Лука 6

Раатлыкъ куню акъкъында

1 # Мт 12.1-8; Мк 2.23-28 ‌#Текр 23.25Бир раатлыкъ куню Иса богъдай тарласындан кечип кетеяткъанда, Онынъ шегиртлери башакъларны къопарып авучлары ичинде темизлеп ашай башладылар. 2#Чыкъ 20.8-10; Сай 15.32-36Базы фериселер исе:

– Сиз раатлыкъ куню япмагъа мумкюн олмагъан шейни не ичюн япасыз? – дедилер. 3#1 Пад 21.6Иса оларгъа:

– Я сиз, Давут ве онынъ янындакилери ач къалгъанда не япкъанлары акъкъында окъумадынъызмы? 4#Чыкъ 25.30; Лев 24.5-9О, Алланынъ Эвине кирип, тек руханийлерге ашамагъа мумкюн олгъан теклиф пителерини алып, озю ашагъан ве янындакилерине де берген, – деп джевап берди. 5Сонъ девам этип: – Инсан Огълу – раатлыкъ кунюнинъ Раббисидир, – деди.

Иса сакъат адамнынъ къолуны тедавийлей

6 # Мт 12.9-14; Мк 3.1-6 ‌#Мк 1.21Башкъа бир раатлыкъ куню Иса синагогагъа келип, адамларны огрете башлады. Анда онъ къолу сакъатланып къуругъан бир адам бар эди. 7#Лк 14.1; 20.20Къанун оджалары ве фериселер Исаны къабаатламакъ ичюн, О, раатлыкъ куню хастаны тедавийлер экенми, деп, Онынъ артындан бакъып тура эдилер. 8Иса исе, оларнынъ фикирлерини билип, къолу сакъат адамгъа:

– Тур! Мында, ортагъа чыкъ! – деди. Адам турды.

9 # Лк 14.3 Иса башкъаларгъа:

– Мен сизден сорайым: раатлыкъ кунюнде не япмакъ мумкюн – яхшылыкъмы я да яманлыкъмы? Джан къуртармакъмы я да гъайып этмекми? – деди.

10 # 3 Пад 13.6 Иса оларны эписини козьден кечирип, сакъаткъа:

– Къолунъны узат! – деди. Сакъат бойле япкъанынен, къолу тюзельди.

11Олар исе, ачувындан къутурып, Исагъа не япайыкъ деп, озьара фикирлеше башладылар.

Иса он эки шегиртни сайлай

12 # Мт 10.1-4; Мк 3.13-19 О куньлерде Иса дува окъумакъ ичюн дагъгъа чыкъты ве бутюн гедже Аллагъа дува окъуй эди. 13Танъ аткъанда исе, шегиртлерини янына чагъырды, оларнынъ ичинден он экисини сайлап алды да, оларны «эльчилер» деп адландырды. 14#Мт 16.18; Юх 1.42Оларнынъ адлары: Симон (Иса онъа Пётр адыны берди), онынъ къардашы Андрей, Якъуп, Юхан, Филип, Бартоломай, 15#Мт 9.9Матта, Тома, Алфейнинъ огълу Якъуп, Ветанпервер лагъабыны ташыгъан Симон, 16#Лк 22.47Якъупнынъ огълу Иуда ве сонъунда Исаны саткъан Иуда Искариот.

Иса огрете ве тедавийлей

17 # Мт 4.23-25 Оларнен ашагъа тюшип, Иса тегиз бир ерде токъталды. Анда Онынъ пек чокъ шегиртлери ве бутюн Еудиеден, Ерусалимден, Тир ве Сидоннынъ, голь бою ерлешкен виляетлеринден кельген чокъ адамлар топлашкъан. 18Олар Исаны динълемек ве хасталыкъларындан тедавийленмек ичюн кельгенлер. Иса арам рухлардан къыйналгъанларны яхшы этти. 19#Лк 5.17; 8.46Адамларнынъ эписи Исагъа тиймеге тырыштылар, чюнки Ондан эписини тедавийлеген кучь чыкъа эди.

Не къадар бахтлысыз…

20 # Мт 5.1-12 ‌#Цеф 3.12Иса, шегиртлерине бакъып:

– Эй, фукъарелер, не къадар бахтлысыз!

Алланынъ Падишалыгъы сизинъкидир!

21 # Збр 41.2; Джем 7.3; Еш 55.1; Юх 7.37; 2 Кор 7.10 Шимди ачлыкъ чеккенлер, не къадар бахтлысыз!

Сиз ашап тояджакъсыз!

Шимди агълагъанлар, не къадар бахтлысыз!

Сиз куледжексиз!

22 # 1 Пётр 4.14 Инсан Огълу ичюн адамлар сизден нефретленгенде, сизни ред эткенде, акъаретлегенде, масхара этип адынъызны къаралагъанда, бахтлы оласынъыз. 23#Фаал 5.41; Якъ 1.2; 2 Кор 12.10О куню къуванынъыз ве шенъленинъиз! Сизни коклерде буюк мукяфат беклей! Бу адамларнынъ баба-деделери исе пейгъамберлерге де бойле япкъанлар.

24 # Ам 6.1; Мт 6.2; Якъ 5.1 Лякин зенгинлер, алынъыз беля!

Сиз энди теселли таптынъыз!

25 # Икм 14.13; Еш 65.13, 14 Шимди токъ олгъанлар, алынъыз беля!

Сиз ач оладжакъсыз!

Шимди кульгенлер, алынъыз беля!

Сиз окюрип агълайджакъсыз!

26 # Еш 30.10; Микъа 2.11 Сизни эписи адамлар макътаса, алынъыз беля!

Бу адамларнынъ бабалары ялан пейгъамберлерни де бойле макътагъанлар!

27 # Мт 5.38-48; 7.12 Лякин сизге, Мени динълегенлерге, айтам: душманларынъызны севинъиз, сизден нефретленгенлерге яхшылыкъ япынъыз. 28#Лк 23.34; Фаал 7.60; 1 Пётр 3.9Сизни къаргъагъанларгъа эйилик тиленъиз, сизни ынджыткъанларгъа дувалар окъунъыз.

29 # Агъл 3.30; 1 Пётр 2.23; 1 Кор 6.7 Бир янагъынъа шамар ургъан адамгъа башкъасыны бер. Усть урбанъны тутып алсалар, тюп урбанъны да алмагъа кедер этме. 30#Текр 15.7-8; Икм 21.26Сенден сорагъангъа бер ве сенинъкини тутып алгъандан къайтарып бергенини талап этме.

31 # Мт 7.12 Адамлар сизге не япкъаныны истесенъиз, сиз де оларгъа шуны япынъыз. 32Эгер сизни севгенлерни севсенъиз, бунен насыл савап къазанаджакъсынъыз? Гуналылар да озьлерини севгенлерни севелер! 33Эгер озюнъизге яхшылыкъ эткенлерге яхшылыкъ этсенъиз, бунен насыл савап къазанаджакъсынъыз? Гуналылар да бойле япалар. 34Эгер сиз къайтарып алмакъ умютинен борджкъа берсенъиз, бунен насыл савап къазанаджакъсынъыз? Гуналылар да, берген борджуны сонъ къайтарып алмакъ ичюн, гуналыларгъа борджкъа берелер. 35#Збр 36.26Сиз исе душманларынъызны севинъиз, оларгъа яхшылыкъ япынъыз, ич бир къаршылыкъ беклемейип, оларгъа борджкъа беринъиз, чюнки Алла Озю шукюр этмеген яман адамларгъа биле мерамет эте. О вакъыт сизни буюк мукяфат беклейджек, ве сиз Юдже Алланынъ огъуллары оладжакъсынъыз. 36#Мт 5.7Бабанъыз мераметли олгъаны киби, сиз де мераметли олунъыз.

Адамларгъа олгъан мунасебет акъкъында

37 # Мт 7.1-5 ‌#Рим 2.1; 14.10; 1 Кор 4.5; Якъ 2.13Кимсени укюм этменъиз, сизни де укюм этмезлер. Кимсени къабаатламанъыз, сизни да къабаатламазлар. Багъышланъыз, сизни де багъышларлар. 38#Мк 4.24; Рим 2.1; 2 Кор 9.6Беринъиз, сизге де береджеклер, толу ольчюнен береджеклер: яхшы силькип, бастырып, толып-ташкъан ольчюнен урбанъызнынъ этегине толдураджакълар. Сиз насыл ольчюнен ольчесенъиз, сизге де шойле ольчейджеклер.

39 # Мт 15.14 Иса оларгъа бир кинаели икяени айтып берди:

– Кёр кёрны етеклеп юрип олурмы? Олар экиси де чукъургъа тюшмезлерми? 40#Мт 10.24; Юх 13.16Шегирт озь оджасындан юкъары олмаз. Амма окъувынынъ сонъуна еткен эр бир шегирт оджасы киби олур.

41Сен не ичюн къардашынънынъ козюндеки чёпке бакъасынъ да, озь козюнъдеки агъачны корьмейсинъ? 42Сен озь козюнъдеки агъачны корьмей турып, насыл ола да къардашынъа: «Кель, къардашым, козюнъдеки чёпчюкни чыкъарайым», – дейсинъ? Эй, экиюзьлю! Башта агъачны озь козюнъден чыкъар, сонъ чёпни къардашынънынъ козюнден насыл этип чыкъараджагъынъны ачыкъ-айдын корерсинъ.

Терек ве онынъ мейвалары

43 # Мт 7.17-20; 12.34-35 Яхшы терек ярамай мейва бермез, ве, аксине, ярамай терек яхшы мейва бермез. 44Эр бир терек озь мейвасындан билинир. Тикенлерден инджир джыймайлар, когемден юзюм кесмейлер.

45 # Икм 12.5; Мт 15.18; Якъ 3.6 Яхшы адам озюнинъ юрегиндеки яхшылыкъ хазинесинден яхшылыкъ чыкъара. Яман адам яманлыкъ хазинесинден яманлыкъ чыкъара. Адамнынъ юреги неге толу олса, онынъ агъзындан шу чыкъар.

Эки эв къуруджы акъкъында

46 # Мт 7.24-27 ‌#Хош 8.2; Мт 7.22; 25.11; Юх 13.13Не ичюн сиз Мени: «Раббим, Раббим!» – деп чагъырасыз да, буюргъанымны япмайсыз?

47Меним алдыма кельген ве сёзлеримни динълеп, оларны беджерген эр бир адам кимге ошай? 48#Икм 10.25; 12.3Эв къургъан адамгъа ошай. О, терен чукъур къазып, къая устюнде темель къойды. Озеннинъ сувлары ташып, о эвге урулдылар, лякин оны къыбырдатып оламадылар, чюнки эв къавий къурулгъан эди. 49Сёзлеримни динълеп, оларны беджермеген адам исе эвини топракъ устюнде темельсиз къургъан адамгъа ошай. Озеннинъ сувлары эвге урулгъанда, эв бирден дагъылып кетти. Ондан тек виран олгъан бир оба къалды.

Currently Selected:

Лука 6: CTB

Highlight

Copy