Лука 5

Иса биринджи шегиртлерни чагъыра

1 # Мт 4.18-22; Мк 1.16-20 ‌#Сай 34.11; Мт 14.34; Мк 6.53Бир куню Иса Геннесарет голю янында тургъанда, халкъ Оны сарып алгъанда, Алланынъ Сёзюни динълей эдилер. 2Бакъса, гольнинъ ялысында тургъан эки къайыкъны корьди. Балыкъчылар къайыкъларындан чыкъып, балыкъ сачмаларыны ювмакъта эдилер. 3Иса бир къайыкъкъа, Симоннынъ къайыгъына минип, ялыдан бираз узакълашмасыны риджа этти ве, къайыкънынъ ичинде отурып, адамларны андан огретмеге девам этти. 4#Юх 21.6Битирген сонъ исе, Симонгъа:

– Сувнынъ терендже ерине бар да, балыкъ тутмакъ ичюн сачмаларны тюшюринъиз, – деди. 5Симон джевап берип:

– Саибим, биз бутюн гедже чалыштыкъ, амма бир шей тутып оламадыкъ. Лякин Сен буюрсанъ, мен сачмаларны ташларым, – деди.

6Ташлагъанынен, о къадар чокъ балыкъ туттылар ки, тап балыкъ сачмалары йыртыла башладылар. 7Олар башкъа къайыкътаки аркъадашларына къолларыны саллап, оларны ярдымгъа чагъырдылар. Аркъадашлары келип, эки къайыкъны балыкъкъа толдурды. Къайыкълар чёкеджек киби олды. 8#Еш 6.5Симон Пётр буны корьди де, Исанынъ алдында тиз чёкип:

– Раббим, менден кет. Мен гуналы адамым, – деди.

9-10 # Мт 13.47 Симон ве онынъ янындакилери бу къадар тутулгъан балыкъны корип, къоркътылар. Симоннынъ аркъадашлары, Зебедайнынъ огъуллары Якъуп ве Юхан да къоркътылар. Лякин Иса Симонгъа:

– Къоркъма, сен энди балыкъ дегиль, адамларны тутаджакъсынъ, – деди.

11Олар къайыкъларны ялыгъа чыкъардылар да, эр шейни къалдырып, Исанынъ артындан кеттилер.

Иса лепрагъа огърагъанны тедавийлей

12 # Мт 8.1-4; Мк 1.40-45 ‌#Лев 13.3; Сай 12.10; 4 Пад 5.1; 2 Тар 26.20; Мк 9.22Иса бир шеэрде олгъанда, Онынъ янына бутюн бедени лепра хасталыгъынен къаплангъан бир адам кельди. О, Исаны корип, ерге йыкъылып:

– Эфендим, эгер истесенъ, мени эляллап тедавийлерсинъ, – деп ялварды.

13Иса къолуны узатты ве онъа тийип:

– Мен истейим, элял ол! – деди. Шу ань лепра адамны къалдырды. 14#Лев 14.1-32; Мт 9.30; 17.9; Мк 1.34; Лк 17.14Иса онъа кимсеге бир шей айтмамакъны буюрды ве:

– Руханийге бар, о сени бакъсын да, тедавийленгенинъ ичюн, Муса буюргъан бахшышны бер, о, эписине шаатлыкъ олсун, – деди.

15Иса акъкъындаки лафлар эп чокълаша эди. Оны динълемек ве хасталыкъларындан къуртулмакъ ичюн, халкъ Онъа топнен келе башлады. 16#Мт 14.23; Лк 4.42Иса Озю исе адам ёкъ олгъан ерлерге барып, дува окъуй эди.

Иса паралич ургъан адамны тедавийлей

17 # Мт 9.1-8; Мк 2.1-12 ‌#Лк 6.19; 8.46Иса адамларны огреткен куньлернинъ биринде, Оны динълегенлер арасында Галилеянынъ ве Еудиенинъ эписи къасабаларындан ве Ерусалим шеэринден кельген фериселер ве Къанун оджалары отура эдилер. Исанен берабер Алланынъ тедавийлеген къувети эди.

18Бир къач адам тёшек устюнде яткъан, паралич ургъан бир хастаны котерип кельдилер. Олар оны Исанынъ алдына къоймакъ ичюн, эвге алып кирмеге тырыштылар. 19Лякин адам чокълугъындан оны ичериге кирсетмеге чаресини тапамайып, эвнинъ дамына чыкътылар ве кираметни дагъытып, хастаны тёшегинен берабер оданынъ ортасына, тамам Исанынъ огюне яваштан тюшюрдилер. 20#Мт 8.10; Мк 10.52; Лк 7.48Иса оларнынъ иманыны корип:

– Акъай, гуналарынъ багъышланды! – деди.

21 # Збр 31.5; Еш 43.25; Мт 26.65 Къанун оджалары ве фериселер озьара тюшюнип: «Бойле куфюр шей япкъан бу адам ким экен? Гуналарны багъышламагъа Алладан башкъа кимнинъ акъкъы бар?» – дедилер. 22Иса оларнынъ не тюшюнгенлерини билип:

– Сизинъ юреклеринъиздеки тюшюнджелер недир! 23Айтыладжакъ сёзлерден къайсы къолайджа: «Гуналарынъ багъышланды» я да «Еринъден тур ве кет», – демекми? 24Шимди Инсан Огълунынъ ер юзюнде гуналарны багъышламакъ къудрети олгъаныны билирсиз, – деди. Сонъ паралич ургъан адамгъа:

– Мен санъа айтам: тур, тёшегинъни ал да, эвинъе кет, – деди.

25Адам, эписининъ козю огюнде бирден турып, яткъан тёшегини алды да, Алланы шуретлеп, эвине кетти. 26Эписи шашып къалдылар. Олар Алланы шуретледи, къоркъа-къоркъа:

– Биз бугунь оламайджакъ шейлерни корьдик, – дедилер.

Иса Левийни (Маттаны) чагъыра

27 # Мт 9.9-13; Мк 2.13-17 Бундан сонъ Иса о ерден чыкъты. Салым топлангъан еринде чалышкъан Левий адлы салым топлайыджыны корьди ве онъа:

– Меним артымдан юр! – деди.

28Левий еринден турды, эр шейни ташлап, Исанынъ артындан кетти. 29#Лк 19.6Сонъ озь эвинде Иса ичюн буюк той япты. Мусафирлер арасында пек чокъ салым топлайыджылар ве башкъа адамлар бар эди. 30#Лк 15.2Фериселер ве Къанун оджалары Исанынъ шегиртлерине:

– Сиз не ичюн салым топлайыджыларнен ве башкъа гуналыларнен бирликте ашап-ичесиз? – деп мырылдап башлады.

31Иса оларгъа:

– Эким сагъламларгъа дегиль, хасталаргъа керек. 32#Лк 15.7; 1 Тим 1.15Мен инсафлы адамларны дегиль, гуналыларны тёвбе этмеге чагъырмакъ ичюн кельдим, – деп джевап берди.

Аштан-сувдан вазгечюв акъкъында

33 # Мт 9.14-17; Мк 2.18-22 ‌#Мт 11.2; Лк 11.1; 18.12; Юх 1.35Олар Исагъа:

– Ягъянынъ шегиртлери сыкъ-сыкъ аштан-сувдан вазгечелер ве дувалар окъуйлар. Фериселернинъ шегиртлери де бойле япалар. Сенинъкилер исе эм ашайлар, эм ичелер! – дедилер.

34 # Мт 25.1-13; Юх 3.29; Сыр 19.7; 21.2 Иса оларгъа:

– Тойдаки мусафирлерни, киев оларнен олгъанда, аштан-сувдан вазгечмеге меджбур этмек мумкюнми? 35#Мк 14.7; Лк 17.22Амма ойле куньлер келеджек ки, киевни олардан тутып аладжакълар. Ана о вакъыт, о куньлерде аштан-сувдан вазгечерлер, – деди.

36Иса оларгъа бир кинаели икяе де айтып берди:

– Кимсе эски урбасына ямав къоймакъ ичюн, янъы урбадан парча кесмез, чюнки о, янъы урбаны да бозар, эски урбасына да янъы ямав келишмез. 37Кимсе яш шарапны эски мешин торбаларына толдурмай, чюнки яш шарап эски торбаларны патлатыр: эм шарап тёкюлир, эм торбалар гъайып олур. 38Яш шарапны янъы мешин торбаларгъа толдурмакъ керек. 39Эски шарапны ичкенлерден ич бириси яш шарапны истемез, о: «Эскиси яхшы», – дер, – деди.

Currently Selected:

Лука 5: CTB

Highlight

Copy