Okubikkulirwa 10
10
Malayika n'Omuzingo omutono
1Ne ndaba malayika omulala ow'amaanyi ng'akka okuva mu ggulu, ng'ayambadde ekire; ne musoke ng'ali ku mutwe gwe n'amaaso ge nga galinga enjuba, n'ebigere bye nga biringa empagi ez'omuliro. #Kub 4:3; 5:2 2Yalina mu mukono gwe omuzingo omutono ng'agwanjuluzza, n'ateeka ekigere kye ekya ddyo ku nnyanja n'ekya kkono ku lukalu, 3n'ayogerera waggulu n'eddoboozi ddene ng'empologoma bw'ewuluguma. Bwe yayogerera waggulu ne wabaawo okubwatuka emirundi musanvu olw'eddoboozi eryo. #Yer 25:30, Kos 11:10, Am 1:2 4Ebibwatuka omusanvu bwe byayogera amaloboozi gaabyo, nnali n'atera okuwandiika, ne mpulira eddoboozi eriva mu ggulu, nga lyogera nti, “Teeka envumbo ku ebyo ebibwatuka omusanvu bye byogedde, so tobiwandiika.”#Dan 8:26; 12:4,9 5Malayika gwe nnalaba ng'ayimiridde ku nnyanja ne ku lukalu n'ayimusa omukono gwe ogwa ddyo eri eggulu,#Ma 32:40 6n'alayira oli aba omulamu emirembe n'emirembe, eyatonda eggulu n'ebirimu, n'ensi n'ebirimu, n'ennyanja n'ebirimu, nti, tewaliba kulwa nate, #Lub 14:19,22, Nek 9:6, Kuv 20:11, Zab 146:6, Kub 6:11, Dan 12:7 7naye mu nnaku z'eddoboozi lya malayika ow'omusanvu, bw'aliba anaatera okufuuwa, ekyama kya Katonda ne kiryoka kituukirira, ng'Enjiri bw'eri gye yabuulira abaddu be bannabbi.#Am 3:7, Dan 9:6,10, Zek 1:6, Bik 3:21, Kub 11:15; 17:17 8N'eddoboozi lye nnawulira nga liva mu ggulu, ne ndiwulira nate nga lyogera nange ne liŋŋamba nti, “Genda, otwale omuzingo nga mubikkule okuva mu mukono gwa malayika ayimiridde ku nnyanja ne ku lukalu.” 9Ne ŋŋenda eri malayika, ne mugamba okumpa omuzingo. N'aŋŋamba nti, “Gutwale ogulye; gunaakaawa mu lubuto lwo, naye mu kamwa ko gunaaba guwoomerera ng'omubisi gw'enjuki.”#Ez 2:8; 3:1-3 10Ne ntwala omuzingo omutono nga nguggya mu mukono gwa malayika, ne ngulya. Mu kamwa kange ne guwoomerera ng'omubisi gw'enjuki, naye mu lubuto lwange ne gukaawa. 11Ne baŋŋamba nti, “Kikugwanidde okubuulira nate abantu bangi n'amawanga n'ennimi ne bakabaka.” #Yer 1:10; 25:30, Dan 3:4; 7:14
Currently Selected:
Okubikkulirwa 10: LBR
Highlight
Share
Copy
Want to have your highlights saved across all your devices? Sign up or sign in
All rights are reserved to the Bible Society of Uganda.
