Popular Bible Verses from Лука 4

Share

– Устюмде Раббининъ Руху булуна; О, мени ягънен сюртип, алчакъгонъюллилерге хайырлы хабер бермеге, эсирлерге – азатлыкъ, сокъурларгъа – козьлери ачылгъаны акъкъында айтмагъа, азап чеккенлерни къуртармагъа, Раббининъ разылыкъ йылы кельгенини беян этмеге ёллады, – деп язылгъан ерини тапып окъуды.

Иса онъа джевап берип: – Алланынъ Китабында бойле язылгъан: Раббинъе Алланъа белинъни бук, тек Онъа ибадет эт, – деди.

Иса онъа джевап берип: – Алланынъ Китабында язылгъан ки, яшамакъ ичюн адамгъа ялынъыз аш ашамакъ етерли дегиль.

Иса Мукъаддес Рухкъа толып, Иордан озенинден къайтты. Рух Оны сахрагъа алып кетти.

Иса онъа: – Бойле деп язылгъан: Раббинъни, сенинъ Алланъны сынама, – деди.

Шейтан, Исаны сынамагъа битирип, вакътынджа Оны къалдырып кетти.

Сонъ Шейтан Исаны юксек бир ерге чыкъарып, бир ань ичинде Онъа дюньянынъ эписи падишалыкъларыны косьтерди. Шейтан Исагъа: – Мен бу падишалыкъларны, оларнынъ бутюн къудретинен ве шан-шуретинен берабер Санъа берерим. Олар эписи манъа берильгенлер, ве мен оларны истегениме береджем. Шунынъ ичюн, Сен манъа бель буксенъ, эписи Сенинъки оладжакъ, – деди. Иса онъа джевап берип: – Алланынъ Китабында бойле язылгъан: Раббинъе Алланъа белинъни бук, тек Онъа ибадет эт, – деди.

Сонъ Шейтан Оны Ерусалимге алып кельди ве Алла Сарайынынъ тёпесине турсатып: – Эгер Сен Алланынъ Огълу олсанъ, Озюнъни бу ерден ашагъа ташла. Алланынъ Китабында язылгъан ки, О, Сени къорчаламагъа Озь мелеклерине эмир этер, олар Сени къолларында котерип кетерлер, аякъларынъ ташкъа сюрюнмез. Иса онъа: – Бойле деп язылгъан: Раббинъни, сенинъ Алланъны сынама, – деди.