Лука 3

Ягъянынъ огретюви

1 # Мт 3.1-12; Мк 1.1-8; Юх 1.19-28 ‌#Лк 9.7; 13.1; 23.1Император Тиберийнинъ падишалыгъынынъ он бешинджи йылында, Понтий Пилат – Еудиеде акимлик япкъанда, Ирод – Галилеяда, онынъ къардашы Филип – Итурея ве Трахонит виляетлеринде, Лисаний – Авиленеде укюмдарлыкъ эте эдилер. 2#Мт 26.3; Лк 1.63, 80; Юх 1.6-7; 11.49Аннас ве Каяфа баш руханий вазифесинде эдилер.

О вакъыт Зекъарьянынъ огълу Ягъя сахрада олгъанда, онъа Алланынъ Сёзю кельди. 3Ягъя Иордан озенининъ этрафларыны айланып юре ве адамларны гуналарынынъ багъышланмасы ичюн тёвбе этип, сувгъа батырылып чыкъмагъа давет эте башлады. 4Бу акъкъында Ешая пейгъамбернинъ китабында язылгъан эди:

Сахрада бир сес гудюрдей:

– Раббининъ ёлуны азырланъыз,

кечеджек ерлерини тюм-тюз этинъиз!

5Эписи вадийлер толдурылсынлар,

байырлар ве дагълар алчакъ этильсинлер.

Къыйыш ёллар догърултылсын,

чукъурлы ёлчыкълар тегиз этильсинлер!

6 # Еш 40.3-5; 52.10 О вакъыт яшагъанларнынъ эписи

Алладан къуртарувны кореджеклер.

7 # Мт 12.34; 23.33 Сувгъа батырылып чыкъмакъ ичюн, онъа топларнен кельген адамларгъа Ягъя:

– Эй, йылан союндан олгъанлар! Башынъызгъа келеяткъан Алланынъ гъазабындан къачып къуртуладжагъынъызны сизге ким огретти? 8#Лк 16.24; Юх 8.33Тёвбе эткенинъизни озь ишлеринъизнен исбат этинъиз! Тек ичинъизден: «Ибраим бизим бабамыз!» – деп отурманъыз. Мен сизлерге шуны айтам: Алла Ибраимге балаларны мына бу ташлардан япа биле. 9#Мт 7.19; Лк 13.9Шимди тереклернинъ тамырлары янында балта азыр ята. Яхшы мейва бермеген эр бир терекни кесип, атешке ташлайлар, – дей эди.

10 # Фаал 2.37; 16.30 Халкъ ондан:

– Биз не япмакъ керекмиз? – деп сорады.

11 # Еш 58.7; Мт 25.35; Якъ 2.15-16 Ягъя оларгъа:

– Кимде эки чифт тюп урбасы олса, мухтадж олгъаннен пайлашсын. Кимнинъ ашы олса, о да бойле япсын, – деди.

12Салым топлайыджылар да сувгъа батырылмагъа кельдилер ве ондан:

– Оджамыз, биз не япайыкъ? – деп сорадылар.

13Ягъя оларгъа:

– Ольчюсинден зияде салым алманъыз, – деди.

14 # Лк 19.8 Аскерлер де ондан:

– Я биз не япайыкъ? – деп сорадылар.

– Зорнен параларны тутып алманъыз, ялан шаатлыкъ берменъиз, озь къазанчынъызгъа разы олунъыз, – деди Ягъя.

15 # Юх 1.19-20 Халкъ Месихни пек беклей эди. Эписи адамларнынъ гонълюнде: «Ягъя Месих дегиль экенми?» – деген тюшюнджелер бар эди. 16#Ёэль 2.28Ягъя исе эписине:

– Мен сизни сувгъа батырып темизлейим. Амма менден къудретлиси келеята, мен Онынъ аякъкъапларынынъ багъыны чезмеге биле ляйыкъ дегилим. О сизлерни Мукъаддес Рухнен ве атешнен темизлейджек. 17#Еш 30.24; Мал 4.1; Мт 13.30Онынъ къолунда махсус куреги бар. О, Озь арманыны темизлейджек: богъдайны анбарына топлап, кепекни исе сёнмез атеште якъаджакъ, – деп джевап берди.

18Ягъя пейгъамбер бойле ве чокъ башкъа сёзлернен халкъкъа Къуванчлы Хаберни бильдире эди.

19Ягъя виляет укюмдары Иродны, озь къардашынынъ сабыкъ апайы Иродиягъа эвленгени ве эписи яман япкъан ишлери ичюн, къабаатлай башлады. 20#Мт 11.2; 14.1-12; Мк 6.17-18; Юх 3.24Ирод исе Ягъяны зиндангъа атты ве бунынънен даа бир джинает япты.

Ягъя Исаны сувгъа батырып чыкъыра

21 # Мт 3.13-17; Мк 1.9-11 ‌#Фаал 7.56Бутюн халкъ сувгъа батырылып чыкъкъанда, Иса да шуны япты. О, дува окъугъанда, кок ачылды да, 22#Еш 11.2; 42.1; Мк 9.7; Лк 9.35; Юх 1.32-33; 12.28; 2 Пётр 1.17Мукъаддес Рух беден корюнишинде, гогерджин сымасында Онынъ устюне энди. Коктен:

– Сен Меним севимли Огълумсынъ, Мен Сенден разым, – деген сес эшитильди.

Исанынъ баба-деделери

23 # Мт 1.1-17 ‌#Сай 4.3Иса Озь хызметини башлагъанда, къарарнен отуз яшларында эди. Адамлар Оны Юсуфнынъ огълу беллей эдилер. Юсуф – Элийнинъ огълу, 24Элий – Маттатнынъ огълу, Маттат – Левийнинъ огълу, Левий – Мелхийнинъ огълу, Мелхий – Яннайнынъ огълу, Яннай – Юсуфнынъ огълу, 25Юсуф – Маттатиянынъ огълу, Маттатия – Амоснынъ огълу, Амос – Наумнынъ огълу, Наум – Эслийнинъ огълу, Эслий – Нагъгъайнынъ огълу, 26Нагъгъай – Маатнынъ огълу, Маат – Маттатиянынъ огълу, Маттатия – Шимийнинъ огълу, Шимий – Ёсехнинъ огълу, Ёсех – Ёданынъ огълу, 27#1 Тар 3.17-19; Узеир 3.2; Хагъ 1.1Ёда – Ёананнынъ огълу, Ёанан – Ресанынъ огълу, Реса – Зеруббавелнинъ огълу, Зеруббавел – Шеалтиэлнинъ огълу, Шеалтиэл – Нерийнинъ огълу, 28Нерий – Мелхийнинъ огълу, Мелхий – Аддийнинъ огълу, Аддий – Къосамнынъ огълу, Къосам – Эльмадамнынъ огълу, Эльмадам – Эрнинъ огълу, 29Эр – Ёшуанынъ огълу, Ёшуа – Элиезернинъ огълу, Элиезер – Ёримнинъ огълу, Ёрим – Маттатнынъ огълу, Маттат – Левийнинъ огълу, 30Левий – Шимеоннынъ огълу, Шимеон – Ехуданынъ огълу, Ехуда – Юсуфнынъ огълу, Юсуф – Ёнамнынъ огълу, Ёнам – Эльякимнинъ огълу, 31#2 Пад 5.14Эльяким – Мелеанынъ огълу, Мелеа – Меннанынъ огълу, Менна – Маттатанынъ огълу, Маттата – Натаннынъ огълу, Натан – Давутнынъ огълу, 32#1 Пад 17.12; Рут 4.18-22; Еш 11.1Давут – Йишайнынъ огълу, Йишай – Оведнинъ огълу, Овед – Боазнынъ огълу, Боаз – Салмоннынъ огълу, Салмон – Нахшоннынъ огълу, 33#Баш 38.1-30; Сай 26.21Нахшон – Амминадавнынъ огълу, Амминадав – Админнинъ огълу, Админ – Арнийнинъ огълу, Арний – Хецроннынъ огълу, Хецрон – Перецнинъ огълу, Перец – Ехуданынъ огълу, 34#1 Тар 1.17-27Ехуда – Якъупнынъ огълу, Якъуп – Исхакънынъ огълу, Исхакъ – Ибраимнинъ огълу, Ибраим – Терахнынъ огълу, Терах – Нахорнынъ огълу, 35Нахор – Серугнынъ огълу, Серуг – Реунынъ огълу, Реу – Пелегнинъ огълу, Пелег – Эвернинъ огълу, Эвер – Шелахнынъ огълу, 36Шелах – Кенаннынъ огълу, Кенан – Арпакъшаднынъ огълу, Арпакъшад – Шемнинъ огълу, Шем – Нухнынъ огълу, Нух – Ламехнинъ огълу, 37Ламех – Метушелахнынъ огълу, Метушелах – Ханокънынъ огълу, Ханокъ – Ереднинъ огълу, Еред – Махалалэлнинъ огълу, Махалалэл – Кенаннынъ огълу, 38#Баш 5.1-32Кенан – Эношнынъ огълу, Энош – Шетнинъ огълу, Шет – Адемнинъ огълу, Адем – Алланынъ огълу эди.

Currently Selected:

Лука 3: CTB

Highlight

Copy