Luk 3

Kulalicila kwa Yohane M'batisi

(Mat 3:1-12; Mak 1:1-18; Yoh 1:19-28)

1Mcaka ca 15 ca kulamulila kwa Tibeliya, Mwenye jwa ku Loma,* Pontiyo Pilato* ŵaliji jwakulamulila jwa ku Yudeya. Helodi* ŵaliji jwakulamulila ku upande wa Galileya, nipo Filipi mlongo mjakwe jwa Helodi ŵalamulilaga ku upande wa Ituleya, ni ku Tilakoniti; Lisaniasi ŵalamulilaga ku upande wa Abilene. 2Pandaŵiji Anasi ni Kayafa ŵaliji acakulungwa ŵa ŵakutaga mbopesi wosope. Pandaŵi jelejo Mlungu ŵaŵecete ni Yohane* mwanace jwa Sakaliya juŵaliji mkutama mcipululu. 3Myoyo Yohane ŵajesile mcilambo cosope cakusyungulila lusulo lwakolanjidwa Yolodani acilalicilaga ni kwasalila ŵandu kuti, “Mpitikuce mitima jenu ni kuleka kutenda ulemwa* kuti Mlungu amkululucile kulemwa kwenu nipo kaneko m'batisidwe.”

4Ayi yatendekwe mpela muyalembedwele m'buku ja jwakulocesya* Yesaya kuti,#Yes 40:3-5

“Liloŵe lya jwine jwakwe jwakugumila mcipululu, akusala kuti,

‘Kolosyani litala lyakupita Ambuje;

jongolani matala gakuti apitemo.

5Mgumbasye ciŵata cilicose

soni m'mwasanye matumbi ni tutumbi twamwana tosope.

Jongolani matala gamapindice,

kolosyani matala gangalondeka

6Kaneko ŵandu taciwona

mwele Mlungu mwakusiŵakulupucisya ŵandu!’ ”

7Ŵandu ŵajinji ŵayikaga kwa Yohane, jwalakwejo ŵabatisye jemanjajo. Nambo jwalakwejo ŵasalile ŵanduwo kuti, “Jemanja ŵanace ŵa majoka, ana ŵani ŵamkalamwisye jemanja kuti mtile cilango ca Mlungu cacikwisaci?#Mat 12:34; 23:33 8Mtende masengo gakulosya kuti mpitikwice mtima, soni mkatanda kuŵeceta kuti, ‘Atati ŵetu ni Abulahamu.’* Ngumsalila kuti Mlungu mpaka akombolece kugatenda atamose maganga gali apaga kuti gaŵe ŵanace ŵa Abulahamu.#Yoh 8:33 9Sambano jino liŵago liŵicidwe cile pepata. Myoyo citela cilicose cangasogola yisogosi yambone, tacicikata ni kuciponya pa moto.”#Mat 7:19

10Ŵandu ŵala ŵamwusisye Yohanejo kuti, “Nambi sambano uwe tutende yambone yamti uli?”

11Jwalakwejo jwajanjile kuti, “Jwakwete malaja gaŵili, ampe gamo jwanganakola, soni jwalijose jwakwete yakulya atende myoyo.”

12Kwayice soni ŵakomesya misongo kuti Yohane ŵabatisye jemanjajo. Ŵamwusisye Yohanejo kuti, “Cemwalimu, ana uweji tutendeje yambone yamti uli?”#Luk 7:29

13Jwalakwe jwajanjile kuti, “Mkasimkomesyaga msongo mwakonjecesya kupunda mtengo usyesyene.”

14Nombe Asilikali ŵamwusisye jwalakwejo kuti, “Nambi uwe tutendeje yambone yamti uli?”

Jwalakwejo jwajanjile kuti, “Mkasimsumula yindu ya mundu jwine mwa ngalwe kapena kumlambucisya soni mŵeje ŵakwikutila ni malipilo gimkusapocela.”

15Ŵandu ŵakulupilile kuti yindu yekulungwa tiyitendekwe, myoyo jwalijose jwatandite kuliwusya kuti, ana jwalakweju ali Mkulupusyo jula? 16Myoyo Yohane ŵasalile wosopewo kuti, “Une ngum'batisya jemanja ni mesi, nambo akwisa jwine jwakwe jwamacili mnope kumbunda une. Uneji ndili jwangaŵajilwa atamose kugopola ngonji sya sapato syakwe. Jwalakwejo tacim'batisya ni Msimu Ŵaswela nambo soni ni moto. 17M'makono mwakwe akamulile lupeta kuti apetele tiligu jwakwe. Myoyo jwalakwejo tacitaga tiligujo mu ngokwe nambo masapi tacigajoca m'moto wangasima.”

18Yohane ŵalalicilaga Ngani Syambone* kwa ŵandu m'matala gakulekanganalekangana ni kwacisya ŵanduwo kuti alece matala gawo gakusakala. 19Yohane M'batisi ŵamjamwice Helodi ligongo lyakulombela Helodiyasi,* ŵamkwakwe Filipi, mpwakwe ni yine yakusakala yiŵatendaga.#Mat 14:3-4; Mak 6:17-18 20Pambesi pakwe, konjecesya pa yakusakala yosope yiŵatesile, Helodijo ŵamŵisile Yohane mu ukayidi.

Ubatiso wa Yesu

(Mat 3:13-17; Mak 1:9-11)

21Ŵandu wosope piŵaliji mkubatisidwa, nombe nawo Yesu* ŵabatisidwe. Kaneko piŵaliji mkupopela, kwinani kwawugwice, 22nipo Msimu Ŵaswela uwawonekaga mpela ngunda watulucile pa jwalakwejo. Lyapikanice liloŵe kutyocela kwinani licitiji, “M'mwejo mli mwanangu jwa pa mtima, ngusasengwa najo mnope.”#Gen 22:2; Mas 2:7; Yes 42:1; Mat 3:17; Mak 1:11; Luk 9:35

Acinangolo ŵa Yesu

(Mat 1:1-17)

23Yesu piŵatandaga masengo gakulalicila, ŵaliji ali akwete yaka ciŵandika makumi gatatu gakupagwa. Ŵandu ŵamganicisyaga kuti jwalakwejo ŵaliji mwanace jwa Yosefe. Nambo liŵasa lyakwe lyatandite kutyocela pa Heli, 24juŵaliji mwanace jwa Matati, Matati juŵaliji mwanace jwa Lefi, Lefi juŵaliji mwanace jwa Meliki, Meliki juŵaliji mwanace jwa Yanai, Yanai juŵaliji mwanace jwa Yosefe, 25Yosefe juŵaliji mwanace jwa Matatiyasi, Matatiyasi juŵaliji mwanace jwa Amosi, Amosi juŵaliji mwanace jwa Nahumu, Nahumu juŵaliji mwanace jwa Hesili, Esili juŵaliji mwanace jwa Nagai, 26Nagai juŵaliji mwanace jwa Maati, Maati juŵaliji mwanace jwa Matatiyasi, Matatiyasi juŵaliji mwanace jwa Semeyini, Semeyini juŵaliji mwanace jwa Yoseki, Yoseki juŵaliji mwanace jwa Yoda, 27Yoda juŵaliji mwanace jwa Yowanani, Yowanani juŵaliji mwanace jwa Lesa, Lesa juŵaliji mwanace jwa Selubabele, Selubabele juŵaliji mwanace jwa Salatiyele, Sheyatiyele juŵaliji mwanace jwa Nele, 28Nele juŵaliji mwanace jwa Meliki, Meliki juŵaliji mwanace jwa Adi, Adi juŵaliji mwanace jwa Kosamu, Kosamu juŵaliji mwanace jwa Elimadamu, Elimadamu juŵaliji mwanace jwa Ele, 29Ele juŵaliji mwanace jwa Yoswa, Yoswa juŵaliji mwanace jwa Eliyesa, Eliyesa juŵaliji mwanace jwa Yolimu, Yolimu juŵaliji mwanace jwa Matati, Matati juŵaliji mwanace jwa Lefi, 30Lefi juŵaliji mwanace jwa Simiyoni, Simiyoni juŵaliji mwanace jwa Yuda, Yuda juŵaliji mwanace jwa Yosefe, Yosefe juŵaliji mwanace jwa Yonamu, Yonamu juŵaliji mwanace jwa Eliyakimu, 31Eliyakimu juŵaliji mwanace jwa Meleya, Meleya juŵaliji mwanace jwa Mena, Mena juŵaliji mwanace jwa Matata, Matata juŵaliji mwanace jwa Natani, Natani juŵaliji mwanace jwa Daudi,* 32Daudi juŵaliji mwanace jwa Yese, Yese juŵaliji mwanace jwa Obedi, Obedi juŵaliji mwanace jwa Bowasi, Bowasi juŵaliji mwanace jwa Sala, Sala juŵaliji mwanace jwa Nashoni, 33Nasoni juŵaliji mwanace jwa Aminadabu, Abinadabu juŵaliji mwanace jwa Adimini, Adimini juŵaliji mwanace jwa Alini, Alini juŵaliji mwanace jwa Hesiloni, Hesiloni juŵaliji mwanace jwa Pelesi, Pelesi juŵaliji mwanace jwa Yuda, 34Yuda juŵaliji mwanace jwa Yakobo,* Yakobo juŵaliji mwanace jwa Isaki, Isaki juŵaliji mwanace jwa Abulahamu, Abulahamu juŵaliji mwanace jwa Tela, Tela juŵaliji mwanace jwa Naholi, 35Naholi juŵaliji mwanace jwa Selugi, Selugi juŵaliji mwanace jwa Lewu, Lewu juŵaliji mwanace jwa Pelegi, Pelegi juŵaliji mwanace jwa Ebele, Ebele juŵaliji mwanace jwa Sela, 36Sela juŵaliji mwanace jwa Kainani, Kainani juŵaliji mwanace jwa Alifakisadi, Alifakisadi juŵaliji mwanace jwa Shemu, Shemu juŵaliji mwanace jwa Nowa, Nowa juŵaliji mwanace Lameki, 37Lameki juŵaliji mwanace jwa Metusela, Metusela juŵaliji mwanace jwa Enoki, Enoki juŵaliji mwanace jwa Yaledi, Yaledi juŵaliji mwanace jwa Mahalala, Mahalaleli juŵaliji mwanace jwa Kainani, 38Kainani juŵaliji mwanace jwa Enoshi, Enoshi juŵaliji mwanace jwa Seti, Seti juŵaliji mwanace jwa Adamu,* Adamu juŵaliji Mwanace jwa Mlungu.

Currently Selected:

Luk 3: YAWO

Highlight

Copy