъ Огълу олсанъ, Озюнъни бу ерден ашагъа ташла. 10#Збр 90.11-12Алланынъ Китабында язылгъан ки, О, Сени къорчаламагъа Озь мелеклерине эмир этер, 11олар Сени къолларында котерип кетерлер, аякъларынъ ташкъа сюрюнмез.

12 # Текр 6.16 Иса онъа:

– Бойле деп язылгъан: Раббинъни, сенинъ Алланъны сынама, – деди.

13Шейтан, Исаны сынамагъа битирип, вакътынджа Оны къалдырып кетти.

Иса Галилеяда хызмет этмеге башлай

14 # Мт 4.12-17; Мк 1.14-15 Иса Мукъаддес Рухнынъ къудретинен Галилеягъа къайтып кельди. Онынъ акъкъында хабер бутюн этрафларда даркъалды. 15#Мк 1.21Иса оларнынъ синагогаларында адамларны окъута, ве эписи адамлар Оны шуретлей эди.

Исаны Назаретте ред этелер

16 # Мт 13.53-58; Мк 6.1-6 ‌#Мт 2.23; Лк 2.39Бир кунь Иса Назарет шеэрине кельди. О, анда осип-буюген эди. Эр вакъыт япкъаны киби, раатлыкъ куню синагогагъа барды. Алланынъ Китабыны окъумакъ ичюн тургъанда, 17Онъа Ешая пейгъамбернинъ китабыны бердилер. Иса китапны ачып:

18-19 # Лев 25.10; Еш 11.2; 58.6; 61.1-2 – Устюмде Раббининъ Руху булуна;

О, мени ягънен сюртип, алчакъгонъюллилерге хайырлы хабер бермеге,

эсирлерге – азатлыкъ, сокъурларгъа – козьлери ачылгъаны акъкъында айтмагъа,

азап чеккенлерни къуртармагъа,

Раббининъ разылыкъ йылы кельгенини беян этмеге ёллады, – деп язылгъан ерини тапып окъуды.

20Сонъ Иса, китапны къапатып, хызметчиге берди ве ерине отурды. Синагогадакилер эписи Онъа дикъкъатнен бакътылар. 21Иса оларгъа:

– Язылгъан сёзлер сиз Мени динълеген вакъытта, бугунь беджерильди, – деди.

22Эписи Онынъ акъкъында яхшы шейлер айта эдилер, Онынъ агъзындан чыкъкъан хайырлы сёзлерге шаша эдилер. Лякин бир-биринден:

– Я О, Юсуфнынъ огълу дегильми? – деп сорай эдилер.

23 # Мт 11.23; Мк 2.1-12; Юх 4.46-53 Иса оларгъа:

– Сиз эльбетте Манъа: «Эй, эким, озюнъни озюнъ тедавийле», деген ибарени айтаджакъсыз. «Биз Къафарнаумда олгъан шейлерни эшиттик. Энди буны Озь ветанынъда да яп», дейджексиз, – деди. 24#Юх 4.44Сонъ Иса девам этти: – Сизге догърусыны айтам: озь ветанында къабул этильген пейгъамбер ёкъ. 25#3 Пад 17.1; 18.2; Якъ 5.17Керчектен, сизге айтам: Ильяснынъ девринде, учь бучукъ йыл ягъмур ягъмагъанда ве бутюн ерлерде буюк ачлыкъ олгъанда, Исраильде чокъ тул къадынлар бар эди. 26#3 Пад 17.9Амма Ильяс оларнынъ ич бирисине ёлланылмагъан, тек Сидон янындаки Царефат шеэринде яшагъан бир тул къадынгъа ёлланылгъан эди. 27#Лев 13.3; Сай 12.10; 4 Пад 5.1-14; 2 Тар 26.20Эль-Яса пейгъамбернинъ девринде Исраильде лепра хасталыгъына огърагъанлар чокъ эди. Амма олардан ич бириси эляллап тедавийленмеген эди, тек бир суриели Нааман тедавийленген эди.

28Бу сёзлерни эшитип, синагогадакилер эписи ачувландылар. 29Олар атылып турдылар ве Исаны шеэрден чыкъарып, Назарет ерлешкен дагънынъ тёпесине кетирдилер. Оны къаядан ашагъа атмагъа истедилер. 30#Юх 8.59; 10.39Лякин Иса оларнынъ арасындан кечип, о ерни къалдырды.

Иса арам рухны къувалай

31 # Мк 1.21-28 ‌#Мт 4.13Иса Галилеядаки Къафарнаум шеэрине кельди. Раатлыкъ куньлери адамларны огрете эди. 32#Мт 7.28-29Эписи Исанынъ огретювине шаша, чюнки О, къудретнен айта эди.

33Синагогада, ичинде арам рух олгъан бир адам бар эди. О, кучьлю сеснен багъырып:

34 # Мт 8.29; Мк 1.23-24; Лк 8.28; Фаал 19.15 – Эй, назаретли Иса, Санъа бизден не керек? Сен бизни гъайып этмеге кельдинъми? Мен Сенинъ ким олгъанынъны билем. Сен Алланынъ Азизисинъ!

35 # Лк 9.42; Фаал 8.7 Иса джинге шойле эмир этип:

– Сус да, бу адамдан чыкъ! – деди.

Джин адамны эписининъ огюнде йыкътырды ве онъа ич бир зарар кетирмейип, ичинден чыкъты. 36Эписи шашып къалдылар ве бир-бирине:

– Бу насыл шей? Онынъ о къадар укюми ве къудрети бар ки, О, арам рухларгъа биле буюра, олар исе чыкъалар, – дедилер.

37Онынъ акъкъында хабер бутюн этрафларгъа даркъалды.

Иса Пётрнынъ къайнанасыны тедавийлей

38 # Мт 8.14-17; Мк 1.29-34 ‌#1 Кор 9.5Иса синагогадан чыкъып, Симоннынъ эвине кетти. Симоннынъ къайнанасы юксек сыджакънен хаста ята эди. Онъа ярдым этсин деп, Исагъа риджа эттилер. 39Иса къадыннынъ янына барып, эгильди ве хасталыкъкъа токътамагъа буюрды, ве хасталыкъ шу ань къадынны къалдырды. Къадын бирден турып, оларгъа софраны донатты.

40Кунь баткъанда, адамлар Исанынъ алдына чешит тюрлю хасталыкъларнен къыйналгъан сой-сопларыны алып кельдилер. О, эр бир хастагъа къолларыны къойып, оларны тедавийледи.

41 # Збр 2.7; Мт 12.16; Мк 3.12 Чокъ адамнынъ ичинден джинлер чыкъып: «Сен Алланынъ Огълусынъ!» – деп къычыра эдилер. Иса оларны сусмагъа меджбур этти, буны айтмагъа ясакъ этти. Олар исе, О, Месих олгъаныны биле эдилер.

Иса синагогаларда огрете

42 # Мк 1.35-39 ‌#Лк 5.16Танъ аткъанда, Иса шеэрден чыкъып, адам олмагъан ерге кетти. Халкъ исе Оны къыдырып башлады. Оны тапып, меджбур этип къалдырмагъа тырыштылар. 43#Еш 61.1Амма Иса оларгъа:

– Мен Алланынъ Падишалыгъы акъкъында Къуванчлы Хаберни башкъа шеэрлерде де даркъатмакъ керегим. Мен шунынъ ичюн ёлланылгъаным, – деди.

44Бойледже, О, Еудиенинъ синагогаларында адамларны огретмеге девам этти.

Currently Selected:

Лука 4: CTB

Highlight

Copy