Ephesians 4
4
Atautchisun Timitun Inniq
1Tavraasii uvaŋa, tigutaaqtaq savautivlugu Ataniq, qiññuaġivsi iñuutquvlusi nalliummatiruamik God-im iñuutqutaanun ilivsiññun, 2#Col 3.12, 13.kamasaaŋiḷḷusi pikałaktautaiḷḷusiḷu qiñuirrutilusiḷu avanmun, manimmisilusiḷu pimaqłuutivsigun avanmun pisigilugu piviuttaqqutiniqsi. 3Ilitqusiġiksuam atipkaġlisi, tutqiutiqaġumausi avanmun. 4Qanuq iluqasi atausiurusi, timitun atausiuruatun. Atausiummiuq Ilitqusiġiksuaq, aasii God-im ququaŋammigaasi piqatigiiquvlusi atautchimi annagummanmi. 5Suli atausiummiuq Ataniq, ukpiġivigikkaŋat iñuich atunim, iḷaŋiutiŋammiut atunim atautchimun paptaiġunmun. 6Suli atausiummiuq God, aapaŋat iñuich iluqaġmiŋ, qaukłiġikkaŋat supayaat, savaktuaq supayaatigun, suli iñuuruaq supayaani.
7Tavra Christ aitchuŋagaatigut atausiullaavluta piraksrallaanik supayaanik pitqukkamiñik uvaptiŋnun. 8#Ps 68.18.Taamna sivuniġivlugu, aglausimaruq Bible-ni inna,
“Mayuqami qiḷaŋmun, aullarriŋaruq tigutaaqtaġiŋakkaŋiñik Tuunġaum,
suli qaitchivḷuni piraksranik iñuŋnun.”
9Sumik sivuniqaqpa uqallaun, Ilaa mayuŋaruq? Sivuniqaqtuq mayuqsaŋaiñŋaġmi atqaŋaruq atchiŋñiqsrapiaġataŋanun nunam. 10Aasii taamna atqaŋaruaq ilaaguruq mayuŋammiruaqtauq qutchiŋñiqsramun qiḷaŋmun, ilaan atanniqsimasukługich supayaurat. 11Aasii aitchuutiŋi innasiuŋarut, iñuich iḷaŋich tilirautquvlugich, iḷaŋich uqaqtautquvlugich God-mun, iḷaŋich tusaayugaaġiksuanik alġaqsruitquvlugich, iḷaŋich aŋaiyyuliqsautquvlugich iḷisaurrautquvlugiḷḷu. 12Taamna piŋagaa, itqanaiyaqsaqługich iluqaisa God-im iñuŋi savaaqsranun ukpiqtuaguniġmiŋni, sivunmuktuutiksraŋannik aŋaiyyuliqiruat, timigikkaŋi Christ. 13Tavra iluqata atunim ukpiliġataqtilluta, suli uvaptiŋnun iḷitchuġipiaġataqtillugu Iġñiŋa God-im, iñuullautaġuminaqsiḷġataġluta iñuusipiaġatamik Christ iñuusiġitqukkaŋanik uvaptiŋnun, ilaan iñuusimisun. 14Tavraŋŋaaglaan inŋaiġñiaqtugut miqłiqtutun maliksuyaruatun, asiñuutipkaġumiñaiġḷuta killukun iḷisaurrutiŋiññun sagluqinnigniaqtuat iñuich, pisaasuunmikkun killukun ukpiqtitchisuuruat iñuŋnik. 15Aglaan sivunmuktuqtuksraurugut supayaakun Christ-tun iḷisaiññaġluta iḷisaurrutigilugu iḷumun ittuaq piviuttaqqutiluta. Christ niaquuruatun ittuq, 16#Col 2.19.aasiiḷi uvagut sulliñiġimmatun itkaatigut timim. Timi aŋalanmatun niaquata sulliñipayauraŋi savaŋmatun surruił̣ł̣utiŋ navyaapayaurat uniuqtinŋaił̣ł̣utiŋ, tainnatulli ikayuutiruksraummiugut avanmun iḷisaiññaġugluta Christ-tun piviuttaqqutiluta avanmun.
Nutauruaq Iñuusiq Christ-kuaqtuaq
17Tavraasii Ataniq uqaqsiqł̣ugu uqallautigivsi qapiŋaiqł̣uŋa tavraŋŋaaglaan iñuusiqaŋaipiaquvlusi Jew-guŋitchuatun, isumaqaqtuatun anniqsuutauŋitchuanik, 18suli kaŋiqsiḷaił̣ł̣utiŋ, qanuq nalupiallaktut uqayunaitchullu. Iliŋich iḷaŋiutiyumiñaitchut iñuutchimun God-im aitchuutaanun. 19Suqpagillaiŋagaich unnii iluqaisa kanŋunaqtuat sut, aitchuutigivlutiŋ inmiŋnik qanusipayaamun pigiiḷḷiqunmun, maliġuaqługich isummiutitiŋ qanusipayauramun pigiitchuamun pitchaiḷiraġniaġnatiŋ.
20Iḷisaŋaitchusi tainnatchimik iñuutchimik iḷisausiavsigun Christ-kun. 21Nalupqinaitchuq tusaayugaaġiŋagiksi Christ, aasii ilaan maliġuaqtigimmasi iḷisausiaqaŋarusi iḷumun ittuanik Jesus iḷisaurrutiŋiñik. 22#Col 3.9.Tavraasii aŋalatinŋaiġitchi piḷuksisuguuruanun iñuusiġruavsiññun, pipkaisuuruanun ilivsiññik taimani iñuusiġisuukkavsiññik pigiipiaġataqtuakun inŋaruanik, kipiqsaaqłusi pigiitchuanun sagluqivlusiḷu. 23Nutaaġuqtuksraupiaqtusi kipiġniuġutigikkavsigun isumanivsiññiḷu. 24#Col 3.10; Gn 1.26.Aŋalatittuksraupiaqtusi nutauruamun iñuutchivsiññun savaaguruamun God-im irrusiatun, iñuupkaiyumiñaqtuamun ilivsiññik iḷumutun nalaunŋaruakun piḷuutaitchuakullu.
25 #
Zec 8.16. Tavraasii sagluuŋaiġitchi. Iñupayaaq uqaqtuksraupiaqtuq iḷumun ittuamik ukpiqtuaguqanmiñun, qanuq iluqata atautchimiittugut timaani Christ. 26#Ps 4.4.Qinnaliġuvsi piḷuksisiginagu. Qinnaŋanasi uvluqtutilaaŋatun, 27tuunġaq piviksraqaqtitauŋitchumauq piḷuksipkaġumiñaġlusi. 28Tavraŋŋaaglaan tigligaqti tigligaŋaiġḷi, aglaan savagli saglutaġautaitchuakun, aitchuutiksranikkumauq piiḷḷiuqtuanun. 29Uqaluqaġnasi anniaġutauruanik iñuŋnun, aglaan uqaluqaġitchi anniqsuutauyumiñaqtuanik sivunmuktuutauyumiñaqtuaniglu, tamatkua tusaaruat uqaluvsiññik anniqsuusiaqaġumaut. 30Suli isumaalluksaaġnagu Ilitqusiġiksuaŋa God-im, qanuq Ilitqusiġiksuaq God-im nalunaiñŋutchiutigiŋagaa pigiliutivlusi, nalupqinaiyautigivlugu uvlumi taivrumani God-im annaktinniaġmasi iluqaaniñ piḷuunmiñ. 31Uumiḷuġruutiqaġnasi iḷuvsiññi, piavsayyataiḷḷusiḷu qinnautaiḷḷusiḷu qanaaġutaiḷḷusiḷu, suamaruanik uqaŋaiġḷusiḷu naġġuksruutiŋaiġḷusiḷu, 32#Col 3.13.piaqłuktautiŋaiġḷusiḷu avanmun, nagliksrautiqaġlusiḷu suliqutigiŋaiġutilusiḷu avanmun, God-iptauq suliqutigiŋaiŋammagich itqaumayumiñaiqł̣ugich piḷuutisi pisigivlugu Christ.
Currently Selected:
Ephesians 4: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
