Popular Bible Verses from Luk 3

Share

Ŵandu wosope piŵaliji mkubatisidwa, nombe nawo Yesu* ŵabatisidwe. Kaneko piŵaliji mkupopela, kwinani kwawugwice, nipo Msimu Ŵaswela uwawonekaga mpela ngunda watulucile pa jwalakwejo. Lyapikanice liloŵe kutyocela kwinani licitiji, “M'mwejo mli mwanangu jwa pa mtima, ngusasengwa najo mnope.”

Myoyo Yohane ŵasalile wosopewo kuti, “Une ngum'batisya jemanja ni mesi, nambo akwisa jwine jwakwe jwamacili mnope kumbunda une. Uneji ndili jwangaŵajilwa atamose kugopola ngonji sya sapato syakwe. Jwalakwejo tacim'batisya ni Msimu Ŵaswela nambo soni ni moto.

Mtende masengo gakulosya kuti mpitikwice mtima, soni mkatanda kuŵeceta kuti, ‘Atati ŵetu ni Abulahamu.’* Ngumsalila kuti Mlungu mpaka akombolece kugatenda atamose maganga gali apaga kuti gaŵe ŵanace ŵa Abulahamu.

Sambano jino liŵago liŵicidwe cile pepata. Myoyo citela cilicose cangasogola yisogosi yambone, tacicikata ni kuciponya pa moto.”

Ayi yatendekwe mpela muyalembedwele m'buku ja jwakulocesya* Yesaya kuti, “Liloŵe lya jwine jwakwe jwakugumila mcipululu, akusala kuti, ‘Kolosyani litala lyakupita Ambuje; jongolani matala gakuti apitemo. Mgumbasye ciŵata cilicose soni m'mwasanye matumbi ni tutumbi twamwana tosope. Jongolani matala gamapindice, kolosyani matala gangalondeka Kaneko ŵandu taciwona mwele Mlungu mwakusiŵakulupucisya ŵandu!’ ”